Hooghan Si’ą́ągi Bóhólníihii bi’Ii’sizį́į Hóló
Jesus Christ bee ne’oodlą’ nooséełgo nihighangi haajéé’ dóó nihighan biyi’ ii’sizį́į yik’ehgo dahiná ńdaadlééł.
Shik’is dóó shiláh shił danóhłį́, baa ahééh nísin nihich’į’ hadíidzíh díí 189 Naháah Ntsáago Áłah Áleeh Jesus Christ biSodizin bághan íił’káahdi Dayoodlá. 1830 díí biiyi’ yóołkáahgo, Joseph Smith lá Bóhólníihii bik’ehgo Sodizin bághan hayiyííłwod. Éí yee’ Whitmer biyi’ Fayette, New York biyi’ háá lwod. Ákwe’é 6 íhidiikáii dóó 50 daats’í dine ákwe’é dabíínááł.
Ákot’ée ndi doo shił bééhózin da ha’íí Bá Yáłti’í Joseph yee haadzíí’ doodáii’ haanóoningo eíí dine t’áá dikwíhii yidáahgi sizį́, shił bééhózingo eíidí dine’é Jesus Christ dayoodlą’níi. Diyin Ii’sizį́į dabidíis’áá’, dóó hodiyingo haz’ąníi yikáii yaa áko danízin. T’áá aaníí yee t’ááłá’í danlíigo yaa ákodanízin.
Eíí alílee na’íiłnáají lá t’áá ániit’é nihighangi daníidzin. Éí adíił’náhii lá eíí siidlį’ii, t’áá Palua yaa hóolne, “ii’sizį́į k’eh ntsékees.1
Dííjį́ biniiyéii lá bee ndi’néeshtįįł ha’íí shił bééhóziníi nihí hait’áo áłahjį’ nánihidiiłnááh dóó bił haijéé’ bitahgóó áłahjį’ bił dahóló. Bii’ hadooyáii bee nihił bééhózin, áko nanitł’áii bee. Saa hóló, ádaaha’íi, dóó bąąhí íit’įįh áts’ąą kiwi níilzin. Niłtílíi Christ be’ayóó ó’ó’ní nihi bił haijéé’ íiyisíí bijéí biyi’ dahódoolééł.
Adam dóó Eve, Lehi dóó Sariah, dóó nááná ła’ da’niséii saa diyiníi bik’e’ádahíi eíí aníleeh níníi t’áá nantł’áii. Konzáhjį’ áda’ályáii bee ha’ííniilníigo ła’ yił haháazhjéé’ dóó dahooghangóó yee dahináo bee ha’óní. Dóó eíidí áda’alyáii bee yiiltsééh éí bik’ahgo nihá dóó bił heijéé’. Nihi béedaałniih 4 Nephi biyi’ baa hane’.
“Dóó áhooníłii éí kéyah bikáa’gi doo saad ahíít’áhí da, Diyin God be’ayóó ó’ó’ní éiyá dine’é bijéí biyi’ dahólónígíí biniinaa.
Dóó doo éí oolch’į́įd da, doodago doo ahiłk’ijį’ ntsídaakees da, doodago doo saad ahídeet’áah da, doodago ałjiłí, doodago yoochííd, doodago nda’ałtseedii, doodago atseezį́ dóó na’adlo’ diné dóó asdzání bee tsi’naʼadáh ádaat’éii éí bitahgóó ádin ńt’ę́ę́’; dóó t’áá aaníí éí Diyin God t’áá ałtso nihookáá’ dine’é bíla’ yee áyiilaaígíí éí t’ah doo kót’áo bił dahózhǫ́ǫ da ńt’ę́ę́’ díí dine’é íiyisíí bił dahózhónígi át’áo.
“Áadi da’ni’įįhí, índa nda’ałtséedí, dóoni’ áadi Laman bidine’í ła’ da, dóoni’ ał’ąą át’éego da’ahojíhíi ts’ídá áden; ndi ałtso t’ááłá’í dayikah, Christ ba’áłchíníi, dóó Diyin God bił haz’ąníi dayoosbą́.
