Ii’sizį́į k’eh iiná dóó aa’ áhayą́ náneeskáál Ánleeh
T’áá aaníí deiltsąníi, nihighangi, niha’áłchíní, dóó Sodizin báHooghanjí aniitahíí bee nihił hółdzilgo satan doo nihi k’édidlíi da.
Shik’is dóó shiláh ayóó óoshníi, díí áłah áleeh lá ałch’į’ ánalnééh, nihiZhé’é Yá’ąąshdi Hólǫníi yee’ ach’į’yálti’, t’áá aaníi, dóó yit’į ál’į́į díí naaki jį́ kojį’ háá daakáhgo yaa dahoolne’ii baa ahéhee’ bidishní. Nihí Diyin God bá nidaal’a’íi saad diyiníi yee nidánhineetą́ą́’. Bóhólníihii lá Iił-káadi yéé nihiyíiłníí’ yit’į́ ályáii biyi’, “T’áada shí shiinéé’ bee doodáo ... shá naazíi biinéé’ bee, éí t’ááłá’íi át’é.”1
Díí da’oodlánii bit’áh yish háłgo, dóó íhidiikáii ntsáago áłah áleeh nihokáá’ ałtso shíni’ bii’ nésh’į́, shí Mormon Bináaltsoos áłah silí’ę́ę baa ntséskeesgo Jesus Christ siyéesxį́ bikéédóó Nephi dine’í yich’į’ yit’į́ í’diiyaa. Hane’ yá’át’éehii yee neineeztą́ą́’ dóó bídanóoł’ą́ yiłní, “nihighangóó ndóhkááh, dóó ánhidííniid baa nitsóhkéés, dóó Azhé’é néiyidółkid, shízhi’ bee, áko bik’ida’dídoohtííło.”2
“Hooghangóó ndóhkááh, dóó baa ntsídaahkéés” lá bee ni’deeltáál nahalingo bá yádaałti’í bizaad nihijéí biih dadiilyééł dóó Sodizin báHooghanjí bá naazíi baa hasti’íi yee hadahéesdzíí’. Christ-haghan si’ą́ągi Diyin God bił haz’ą́ nihokáa’gi diishjį́įdi bá na’neeskáál, baa hóone’í gi’at’áo, íi’sizį́ be’óozin bíla’áshdla’ii ba’áłchíní bijéí yii’ dahónoolcháł, dóó t’áa doole’é yá’át’éhii yik’ijį’ yádahalchííh.”3
Dine’é t’áá niléidę́ę́’ náneeskáál ádeił’į́įgo be’ána’í doo bił yah íijéeh da. T’áá ahááh, eíidi ńdaneeskáal hódahgo hada’ásídi bá haz’ą́ǫ ál’į́į́h—áyádaałti’í nahalingo—diné doo yá’ádaat’éhii yikáh dóó ána’í deiyíbáá.
Ngháidę́ę́’ diné tsinaabąąs yee niná, shinálí-bizhé’é Thomas Rasband dóó ba’áłchíní yee’ ła’ áłtsé nléi Heberjí ch’íhonízhǫǫjį’ Wasatchjí dził dani’áo hozhóngi Utahdi yíkai.
1859 biyi’, naakidi náshinálí hastįį Hebergi ná’neeskáál atáh áyiilaa. Éí t’íís bee ádajiiláá, ałhíighah adáaz’áago, dahooghaníi bináneeskáalgo. Haghan yee’ ahéé neelhálii biyi’jóó náaznilgo ádajiilaa. Akót’éego doo áyohóolníih da dóó tsináábąąs yee deiyinéhii t’áádoo át’ehoo ba’áłchíní yił nidáhanéehgo dóó Bóhólníihii yich’į’ sodadilzin.
Nihi dó’ ákodaniit’é. Nihighan biyi’ nihokáá’ bidooháshkał doo yah íijeeh da. Nihighan gone’ Christ bee baa hiikáhii bibee náhaz’áanii bóhwiil’áhii bee bikéé’ yiikáh, saa dadiyiníi ńdeilkáahgo dóó ahił sodadiilzíngo, dóó aha’deet’ą́ bee áłká anéiijáhgo bik’é yiikáh. Ániidi t’áá hwó dóó ha’áłchíní haghan biyi’ naaltsoos bik’éhgo saa naalkááh hodoo’nííd Hágo, shikéé’ yinááł yéego bee íidiidlą́ą́ł dóó bee Jesus Christ beníilt’é dadiidlééł.”4 Ákoh nihí yee’ íilníłíí biyi’ Paul ááh yił níníi “ániidí ndasiidlíí’”5 nihijéí bee dóó nihii’sizį́į Diyin Godk’éhjí yigááł. Nihí eíí be’átse’ níizin áko nihíntahii yee nihik’ijį’ naádii’náhii bik’ehdidiidlééł.
