Jesus Christjigo Diní’į́į́’

Eldir Kim B. Clark

Tsosts’idiinjį́ ‘álą́ą́ji ‘atah dásidah.

Nihí ká’adoolwoł bee bił ałha’deet’anjí dóó hihi naanish Eldir in Israel nihíká’analwo’go nitsaago ádiiłneeł.

Capernaumdi Jesus kintahdi yigal¹ t’óo ahaóí diné yitah yigał, adzaani léi’ dił bighá nídiniiltałgo naakits’áadah nááhai, bi’éé’ t’éiya bidinishchid doo. t’áá hódiina’í hadaałt’é nijishdlį́į́’.²

Diyin bizaad biyídoo éí, Jesus ani, “Shé’adziilii shits’áhonílego baa ákoniizį́į́’.”³ “dine’ yitahdí názyizgo”⁴ dóó “deeį́į́’ … dóó asdzání yiyeełtsą́ hodeelchidígíí.”⁵ “A’ko asdzani t’áá doo ndeest’į́į́’ dago”⁶ Diyin Jesus Christ yidddę́ę́’ ntid diisgo’go adaah hoolné.⁷

Áádóó asdzání Jesus yich’į́ haadzii’, “Shitsi’, ne’oodlą’ bee doo ánít’éhí da násínídlį́į́’, nił hózhǫ́ǫgo náádááł.”⁸

Jesus Christ asdzání hasdá’yiiloos. Asdzání bits’iis naadziih, ndi Jesus áhałní, ne’oodlą’ bee doo ánít’éhí da násíndlį́į́, dóó bijéí aldó naadziih.⁹ Áyóó’óó’nii yeeh yich’í haadziih, dóó yik’idjidlíí’ dóó nihózhǫ́ǫ naninąa doołeeł.¹⁰

Shik’isoo, diyin bibee’óhólníihii nighaa naaslá, akó hasdá’iinííliijí nihinaanish nighá’alyaah. Naaháí doo woshdę́ę́’ óholnįįh éí tsékee nidá’nitinígíí binaanish bá alyaah.¹¹ Diyin naanish nigha áyiilaa’ nihi lákee bił neinishgo Israel áłah analneehígíí bee neelnish doo, t’áá kojí dóó diné bidadiníbaalígíí bá neilnish doo dóó nighaandi oodlą́ dóó diyin bina’nitin hólǫ́ akó Jesus Christ nádaa’igíí biniyé hasht’é diineeh doo.¹²

T’áá ałtsohjí Hasda’iiníílii nihi naal ayiilaa: Jesus Christ jigo dinįįt’į́į́h dóó báneelnish doo háálá biZhé’é aldó yánaanish dóó aajigo deesį́į́’.¹³ Hasda’iinííilii kot’áó Diyin Yayaltí’ii Joseph yich’į́ haadziih:

“Ts’ídí t́áá ałtsohjigo shich’į́ dini’į́į́; t’áá doo nanidzidí.

“Háálá shik’iizhji atíyaah, dóó shilá dóó shikee yił adá’askaal; iinidlą́, shi beehas’ąąnii bik’ehgo yinaał, akó hoolaagoo iinádí bikídiiinaał.”¹⁴

Yá’ąąshdi iiná bee hoot’aałii bee nihił hóone’go Jesus shiZhé’é iinizinígíí ádiishłeeł dóó Hasdá’iiníilii deeshleł. Áko nihiZhé’é God éí ádííniid, “Ha’ishą́ deesh’aał?”¹⁵ Jesus yee háádzii’:

Diyin Jesus Christ éí kódííniid, “Shi ákǫ́ǫ́h ashídiiłał.”¹⁶

“ShiZhé’é íinízinígíi éí be’doolnííł dóó hool’áágóó éí ne’ajooba’ hólǫ́ǫ doo.”¹⁷

Nahasdzáán yikáá kééhat’į́įgo Jesus ádííniid yąą yik’ehgo tádiiyá. Ájooba’, adaahojoolbá’i, dóó áyóó’óó’ní biZhé’é binánitin dóó binaanish yá ayiilaa adziil dóó óholnį́į́ BiZhé’é bee yinílá’ígíí yee naalnish nt’ę́ę́’.¹⁸

Jesus bijéí biZhé’é yee niąh. Áko and:

