Lą̒’í̖ bee Ak’idahojidlí
Diyin God lą’ígo nihik’ijidlíhígíío beiníit’į́įgo nihá ííł’į Jesus Christ yiniidlą́ągo bee i’iil’į́įgdo íit’íido.
Shee’ayóó’oo’ní bee shikwa’ásiní nihidishní, NihiTaa’ Yá’ąąshdi Hólóonii dóó Jesus Christ t’áá łá’í niizinígo nihik’ijidlíidoogo nihá yinízin.1 The question of how to access and obtain those blessings has been the subject of theological debate and discussion for centuries.2 Ła’ agha’da’dit’áago ádaaní éí ák’ihojidlí t’áá ólyéego ńdajíiłbįįh; biká neilnishgo t’éiyá nídiilyééh. Nááná ła’ ánáádadi’níigo éí Diyin God t’áá íídą̒ háíshį̒į̒h yik’ijidoodliiłígíí yik’idiilnii’—dóó doo łahgo ánéídleehda. Díí t’áá áłah bee ha’oodzíí’ígíí t’áá íyisíí doo ákót’éeda. Ya’ąąshdę́ę́’ ak’ihojidlí éí doo t’óó tsį̒į̒ł sha’ashingo “yá’át’ééhgo í’iilaa ba’doolyééł hwiinzinígíí,” át’ée da éí doodago honíłnáa daats’í laanaa hwiinzinígíío át’ée da. Dooda, doo ákót’éeda NihiTaaé Yá’ąąshdi Hólóonii bee ayóó’ó’ni’ ba’áłchiní yee ayóó’áyoo’níigo ya’doolééł—éíí nihí ba’áłchíní niidlínígíí. T’áá aaníinii bee na’nitinígíí ání ak’ihojidlí éí doo ńdajíiłbįįh da, jó ajoodlą́ągo-bik’ehgo ííl’ínígíí binahjį’, díí t’áá áłah, íyisíí bóhólnííh.3
Baanitsíikeesgo hait’ao Diyin God nihik’ijidlí, ya’ąshdę́ę́ nihik’ihojidlíhígíí éí chizh lą’ígo yanáa’áago nahalin. Ałníí’gi éí ałts’íísígo azhííh yanáá’á, bikáági éí chiizh yázhí dahshijaa’. Ałníí’gi éí ałts’íísígo azhííh yanáá’á, bikáági éí chiizh yázhí dahshijaa’. Díí chizh yanáa’áhígíí bihozhdíínilgo ayóo ńdidook’ąął, bits’ádi’ńlíídgo dóó bits’áńłdóigo lą’í yidoołkááł. Baa nitsókees tsitł’éłí t’ááłá’í biná sitą́ągo, bilátahjį’ łikonígíí bee yishdleezhígo4
Chizh didooltłiłgo, éí tsitł’éłí jidoozoh dóó azhííh yanáá’áhą́ą bee jididołtłił. Chiizh yázhí t’áadoo hodina’í didooltłił dóó binahjį’ chizh dantsaazígíí adidook’ą́ą́ł. T’áá áko díí diiltłago, chizh yę́ę́ ałtso adidook’ą́ą́ł éí doodago dínóotsis niłch’ih bąąh ásdiidgo.
Tsitł’éłí jizoh dóó chiizh yázhí bee dizhdííłjéé’go éí ałtsíísígo naanish áko éí binahjį’ chizh dííl bidziilgo dook’ą́ął do.5 Tsitł’éłí biniyé jiizohgo inda, éíí doodago éíí doo ádooníłí da, ázhą́ hą́ą́góó shį́į́ chizh desk’id ńdi. Jó áko tsitł’éłí jizoh ńdi doo azhííh bee jidiił tłáádgo, tsitł’éłí bee kǫ’ígíí doo sihda dóó doo bits’áńłdoi da dóó chizh doo yididoołtłił da. Níłch’i bąąh ásdįįdgo, kǫ’ dook’ą́łígí dínóotsis.