Nihí Jesus Christ yiniidláago nanihi’dizhchįníi nihe’íina’ bee bikéé’ yíikah, Diyin Ii’sizį́į nihił hóosyeelgo baa ákodaníizin, éí t’áá aaníi yaa nihii’éésh, hazhó’í be’íil’įįgo Bóhólníihii nihik’idajídli’, dóó Diyin God hiná dóó ayóó ánho’níi yee nihił hálne’. Díí dánhighan bee bił hółdzilíi ałtso dabiyi’. Ndi benáłniih, dánhighan góne’ t’ááłá’í níidzíngo ii’sizį́į be’ádziil bił haz’ą́.
Naat’áanii Russell M. Nelson yee na’neeztą́ą́’, “Yoołkááł biyi’, doo éí bóhonee’ą́ą dadoo ii’sizį́į k’éhgo iiná doo nihoolóósoo, doo kojóó, bee ha’óní, dóó álahjį’ íł hólóo Diyin Ii’sizį́į.”6 Bóhólníihii bá yáłti’í, oo’į́į, dóó bił yit’į́ ál’į́ díishjį́ yiyi’ hiná, nihináneeskáál bá dah ya’ii’áadoo ha’ásííd, Jesus Christ biSodizin Baghan Iił-káadi Dayoodlą́, bí ana’í náas yikáhii yoo’į́.
Shik’is dóó shiláh, nihí yee’ Satan akǫ́ǫ́ diné bii’sizį́į biká nideibááh. T’ahdóó ni’gi nihi’dichííhgóónidadiibági ásdzóh. Satan dóó táá’ bíighahgo aZhé’é Diyiníi ba’áłchíní hool’áo iiná baa deet’ą́nii yits’ą́ąjoo kódaadzaa. Áádóó woshdę́ę́’, ak’ijį’ naabááhí yił danlį́į aZhé’é binahat’a’ deiniizį́’ii yik’ijį’ nidaabááh.
Satan t’áá dikwihí naabii doolkáłii bił bééhózin dóó áhaní yilééł. Ayóó nahagíz dóó i’diilééh, doo hodínóołnéeł da. Ákohdí, t’ááłá’í naazínigo bii’náazį́į yiká naabááh.
Ii’sizį́į k’eh iiná bee nihí náneeskáál íilyaago bii’ nihaa’áhayą́ dóó nihii’sizį́į ts’ídá baa’áhayą́, áko evil nilį́į nihí náneeskáál góne’ yah ádoolwół da.
Satan tł’ish nahalingo háánii’ná, nihini’ dóó nihijéí yííh nit’į́į́h t’áá nihí níitłóhgo, nihąąh nahoniká’go, doodáii’ niha’óní áden yiléehgo. Bí ayóó kont’é yee hashtł’áh nihilóós, nizhánę́ę’, t’áá bidín nilín da, doodáii’ t’áadoo ni’diił’áhí. T’áá akó ádaahó’niih, t’áá na’áhwiinít’íní, niyooch’ííd, t’áá nits’ídí, dóó ła’ ałyóí baa nánilwo’ dóó honáasdi “doo nihi’diił’áhí da.”7 Ii’sizį́į nihitsá doogááłgo át’é. “Dóó devil kot’áo bii’sizį́į yi’diilééh, dóó hell góyaa yaa yizidgo áyiilóós.”8
Łahjígo, nihí t’áá áłahjį’ Iisizį́į ayóó bitse’go nánhiił’náo saa díi gi’át’áo Diyin God baa dahwii’níihgo bich’į’ bee dahwiitááł.
ayóó nihiDiyin God neelkáál nilį́,
Bitse’ yaa’áii doo ńdoołdás da.
ayóó aká íilwo’ii nihiDiyin God,
O iiná yidiiłk’ąąh honóoneeł.9
Nihí iisizį́į k’ehgo iiná be’átse’ nihi náneeskáalgo, nihí nitáahii doo nidibááh nihíne’ da, bits’ą́ąjoo náhiidááh, dóó Ii’sizį́į bihóozyeel nihił hólóo łeh. Nihí Bólóhíihii dóó nihí Yisdána’iiníiłii áyiiláii íilnííł, éí, doo kééhat’į́ngi bíneezhtą́ą’go, áyidííniid, “Satan shini’joo anínááh.”10 Nihí iiná biyi’ yiidáałgo baa íhwiidiil’áałgo át’é.