“Dóó ayóó át’áo bik’idahojidlí! Háálá t’áá ałtsoní ádeilé’íi Bóhólníihii yik’idajsídlí’; aoo’, azhą neeznádiin ba’ąą neeznáá nááhaijį bik’idahojísdlí’ dóó náás noot’į́įł; dóó Christ niyáadi niho’diizhchįnę́ę ałtso ájisdįįd, dóó ałtso kéyah bikáá’ doo saad ahídeet’áhí da.”2
T’áá nihił bééhózin, doo eíí íł hózhóo áhool’áa da. 4 Nephi biyi’ yaa halne’ dine’é yá’át’éehgo dah yikáhę́ę saa diyiníi yii’ háákiai. Éí lá t’áá niléidę́ę́’ eíí dine’é ałkéé yiih dahéeskai, t’áá átée nt’ęę’, agháo baa yiníłii, ła’ háhaazhjéé’. Eíí áhoonííł naalkáahgo, nihí hait’áo bik’ee’ąą hádiikah dóó bił haijéé’ yaa ayóó ahó’nínii ńdadinóosééł.
Kwe’é lá eíí diné 200 nááhai saa diyiníi nizhónigo yee dahiná dóó bił dahóozyéél bik’ijį’ yii’ háákiai.
Ádaahozódlí hazlíí’.
Dine’é ayóó binaadéełii bił dahółtsoh daazlíí’.
Áádóó éí bilááh ánisht’é nída shi’óh ájit’é daaní.
Jesus Christ yee dayoodlą’nę́ę bee ádaadįįł.
Da’joołá daalééh.
Bąąhí ałtah áat’éeł yaa haahai.
Da’niséii dahóyąníi bighangi haajé’íi t’óó ła’ haashį́įt’é silį’ígo yaa ákodinóozįįł. T’áá aaníí, yee’, bida’diił’áa doo. Ndi yaa ákodinóozį́įłii eíí yiniináa ákot’éhii yee’ Satan dine yá’át’éehgo naagháii atiin t’óó baa’í góyaa ayii’éehgo bąąhí yaa náakai dóó Diyin Ii’sizį́į yaa dááhidiikááh. Akó hoot’į́įgo, anise hoyąníi yiidoołtséłii eíí be’awéé’ hait’áo yá yigháłii baahódoozhísh, dóó t’áá bí, Bóhólníihii hoosdę́ę́’ bił niníi deidinóozįįł.
Hwe’awéé’ t’áá hoosch’į’ ne’íina’ łahgo ánlééh dii’níidgo, jó na’niłtł’áii hóló, éí ádaahozódlíi. Áłchíní t’áá shǫǫdí t’áá doole’é t’áadoo baa níchį’ígo ayóó baa nidléé’. T’áá shǫǫdí ła’ bił hainjéé’ t’áadoo ákodainóh siní bididíiniił. Ndi áadi yiniináa át’éhígíí bik’idiináał “Áádoo Jesus Christ yee dayoodlánée ábi’niidį́į́h.”
Akwǫ́ǫ́ nighangi haajéé’ bee ii’sizį́ k’ehjí iináníi bitsijį’ yináałgo łahgo ádaat’ée doo—dóó ní ákwe’é bił hónóló. Be’oodlą’ danéeséłii bee biká iinílwodgo eíí Jesus Christ ayóó ábo’níigo lá bik’é Nina’ídlá, she’íina’ łahgo ádeeshłííł dinóozįįł. Ákodáago, ádaahozódlí hę́ę jooba’ ádi’doolnííł. Bóhóníihii baa yinílahíí bidiis’náa’go, t’áá bí ayóó bíł hadlée’ doo. Yiká ínitáhę́ę éí doodágo shik’éh dooyę́ę ádoodįįł. Ajootłá lá ayóó ó’ó’ní ch’íbidinóołchééł. Dóó honáasii’, ńléí anánta’í Benjamin yee dine’é ídiikai yę́ę nahalingo, yá’át’éhii deinízingo bąąhí bee bídahóntah nidí yich’į’ hada’ólníh. Anánta’í Benjamin bidine’í eíí doo shashkáł baa na’ádáh doo deinízin da.3
Ákoh, Jesus Christ woodlą́ dah diníiséehgo lá bił hainijéé’ dóó nihighan biyi’ ii’sizį́į k’ehjí iiná áádįįłę́ę dadiníiséeh. Oodlą’lá eíí yiwóhgo iiná łahgo áyiił’į́į́h nihi idadilna’ígíí t’áá ałkéé’ bik’ijį’ na’níitin ndi ii’sizį́į k’ehgo iiná áádįįł.