Jó díígi át’é, Diyin God ła’ yee nihik’ijidlíhígíí nihinaanish ííl’inígíí ła’ nihiyókeed—díí binahjį’ígíí éí Jesus Christ yiniidlą́ągo bee i’iil’į́įdo. Yisdá’iiníiłii joodlą́ągo bee joolnishdo dóó bee hadziildo.6 Áłtsé éí nihe’oodlą’ binahjį’ í’diilnííł, bits’ą́ą́doo nihidziildo—Diyin God niha íinízinígi át’ao dóó bik’ehgo. Ałkéé’ sinelígi ts’idá bóhólnííh.7 Naanish álnéhégi áłts’íísí yee’ nihik’ijidlíhígíí bił ałch’į’ naa’nelgo.8
Shą́ą́’ ałk’idą́ą́’ tł’iish naat’a’, bááhádzidii Israelites dine’é baatiihyikai kéyah baadeet’ánę́ę́ yich’į́’ yikahgo. Tł’iish bááhádzidii nidabiiłhashgo ńdabistseed. Ákondi ła’ bishxashgo éí yá’át’ééh nidoodleeł béésh łitsoii tł’iish béé’ályaaígi yinííł’į́į’go éí Moses áyiilaago gish yąąh dahyistí.9 Haaláyit’ao hadziilgo ákot’ao t’áádoole’é jidinóoł’įįł? T’áá’ałtso háishį́į́ déinííł’į́į́’ yęę ya’ąąsh dę́ę́’ adziil yee nídáádzíí’. Israelites dine’é ła’ígíí tł’iish dabishxash yęę t’áádoo tł’iish bee’elyaa yęę deinííł’į́į́’go biniinaa daneezná. Be’oodlą’ daats’í ádaadingo biniinaa t’áadoo dadéé’į́į́’ da.10 Doo da’oodlą́ą́go daats’í t’áadoo le’é ádoolníłígí t’óó báházinígo biniinaa ńdadoodzih yęę t’áadoo yeda’iilaada. Éíí doodago daats’í jíík’e bijéí deeistłis dóó Diyin God yá halne’ii yee nabintin yęę t’óó ch’ídayiishxan.11
Hool’áágóó oodlą’ bee ílíigo bee ak’ihojidlíhígíí éí Diyin God bits’ą́ą́doo. Ałk’idą́ą́’ Israelites dine’é yęę nahalingo, nihí ałdó’ t’áá awołíbee Jesus Christ deiniidlą́ągo áko nihi k’ijidoodliił. Diyin God nihi ch’į’ ííshjáán áyiilaa “éí bibee haz’áanii hólǫ́ doo łahgo ánéidoodlííł da éí ya’ąshdi bee nihoot’ą́ t’ahdoo díí nahasdzáán bee niłdzilgo álnéhéedą́ą́’ bikaa’gi t’áá ałtso bee ak’ihojidlíhígíí bąąh niilyá—áko t’áá ha’át’ííshį́į́ Diyin God yik’ijidoodliił shį́į́, éíí bibee haz’áanii bik’eh honiil’į́įdóogí bąąh silá.”12 Éí binahjį’, ak’ihojidlí doo náhíłbįįh da; éí doo ákót’ée da—ákondi binaanish ła’yiił’į́įgo niháhaz’ą́. Yisdá diidááłgo yá’át’ééhgo hinii’nánígíí dóó Jesus Christ bee ajooba’ígíí t’éiyá binahjį’.13 T’áá íyisíí nitsxaago T’áá Bí nihá tihooz’nii’ígíí yee nihá nina’ídlá áko éí chizh yanáa’áhąą nahalingo doo niit’ééh da; t’áá nihí ííl’ínígíí bił ałch’į’ naa’nelgo doo bíniil’ą́ąda. Ákondi binaanish bíniil’ą́, dóó bohónéedzá; chahałheeł biyi’, kǫ’ ájiił’įįhgo ayóó’áníjáádęę’ yit’į́įłeh. Nihe’oodlǫ’ ázhą́ áłts’ísí ńdi Diyin God nihá yinízin binahjį’ bił bee’aha’di’niit’ą́nęę diltłi’go íidoolííł.14
Niidzinígíí Diyin God yee nihik’ijidlíidoogo, yiiniidlą́ągo bee i’iilį́įdo, tsitłéłé dishnináa jiizohgo inda yá’ąąshdę́ę́’ nik’ijidoodliił. Díígi át’ao, sodizin ła’ binyéei éí bee ak’idahojidlí haadadoolyéeł éí t’ááíídą́ą́’ Diyin God yee nihá laanaa nízin ńdi t’áá nihí bíínííkeedgo t’éiyá nihaidoolééł.15 Alma ajooba’ íinízingo yícha, dóó binesgai yęę nahjį’ kódzaa; bibąąhigi át’éii yik’ee tihooz’nii’ yęę doo yénalniihgóó ábiilaa. T’áá íyisíí bił hóózhǫ́ǫ́d bił honeezgai yęę biládi—Jesus Christ yoodlą́ągo yich’į’ yícha.16 Adziil bee nahii’nánígíí niidzin éí bee Christ yiiniidlą́ągo t’áá aaníí ádii’níigo Dinyin God nihisodizin bee néidídíilkił dóó nihá íinízinígí t’áá bí bik’ehgo nihich’į’ náhodoolni.