“ShiZhé’é ayóó’íínishní.”¹⁹

“Háálá bił hóshónígíí t’éí t’áá áłahjį’ baa naashá.”²⁰

“Yá’ąąsdę́ę́’ éí adááyá ashííła’ígíí ba’, doo shí íínisinígíí biniyé da.”²¹

Jesus Christ ti’wiinihgo sodoolzingo ádiiniid, “Shí íinisinígíí éí dooda, ndi ni íinizinígíí ádoonííł.”²²

Diyin God Eldirs in Israel shich́į́jígo dah dinooį́į́ dóó átíshidiil yaahígíí dah nołį́ bitsiis naadiiyá, ánihił ní éí baahąąhági át’éii bits’ąąjí ádaaneeh dóó áyóó’áda’nóní dóó bik’eh dah hónołį́. Shi na’nitin bee nida’notin dóó shígi’át’áó na’nishtin doo. Shidáshį́į́’nódlą́ íinósinígíi dóó nihijéí baa dah nó’aah áko bibé’adziil binají náhónótlin doo.²³

Shik’isoo, Jesus Christjígo diníít’į́į́go nihik’idhojidlíigo Elders in Israel jooba’ hwiindzin, áyóó’óó’ní bił.²⁴ Áko diyin binahagha’ bina’nitin t́áá ałahjí bee ná’niitin doo hihi k’is dóó nihilah áko bik’idhojidlí doo.

Naat’aanii President Russell M. Nelson ałdó Jesus Christjígo dadínǫįį’ nihił ní: Nihi naanishígíí éí Hasda’iiníilii binahagha’ bina’nitin bee nániitin doo. Áyóó nanitł’a nihintsékee diyinjígo diníít’į́į́’ łeh. Nidi ákwiit́íígo bineeldzidígíí nájí adaané.”²⁵

Diyin God bina’nitin jótą’go éí áyóó át’é. Yéígo bąąh jótągo ahyiłní.²⁶ Jó Jesus Christ binahagha bina’nitin yéígo jótągo éí bił ałha’dit’ą́ bik’ehgo hijiiná.

Bił aha’da’dest’a’anii bik’ehjígo yiidaałgo éí t’ád ałtsoh iilį́’ígíí dóó diiní’igíí bideetį doo. Bił alha’dit’ą́ bik’ehgo hiniiná²⁷ t́áá akwíijí nihee’oodlą́ dóó Jesus Christ baanisííkees: nihi sodizin nihijéí dę́ę́’ bizhí binají, bizaad yiniiłtágo nihi bąąhági’ át’eíi nihee’iiná łago át’éii aneelneego, bibeehazáanii bik’eh hóniilį́į́’go, baah dóó tó chooyiilį́į́’go dóó damóógo hódiniilzingo, bighan nitsaaidi yah áneedaahgo dóó diyin bibee’óhólníihii ba’ałchíní bee baa’áwiilyá.

Díí Diyin bił bee ałhádit’áanii binají nihijéí dóó nihintsékees ąą’ayiiłįįh áko diyin Hasda’iiníilii bitsąądę́ę́’ bidziil dóó Ayi’sizíinii nanhiinąą’ doo. T́áá hazhó’ó Hasda’iiníilii naasgo nihee’oodlą́ bidziil dóó yéígo yiniidlą́ dóó bił bee ałha’diitą́ házhǫ́’ó nihijéí biyidí baah ákódiniidziił.²⁸

Ákot’ao éí t’áá iiyisii NihiTaa’ Yáąąshii Hólóonii niłtdzilgo bee ałhádeet’ą́, éí tsídá alaadi niidzin. NihiTaa’ Yá’ąąshii Hólóonii éí nihł hózhǫ́ dóó áheeniidzin nihai doołeeł.²⁹ Bił ałhádeet’anígíí bee nihił hózhǫ́ǫ doo éí binají Jesus Christ yéígo yiníítą́’ doo binají yiidaał doo.³⁰