Ní bee ééhózin binahjį’ áyinááł. Ła’ bił haijéé’ dóó nááná ła’ ts’ída Jesus Christ bee yinídláníi bee niiséłii dayoo’į́ dóó Bíhane’ yá’át’éhii biyi’. Nihi t’áá ániih ayóó át’éii bee nihiká i’íiswod. Sodizin bághan biyi’ da’niséii bik’idahojísdlí’ bił hahishoojéé’ dóó t’ááłá’í noozínígo saad nihá ałkéé’ nii’nil. T’áá éí choinół’į́įgo, nihe’oodlą’ dinóosééł dóó niha’áłchíní Bóhólníihii Jesus Christ deidóodlą́ą́ł.
Oodlą’ beeniilzééł
Yisdána’iiníłíi bee yiniidląníi noosééł nihi Naat’áanii Russell M. Nelson t’áá bikéé’ yiikáhgo Mormon biNaaltsoos dayinółta’ nihił ní. Nihi saad daasdzóh dóó saad Yisdána’iiníłíi yaa halne’íi nídi. Ní Jesus Christ bee yinídlą́ dineesą́. Ndi, ch’il dah diníisą́ nahalin, kot’áo Jesus Christ woodlą́ dinóołnáh t’áá hazhó’ó áłahjį’ bee nitsíikeesíí bik’ídááh dóó biká sodadiilzingo.
Nihe’oodlą’ bee nooséłii bił hahishoojéé’ doo k’ad yikéé’ deiyíkáah da. Ndi Alma ániinaagáii yii’ hádiiyáhii bee nihijéí hada’ólní. Kanaaghá biyi’ iiná łahgo álnééh yíden nilį́ dóó háyoo’ádit’ááh, bizhé’é Jesus Christ yoodląníi yénaal’nii’. Niha’áłchín Yisdána’iiníłíi bee yinóhdląníi ńléí be’íina’ łahgo áneidléehgo dah t’áá íiyisíí yéédoolníh. Alma áajį’ áhalzhíshgo yaa adííniid:
Dóó áhooníłíi éí kot’áo ti’hoo’ííh eíí shidé’at’éego, t’óó ahayóí bee ni’ayési’íí shíni’dí néiilchį́įgo bik’e’íyéé’, jókon, shizhé’é náasjį’ yaa halne’ disétsą’ę́ę ałdó’ bénáashnii’ nihokáá dine’é Jesus Christ, Diyin God biYe’, yee yił halne’ígíí bibąąhí ádaat’éii yá nina’doodlééł.
“K’ad, shini’ díí yaa tsídeezkéezgo, shijéí bii’dí biká hadeeshgháázh: O Jesus, Diyin God biYe’ nilį́į, shaa jiiníbááh, ts’ída dichí’íi biyi’ naashá, dóó hool’áágóó aniná bibéésh da’ahólzha’í shináheezt’i’.
“Dóó k’ad, jókon, díí íniizíi’go, danéshgai yę́ę doo bénashníih da; aoo’, shi bąąhí yę́ę doo shida’diił’áa da.”4
Ayóó ó’ó’ní bee sodizin
Ne’oodlą’ bééhozínigo nooséłii t’áá biit’ą́, ła’ haajéé’ ałhíneikahgo sóndadilzíihgo hooghangi dahodísin dadoolééł. ła’ haajéé’dóó t’ááłá’ígo sodizin yee háhaadzíh. Sodizin t’áá íishjání diné nitsidadéesgo’ dóó da’íists’ą’íi bá Diyin God bich’į’, t’áá át’é be’oodlą’ dadíníséeh. aZhé’é Yá’ąąshdi hólóníi dóó Yisdána’iiníłíi be’ayóó ó’ó’ní dabidíił’áhii yaa ákodaniizííh. Dóó há sodilziníi yił haajéé’ názbąsgo nitsidadéezgo’ę́ę dayózhiih, ałtso ayóó ó’ó’ní yaa ákodanízin dóó ła’ haajéé’ ałch’ídę́ę́’.