Áko, adziil bee nahii’nánígíí niidzin binahjį’ ak’ihojidlí éí doo t’óó bíkájidíiz’į́’ t’éiyá da dóó doo jókeed t’éiyá da; t’áá’ áłahjį’ ájít’į́įgo, bikék’eh ánáhwiilzhííshgo, oodlą’-bee áhát’inígíí ts’idá aláahdi nihá yinízin. 19th century ałníígo yiha yę́ę dąą’, Brigham Young ła’ Latter-day Saints kéyah Arizona baa ńdanohtá dóó biyi’ hasht’e dahołéé yiłíigo ayííł’a’, éí North Americadi áhoolyé áadi ayóo hóółtsei. Arizona yiih yih kaigo, tó bits’ą́ą́’ ásdįįd dóó dibáá’nihidooghąął danízingo ńdaasdzííd. Diyin God nihíka’anilyeed daaníigo ńda’ookąąh. T’ááhahí nahóółtą́ dóó yizaaz, binahjį’ tóshjeeh tó yee háádeidííłbįįd dóó bilį́į́’ tó yáńdeizką́. Yaa ahééh danízingo dóó háádaasyį́į́’į́į́’, Soolééh Citygo Diyin God bibee yá’átééhii yaa bił dahózhǫ́ǫgo nát’ą́ą́’ nákai. Nákaigo, tádookáigóó ádahóót’įįdígíí yaanidahasne’ Brigham Young yiłdahoolne’ dóó ádadííniid Arizonaga’ doo biyi’ kééhojóot’iidíí’ áhoot’ée da.
Ałtso bił nahaz’né’go, Brigham Young diné ła’ ákóne’é néidííłkid háit’ao baańtsinkees tádookaigóó dóó álíleek’ehgo yisdaokáigíí. Ła’ diné léí, Daniel W. Jones woléego, haadzíí’, “Shígo éí tó háádííłbįįd dóó, t’áá náás yishááłdo ńt’éé’, áádóó áadi índa sonáádeszin doo ńt’éé’” ní. Brother Brigham éí Brother Jones yideelchid dóó ání, “Díí hastiin éí naat’áanii dooleeł Arizonagóó nááda’deeznáago.”17
T’áá áníiltso beedeil’niih łahda náásgóó yiikahgo dóó sonínáádadiilzin łeh—áko binahjį’ lą’ígo nihik’ihojisdli’. Díí íyiilaago nabineeztą́ą́’ Michael dóó Marian Holmes Diyin God bibeehaz’áanii yoodláągo. Michael bił nishíshnish Area Seventies niidlį́įgo. Áyóo baa shił hózhǫ́ǫ łeh áłah néidleehgo sodidíílzįįł nábi’di’niihgo binahjį’ Diyin k’ehgo hinánígíí t’óó beehóziníyee’; Dinyin God yééhósin yił ałch’į’ yałti’go. Sodilzingo yíísinísts’ą́ą’go baa nááhnisin łeh ńt’éé’. Áko, ałhaayít’áazh dóó bik’ijį’, Micheal dóó Marian doo sodilzin da ńt’éé’ doo dóó sodizin bighango naa’aashda ńt’éé’. Táá’ ba’áłchinígo binaanish áyósin dóó kin nidaa’nilíjí bina’anishígí ła’ yiłį́įgo yiyoołwoł ńt’éé’. Michael éí doo Diyin k’ehgo oodááłjí bee anishtah da nízin ńt’éé’. Łah i’ííą́ągo 1963 yęędą́ą́’, bibishop baa níyá bighanídi dóó ábił níílá k’ad sońdołzihdoo.
Bibishop dahnídiidzáádoo bik’ijį’, Michael dóó Marian ishjąąshį́į́ sodidilzįįł níílá. Da’iigháashgo, t’áá áłah bitsask’eh biighahgi ńtsidinígo’, dóó, bił nahonitł’ahgo, Michael sodi’niilzin. T’áá díkwíí saad yee haazíí’go, Michael ni’kódzaa, dóó kódííniid, “Marian, díí doo bíínishgha da.” Áádoo yiizį’ dóó nahjį’ dahdiighah ńt’éé’, Marian bila’ yiyiiłtsood, nitsináábidiníłgo’, dóó ábíłníílá, “Mike, díí t’áá bííngha. Bináánítááh!” Díí binahjį’ biłhasihgo, Michael sodizin áłts’íísígo yee haazíí’.