T’áá ákogi ániit’é yee’ Mormon Binaaltsoos biyi’ hazhó’í baa hane’ shą́ą́’ Moroni éí Nephi dine’í yiba’ hasht’eyiilaa Amalickiah bina’ádlo’, dił yidin nilį́į, dóó hatsi-dasedáa doo nízingo haaníbaa’. Moroni yee’ Nephi dine’í bi náneeskáál ádayiilaa “áko Bóhólníihii dabiDiyin God yá dahiná, dóó akó t’áá náás yit’íh eíí Christ yaa ádadiist’ą́ deiłnínii.”11 Moroni yee’ “Christ nił dzílgo yoodlą́,”12 dóó dine’é ayóó dayoodlą́ągo “Diyin God bibee haz’áanii déiidóhsin ... dóó tsi’na’adá yits’ą́ą naakai.”13
Laman dine’í ndadóobá yiká yíkaigo, Nephi dine’í biya dáhodéeshiz hasht’e’ ádadiilyáa lá, dóó baa dahóneesná. Nephi dine’í ahéhee déiłní “Bóhólníihii dabiDiyin God, be’ádziil ayóó at’éego be’ána’í yilák’ee habíi’eezhii biiniinaa.”14 Nighéi t’óó’jígo tsin ahee neelkáalgo ádayiiláo áa atídaadzáa da, dóó biyi’dí Jesus Christ dayoodláago ádayiiláá—bii’sizį́į biníi’dí.
Ha’íísh bee nitsihonídéelgo bits’ą́ą nihi náneeskáál ádadiilnííł áko t’áá “Diyin Godbilák’ee yee náalnishí daniidlíigo díí naanish ayóó át’éii łá dadiilnííł”?15 Tį́’ saa dadiyinjį’ dadiníít’įį’.
Nihí ak’eh hóníil’į́. Bóhólníihii azhé’é nilį́į Lehi niye’ké Jerusalemgóó ńdookáh yidíiniid “ńda’íidzo biká, dóó doo kééhat’į́į góyaakódí nideidoojíh.”16 Lehi t’áadoo na’ídeełkid da; ha’íí doodáii’ hait’áo niizíi’ da. Nephi dóo ndó’ kot’é níi da, t’óó koní, “Shí akǫ́ǫ́ deeshááł dóó t’áa doole’é Bóhólníihii dííniidígíí éiyá ádadeeshłííł.”17
Nihí Nephi ak’eh hół’į́ nígiísh ádeiit’į́? Doodágo nihí daats’í Nephi bik’is Diyin God shą’ hait’áo kozhdííniid nóo na’ídiłkid, be’oodlą’ bi’hóhgo Bóhólníihii yits’ą́ą kódaadzaa? Ak’eh hól’į́, t’áá bóoltą’go “ajéí niłtólí,”18 yee’ Bóhólníihii nihíyókeed.
Bóhólníihii ba’íiniidlí, éí Joshua íidiiniid, Israel kéyah bee aha’deet’ą́ą góne’ yah íidoo’íshgo hasht’e’í’diiyaa, “Nitse’go dóó ha’ ... íínilníigo; t’áá nanildzídi, dóo ndó’ baa nił yé’í; haalá Bóhólníihii niDiyin God yee’ nił hólǫ́ t’áá yinááłgóó.”19 Joshua eíidí saa ya’ólí dóó dine’é yił yaa yádaałti’: “haałt’é áda’dółnééh: haalá yiską́ǫ Bóhólníihii nihtahgóó ayóó ádaat’éii ádeidoolííł.”20 Bóhólníihii lá Jordangi tó nilį́nii ałts’ą́ą́’ kóyiilaa. Dóó Israel 40 doo kééhat’į́nii yiyi’ naanáákahę́ę bił ahóóyá.
Nihí t’áá aaníí bá siidzį́ t’áá bá yáłti’í Abinadi Mormon Binaaltsoos biyi’ gi’át’áo. Yíiltsood, aláahdin naat’áanii Noah bitsidę́ę́’ niidlóóz dóó bipríís hashkáł yaa naakáii, Abinadi Neeznáá Beenáhaz’ą́nii yee na’neeztą́ą́’ dóó t’áá awółibee Christ yee’ “bíla’da’ashdla’ii yich’į’ ádadoogááł, dóó ... bidine’é yik’é niná’ídlé.”21 Bí áádóó, oodlą’ biyi’di hólóo yee, haadzíí’, “O Diyin God, shii’sizį́į bá hooł’ááh,”22 dóó Abinadi “ti’hooníigo kǫ’ bíisxį́.”23