Azhą ła’ haajéé’ doo hooghangi dabighan da nídi, sodizin yee ayóó áda’ahó’ní dinisééh. Ła’ haajéé’ bisodizin nihokáá’ tse’náá bíighah. Doo t’ááłáhí da eíí ła’ haajée’doo yaa sodilziníi ła’ nízaadí naagháhíi t’áá éí yiká sodilzingo baa ákoniizíí’. Shísezíi, ha’ní saní ła’“Ła’ haajéé’ ahił sodadilziníi eíí náás ahił yikáh” yee’ kot’áo ájiníih “Ła’ haajéé’ eíí ahił sodadilzingo ahił yikáh, azhą bita’ danízaad nídi.”
bąąhí ndit’ááh Noosélí Bee nántin
T’ahdoo haníilt’é yiidlééhíi biniinaa dóó t’áá hodiná’í ła’ nídiiltíh, bił haijéé’ bił doo nanitł’ágóó ké bidíi’ní chin nihąąh áden dóó t’áá aaníi ádii’nóo. Da’niséii átsé bee ééhózin áyoolííł. Saad bik’e’áshch’í’íi éí doodágo óolch’į́į́d tsíiłgo dóó t’áá aaníí náhjį’ kódiilnííł. T’áá naníl’įní “Doo áko nidííniid da” bee k’é dóó náasjį t’áá áłah yéidiyooná dóó ayóó anó’níi doo.
T’áá naníl’įní “Doo áko nidííniid da” bee k’é dóó náasjį t’áá áłah yéidiyooná dóó ayóó anó’níi doo. Bí tsíiłgo yá áts’éideet’ą́ azhą atíbiiláii yiniiyá náádoodáał nídi. Shá nahjį’ nidiní’aah yiyííkeed, dóó t’áá ne’nilíní ákodzaa.5
Nanitiní doo ne’nilínígi ániit’ée doo
Mosiah biye’ké hane’ yá’át’éehii t’áá ałtsoní yee yił ádahasne’. Díí t’áá bí bąąhí ndit’ááh yiyi’ hahidiikaigo áko danízin. Doo háiida bąąhí ti’ayoołníhii doo áko dabidoolíłii biká ndéinitin. Biká doo nidzíngóó lą’í nááhai, náhontł’á, dóó be’ána’í atídabidoolííł Jesus Christ báhane’ yee yił ádaho’níilne’go. Ákohgo lą’í béédaahai doo dabidi’nídzinóo, ndáhontł’ah, dóó be’ána’í atídabidoolíłii Jesus Christ báhane’ yá’át’éehii yee yił dahalne’go.
Nihi bił haijéé’ hane’ yá’át’éehii háiida bee bił hódeeshní dínóozįįł bąąhí bá yóó adoot’ąníi biká. Eíí bich’į’ kódoolnííł t’áá ánii bee áha’diist’ą́ yeda’óolííłgo ńiéí bááh, tó, yilzį́įhgo. Na’nitiní doo ne’nilínígi ániit’é nihighangi dóó da’niséii bááh, tó, yilzį́į́hdí bą́ahí bits’ádidoot’ááł. Bí hodísingo dah sikáo, t’áá’áłah da’niséii dóo áłchíní eíí bee íłhózhóníi yaa áko dadínóozííł. Eíí hooghangi baa íł hozhóníi niha’áłchíní yinahjį’ na’nítiní át’éii yíhwiidooł’ááł. Doo ałtso na’nitiní dadooléeł da, ndi ałtso hane’ yá’át’áahii ła’ bee bił hodéeshní dínóozįįł, jo’éí bąąhí bá yóó adóot’ą́ dóó bił hóozyéél. Dóó k’ad daats’í na’nítiní nilį́ éí doodáo t’ahdoo da, ałtso hane’ yá’át’éhii ła’ yee yiłhodoolníhii yaa bił hózhó.
Átaa’ bighan baazh niyá
T’áá’áłah da’niséii dóó áłchíní, Átaa’ dabighangi ayóó yíhwiidooł’ááł dadiyingo bił nahaz’ąníi. Áko áłchíní t’ahdii ádaałts’íisigo doo ayóó nanítł’á da Áłchíní Christ be’ádinídíí bił ndaháazchį́. Azhą awéé’ nídi Átaa’ bighangi hasti’íi yaa ákonízin. Da’niséii ba’áłchíní yázhí ayóó ádayo’níníi biniinaa, Átaa’ dabighan bił hadajiizjéé’ áhool’áo ahíł daiyíkahíi yiká ayóó—áda’áho’níi doo.
Nihi ła’ Átaa’ dabighan nihighan góne’ hódahgo dah náaznil. Átaa’ dabighan nihokáá’ nidáa’nil, Átaa’ bighan t’óó ahayóígíí bąą da’niséii ba’áłchíní bináágóó áhoot’éhíi yidainéł’į́ biká ákǫǫ ałnáádei’ísh. Átaa’ dabighan yiidlíshjį’ hoozhíshgo bee hoo’á’ góne’ bił ákǫǫ doohkáh. Da’niséii yinéididóołkił áłchíní Átaa’ bighan yaa yíkaigo doodáo yił yáh éekaigo.