Áádóó The Holmese sońdilzįįhgo hahoolzhiizh. Binaago bighanígíí ła’ ábiłníigo binahjį’ sodizin bá hooghango ni’áázh. Sodizin bá hooghangóne’ yahíí’áazhgo sin ła’ yidiizts’ą́ą́’, Spirit Ii’sizíinii hazhóó’ágo bich’į’ haazíí’, “Díí t’áá’ aaníínii át’é” biłníí lá. Hodeeshzhiizh dóó, t’áadoo daboo’íní dóó t’áadoo ádabiłníní, Michael sodizin bá hooghandi áká’eelwod ts’iilzéé ch’íyiizyį́. Ákó dzaadóó, éíí íiniizį́į́’, “Díí Dinyin God bighan át’é.”
Michael dóó Marian Sodizin Bá Hooghandę́ę́’ naanish bee bik’ihodiinii’ dóó áká’análwod biward dóó bistakedi. T’áá’áłah dóó ba’áłchiní táá’go hool’áágóó ahídabi’diiljéé’. Dóó bik’ijį’ ba’áłchiní ła’ nááhasdlį́į́’, naakits’áadah t’áá’ałtso yilt’éigo. The Holmes éíí na’nitiní binaat’áanii dóó bich’ooní silį́į́’—naakidi.
Oodlą́ągo ts’idá áłtsé sodoolzinyęę binahjį’ ázhą́ áłts’íísí ńdi ya’ąąshdę́ę́’ t’áá íyisíí bik’ihojizdli’. The Holmes éí be’oodlą’ dook’ą́ą́ł nahalingo sodizin bá hooghangóó ałnánát’ash dóó áka’análwo’ silį́į́’. Be’oodlą’ yikéé’ sizínígíí binahjį’ t’áá íyisíí be’oodlą’ bidziilgo diltłi’go dook’ą́ą́ł nahalin áko dííjį́į́góó yá’át’ééhgo beeníl’į́.
Kǫ’, éí, níłch’i báhólǫ́ǫ t’éiyá diltłi’do áko bidziilgo chizh adiyiiłk’ą́ą́hdo. Ádzáagi át’ao Michael dóó Marian Homes, be’oodlą’ binahjį’ Christ yoodlą́nígíí bee’o’oolįįł yee naalnishgo yéego be’oodlą’ dínéesą́. Łáłts’íísígo ííl’íín ńdi binahjį Diyin God bił aha’diniit’ánę́ę be’etiin bikáágo yiidáałgo ts’ida aláadi bee ak’ihojidlí yee nihaajooba’ do. Łáłts’íísígo ííl’íín ńdi binahjį Diyin God bił aha’diniit’ánę́ę be’etiin bikáágo yiidáałgo ts’ida aláadi bee ak’ihojidlí yee nihaajooba’ do. Łahda ałtį́į́’ dóó k’aa’ ájiił’įįhgo inda Diyin God t’áá’aaníini yee hołhalnih háadishį́į́ ch’iyą́ą́n dahólǫ́ǫdi.18 Łahda bee na’anishí ájiiłįįhgo inda Diyin God t’áá’aaníini yee hołhalnih haait’áo tsin naa’eeł ázhdoolíłígí.19 Łahda, Diyin God yá halne’ii nanhintingo inda, baah łikaní yázhí bee ádoolnííłígi ak’ah dóó akáán niheehólǫ́ǫ áko inda ak’ah dóó akáán doo ádoodįįłígi nihaadoolyééł.20 Dóó łahda éí díí “áhodíníilzéé’go baa ákoniizindo Diyin God éí t’áá’aaníí Diyin God nilį́,” dóó t’áá Bí ba’ííníidlíigo bik’ehgo oolkiłígi.21
Diyin God bits’ą́ą́do nik’hojidlíigo, éí hoolaago bee haz’ą́ąni bik’eh honíłínígí binahjį’ nik’ihojisdli’do.22 Áko béénílniih éíí Diyin God bee haz’áánii “doo łahgo ánéidoodlííłgo bee nihoot’ą́” éí bibee haz’áanii doo bek’ehgo oolkił da, Diyin God bibee ak’ihogidlíhígí t’áá bí bina’oolkiłí bik’ehgo naalnish. Azhą́ ałk’idąą’ Diyin God yádahalne’ii ńdi bighan ya’ąąshdíigí hadeintáán ńt’ee’23 ch’ééh