Nihí bááh, tó yilzį́įhgo choiniil’į́įhii bináhjį’ nihi bił áda’diist’ą́ ádeiilne’ dóó ániidí áneiil’įįh Átaa’ bighan biyi’ góne’ í’iiníiłgo. Bááh, tó yilzį́į́h lá Damóogi hodiníilzinii biníi’, áádi bee ádeehéiidzíhii “áłahjį’ bi’Ii’sizį́į [nihił] hóló.”24 Eíí baa hashti’go bee a’al’į́į bił nihí Jesus Christ bízhi’ ák’idadiitááh, Bíjoo bikéé’ yiikáh, dóó łahdóó bínaanish nihiwós bee náás kwíílnííł. Átaa’ bighan biyi’, nihí lá “díí nihokáá’ bidoole’é ne’nidiilyééł”25 dóó Bóhólníihii baa ákodiníidzįįł dóó bihóózyéél. Nihí lá nihizází bá ída’íilnííł, bił heijéé’ bá, dóó dóó aZhé’é áhool’áo bił iiná. Ákot’áo Naat’áanii Nelson Romedi ánii yee haadzíí’: “díí Átaa’ bighandóó yá’át’éehii náás kódooníłii lá yidóoltah bilááh áneelą́ą́’ doo.”26
Nihí ts’ídá ałtso íilnííł biyi’ t’áá ákogi ániit’é. Nihí ts’ída doole’é át’éegi dóó baa honiidzą́ diníilzeeł áko eíí nihí doo áłahjį’ ha’íila t’áá akót’é dóó ha’íila doo akót’ée da láhígíí baa ákohiníidzįįh. Nihí Peter shóó nínee ts’ída nihijéí bííh diilyééł, ałk’idą́ą́’ Sodizin Bághanjí eel’aadíi shóó, “hazhó’í oodááł, bíniitáh; devil nich’į’ náhwiił’áo biniinaa, nashdóí bitsii’ ditló gi’át’áo, naanáádááł, yidoolgáł háinitáh.”27
Nihí yéego nihił hółdzil ádeelyáago Jesus Christ beełt’é ádiilnííł, t’áá aaníí bikéé’ yiidááł, ts’ída nihigáál yaa áhalyą́ą doo.
T’áá aaníí Jesus Christ baa hólne’íi bee nił hółdzil át’é, nigáál yee bił hoozyéél. Shicheí dóó diné yił yikáhíi Hebergi tsin náneeskáál ádayiilaa, tsin t’ááłá’í adéisígo ahééníti’ silį́į́’ “doo bita’ nahaz’ąą da”28 dóó biyi’ baa’áhayą́. Éí t’áá aaníí dii’nínii ákot’é. Nihí ałkéé’ Diyin Ii’sizį́į dę́ę́’ t’áá aaníi binahjį’ noosééł t’áá nihíi’sizį́į yił hóolní bik’eh, yíinoołtííł “t’áá aaníi nihit’íís biyi’dí.”29 Nihí Jesus Christ báhane’ yá’át’éhíi bee hinii’náago, nihí Yisdána’iiníiłii ak’é Nina’ídlá bich’į’ yiikáh dóó oodlą’ náás bee, t’áá néildzidí, nihí ach’į’ náhwiiłná bik’a’ bik’ijį’ bee ha’ííniilní. T’áá aaníí dadii’níníi yá’ąąsh yee yił áhitą’, dóó nihí bee nihik’idahójidlį́ “doole’é ałtso bit’áá aaníí.”30 Dóó, neelkáál nahalíngo, nihí Yisdána’iiníiłii be’ayóó ó’ó’ní yee nihináznii’.
Bá yáłti’í Ether yína’néestą́ą́’, “Eíí bąą, háiida Diyin God yoodlánii nihokáá’ ts’ííd doolééh niyólí, aoo’, azhą Diyin God biníshnáájí, jo’éí oodlą’ bee ha’óní, diné bii’sizį́į yee nił dzil, jo’éí ádabósin t’áá aaníí dóó ahidiizį́, áłahjį’ naanish yá’át’éhii áyoolííł, Diyin God yaa hániih.”31
Shik’is dóó shiláh shíł danóhlį́į, she’ak’ihójidlí nihił dahólóo Bóhólníihii dóó Bízaa diyiníi bee hada’iinółnóo wohkáh. Diné ńdadigóhii nighaan bee bin nádanchi’ dóó Ii’sizį́į bibee átse’ niyi’ hólóníi bee, ayóó ó’ó’ní bee ńléí hółdzilgi ii’sizį́į k’ehgo iináajį’ dóó bi’aa’áhayą́ąjį’ anáhi’éésh. Seek “to be like Jesus”32 in all that you do; shun evil and temptations; repent, as we were admonished yesterday by our dear prophet; be honest in heart; be upright and pure; show compassion and charity; and love the Lord your God with the devotion of a true disciple.
Jesus Christ báhane’ yá’át’éhíi t’áá aaníí dadii’níigo bee yá déiilti, nihighangi, ákwii haajéé’, dóó Jesus Christ biSodizin Bághan Iił-káadi Dayoodlą lá bínitáhí nilįnígíí be’ádziil nihich’į́į́h na’neeskáál nilį́įgo nihihá yá’ádahoot’éeh. Díí baa shí doo ánisht’éhoo t’áá aaníí nihiBóhólníihii dóó Yisdána’iiníłíi, azhą Jesus christ bízhi’ binahjį’ ádishní.