Aniséii t’áá aaníi yee hadóodzíh Átaa’ dabighan yínahjį’ yaa ákoniizį’íi. Naat’áanii Ezra Taft Benson, Átaa’ dabighan ayóó áyo’ní, bimá Átaa’ bighan bi’éé’ ye’e’áahgo lą’í bee áhee’álk’i’ yinél’į́įgo.6 Ashkii yázhí nilį́įgo bighandoo Átaa’ bighangóó dah da’díidágo yénalníih.
Sodizin báHooghan biNaat’áanii nilį́ néedáá’, Átaa’ bighangóó t’áá ákohgo ákǫǫ áłnanádááh. Átaa’ bighandi bizází bá náanish ádayiilaa. Éí binéesąníi ákot’į́įgo yits’ą́ą́dóó yíhool’ą́ą́’.
Shi t’áá aaníí bee dishní
T’áa ní bik’idiinááł níghan si’ą́ągi yiká ádaat’íigo yaa bił dahózhóo Bóhólníihii Jesus Christ dayoodlą́ dóó ákwii ayóó o’ó’ní hóló. Hane’ yá’át’éehii ninályáadáá’ ła’ hooghan hojooba’ígo bił haz’ą́ǫ ła’ hojooba’ nilį́į na’ídéełkid, dóó t’áá nihighan t’áá ákodahoot’é dóó baa dahane’íi hazhó’í bee dahiníi’ní. Hane’ yá’át’éehii ninályáadáá’ ła’ hooghan hojooba’ígo bił haz’ą́ǫ ła’ hojooba’ nilį́į na’ídéełkid, dóó t’áá nihighan t’áá ákodahoot’é dóó baa dahane’íi hazhó’í bee dahiníi’ní. Díí áhodoonííł nísin dóó ashkii yázhí nishłíidáá’ bíden nishłį́. T’áá ánółtso hooghangi ákohoot’éedoo ni’ danóozį́į́’.
T’óó ahayóí yee’, Bóhólníihii nihiká éelwodgo, ákot’áo nahaz’ą́. Ła’ yee’ nihijéí bee shik’ihózhdoodlííł bínootáá’, ákondi t’ahdoo nihaadeet’áa da. Shí éiyá Naakits’áadah Yilt’éego Áhees’a’íi ła’ áko shił níigo yee shá haadzíí’. Shí eíí kobidííniid, ła’ shighan haz’ą́ą́dóó łahjigo dah diikai, shí náás hodeeshzhíízhgóó doo aháá náhidiiká da shą’ shin bidííniid. Koshidííniid, bénashníihjį’, “Ní doo akót’áo bee ach’į’ anáhoot’į’ bá.ah níne’.
Yiníshdląníi eíí nihich’į’ kwíidoolíłíi eíí ats’íís bee hiníi’náadi biden daníidzin jó t’áá bóhonee’ąníi ałtso ádeiilyaa dóó bił haijéé’ áhool’áo iiná yiká ádaat’į́. Shił bééhozingo eíí aZhéé’é Yá’ąąshdi hólóníi yinahaz’ąníi bee nihił hózhó diidlééł. T’áá aaníí ádishníigo eíí Yínashaz’ąníi bee nihá bóhoneezą́ háiida t’áa yíneel’ą́ąjį’ yił haajéé’ ahool’áo áłhideidiiłjá’.
Shił bééhozingo eíí Joseph Smith Diyin bibee’ádziil bibee ąą ńdaditį́hí baa náheesyáhii éiyá t’áá k’édlaadí Naat’áanii Russell M. Nelson beiyí’nil. Eíidí bee ąą nídadítį́hí díishjį́ ła’ haajéé’ bee ahídabi’díiljééh. Shił bééhózingo eíí aZhé’é Yá’ąąshdi hólóníi ayóó ánho’ní, ayóó ó’ó’ní hadíłt’ée bee. Shił bééhozingo eíí Jesus Christ ti’hoosnii’ígíí biniinaa, nihí iiná łahgo ándiinílii bóhonee’ą́, nihąąh ádool’ół, dóó bíniil’ą́ síidlį́į́’go ła haajéé’ bił ayóó ada’áhiiníi’nóo ahool’áo Azhé’é Diyiníi dóó biYe’, Jesus Christ ayóó ayó’níi bił honíidlį́į doo. Shí Jesus Christ bízhi’ binahjį’ adishní, áámen.