dayoodlą́ągo ádaasdįįd, t’áá’aaníígo bee ha’oodzi’ yęę t’áadoo dayiiłtsą́ą da, ákondi naasdi ádoonííłgo dayiiłtsą́ … dóó … dayosdląąd … dóó ńdeidiilá.”24 T’ahdoo ła’ ak’ihojidlí ninídzinígíí Diyin God néiyíléego—t’ahdoodagóó—t’áadoo baahníní’í, ha’át’íílá biláago ánáádeeshdlííł lá t’áadoo niníziní. Áko, bik’eh honíł’į́į doo Joseph Smith ádoołííł nihidííniid yę́ę “bee nidziilígíí binahjį’ nił hózhǫ́ǫgo t’áá ałtsoní baa nanilnish; ádóó inda … nił hodeesyéélgo, alahdi bee ha’oodzíí’yęę, binahjį’ yiidííłtsééł … Diyin God be’adziil ńch’į’ ííshjáán iidoolííł.”25 Ła’ ak’ihojidlí náasdi dabinyé, Diyin God ba’áłchiní azhą́ aláadi doo nidaaldzidígí ńdi bá nát’ą́ą́’ hóyósin.26
Hastą́ą́ ńdeezid yęędą́ą́’ t’áá hooghandi-beenanitin, Churchdę́ę́’-bíka’análwo’go bee hoot’ááł na’nitinígí bíhoo’aah binyé, binahjį’ nihe’oodlą’ bidziilgo ádiilnííł, dóó danhidziilgo nisiizįį́įdo dóó nihighan nahaz’ą́ą́dóó ałdó’ bił éí binyé nihił dahóóne’go bee hahoolzhiizh. President Russell M. Nelson t’áá aaníí á’níigo yee haadzíí’ díí hoot’ááł éí ayi’sizíini kehgo nihidziilgo bee hinii’náado, hane’ yá’átééhii baa nihił dahózhǫ́ǫgo, dóó nihe’oodlǫ’ yéego dabidziilgo NihiTaa’ Yi’ąąshdi Holǫ́ǫnii dóó Jesus Christ bikéé’ déinííkááhdo. 27 Ákondi t’áánihí ániit’éego díí ak’idahojidlíhígíí ńdidiilyééł. T’áá ła’í niidzinígo bee nihídaholnííh naaltsoos ąą’ádiilnííł dóó yiiníilta’do Come, Follow Me—For Individuals and Families wolyéhígí dóó ,Diyin God dabizaad dóó ła’ígíí, Come, Follow Me naaltsoos booltą’ígíí bił.28 Díí bídahwiil’aahgo nihighando nihiłnahaz’ánígíí dóó nihik’is dańlinígí bił baa yádeilti’do dóó nihi Damoo diltłi’go dook’ą́ą́ł nahalingo ádadiilnííł. Éíí doodago daats’í t’áádoole’é bídadéét’i’ yę́ę t’óó nihighandi daastł’ingo bich’ą́ą́h bił dahadoohááłgo da’didoołkał doo bidziilgo ádoołííł.
Anhidishní ya’ąąshdęę adziili bee nihe’oodlą’ binahjį’ bee nahohnáago Diyin God bíinóhkeedígí biziilgo yee nihik’ihojidoodiił. Nihe’oodlą’ bee tsitł’éłí woosoh dóó kǫ’ diltłi’go ółééh. Niłch’i doo bídihóyéé’go ółééh bidoołkaalgo Bóhólníihii nát’ą́ą́’ nihich’į’ náhodoolnihígí biba’. Díí binahjį’ í’ółį́įdoo, nihá sodiszin áko Ii’sizį́ Diyinii náhoo’į́įgo dóó t’áá aaníinii nich’į’ ííshjáán ííłiigo nika’analwo’do, áko éíí oodlą́ní Diyin Bizaad Proverbs biyi’di baa hane’yę́ęgí át’ao, “t’áá’íyisí lą’ígo bee nik’i hojidlíi do.”29 T’áá aaníí ádishní NiTaa’ Yá’ąąshdi Hólóonii dóó Biye’ Ayóó’áyoo’níínii Jesus Christ, t’áá’ aaníí hiná, nihaa’ákonízin nihił áhoot’éhígíí, dóó yaa bił hózhǫ́ nihik’ijidlíigo, díí éíí Jesus Christ bízhi’ binahjį’ ádishní, eimen.