Díí kot’ao oodlą́’nígíí éí t́áá ałtsoh bich’į́ ąą’át’é, ałchíní Yazhí dóó naasdaalį́į́’’ígíí ałdó. Áádę́ę́ tsékee dying bíbee’óhólníihii nighaa naasláhígíí t́áá ałtsoh bee yaatí’ígíí éí nídeetí. Diyin God bich’į́ áheenisin áádę́ę́’ nǫǫyáhígíí. T́áá damǫ́ǫ́ bikeh Diyin bibee’o’ool’įį’ dóó bił ałhałdeet’ą́ miil Gaamaalii bee biká’anałwo’. Bááh dóó tó hast’é alį́ dóó bik’id sodilzin: Dine/ diyin k’ehjí biká’ananwo’: diné to’ bee alzįįh diyin God bighaandi; nik’is diyin bighandi bił nanit’aash;doo diyin bighandi nádaahii baa nandaah, áko Diyin God nahalingo hasdáiildééh ninaanish. T’áá akwiijí biłalhádeet’ą́ígíí binalnishgo Jesus Christ Díí ákont’į́į́’go Diyin God bi naalá’í nilíí doo, dóó naasgoo yołkaalgo Israel bi Eldir ayóó’ át’éíi nilį́į́’ doo.

Shik’isoo díí táá ałtsoh doo yá’át’ééhda nósin. Ndi bénałniih Hasda’iiníilii bizaad: “Doo t’áá sahí naashaada. shiZhé’é shił hólǫ́.”³¹ Nihí dó’ doo t́áá saí neidaada. Doo t́áá saí yiidaał da. Jesus Christ dóó biZhé’é áyóó’an’hiní dóó nihił hólǫ́.³² Jesus biZhé’é yich’į́ deezį́į́’go nigha ninidlą́, áko nihi ałdó Jesus Christ bich’į́ dinį́iį́łtį́į́’go nihil ká’ádoolwoł.

T́áá aniiltsoh nida’íyiilziih. Ładá tsétłą́ yiidaah. Ładá doo biiniighada niidzin łeh. Ładá jididoogoh. Ndi Jesus Christjigo diit’į́į́’go nihijeíi łago áneenęęhgo, nihiká’ádoolwoł, dóó bąąhági át’éí nighąą yidoogis, nighąą needidooaał, dóó nihijéí ndoodzih. Bí éí ajooba’ dóó nízaadgóó ha’ólní; Bee ájooba’ doo ninití da dóó doo ntsees da.³³ Nihí ká’adoolwoł bee bił ałha’deet’anjí dóó hihi naanish Eldir in Israel nihíká’analwo’go nitsaago ádiiłneeł.

Áko NihiTáádi NihiZhé’é éí nihik’iijódlíi doo, áko bi naanish: “T’áá doole’é …yá’aashdi dó́ó nahasdzáán bikáagi bá ádadiilníil, iiná dóó bit’áádóó adińdíín,Iisizizíinii dóó bee advil, éí NihiTáá’ NihiZhé’é yinizinígíí éí bire’ Jesus Christ yinahjí bá’adoonííł.”³⁴

Diyin bee ádinídiin dóó be’ádziil nihee’iiná bił nitígo, táágo áhoot’įįh:

Ałtsé éí nihinąą’ bee iitį́. Diyin God t’áá aníinii yee hoł halne’ ákot’áó Jesus asdzaani yiiiiłtsą’: bijéí yiyé’ yiyiił tsą.³⁵ Jesus óó’į́ gí’ít’áó nihi ałdó diné áyóó’íí’níí’ní doo Jesus nahalingo diné áyóó’íí’nii’ní doo. Biká’áneelwo’ígíí Hasda’iiníilii dah yooį́’ dóó bee áyóó’óó’ní náwiiłnąą’ doo.³⁶

Naakiigoné éí, eiyin Diyin bee’adziilii nihąą’ silá. Óholnį́į́hii nighaa silá, Diyin Jesus Christ bizhí binahjí diné “bik’idjídlí, yiidloos, baałáwiiłyah, bidziil, dóó diné nidoodził dóó aálílee baaniilyah, t’áá háíshį́į́h áyóó’íí’níí’ní’ígíí dóó bił háíjeehígíí dóó bił nihighaanígií dóó baa’áhwiilyanígíí.”³⁷

T’áá goné, Jesus Christ nihił yigaał. T́áá haagooshį́į́h needa’higoo, nihił hólǫ́. Nániitingo, Bí ałdó nanitin. Nihí diné nił ídlį́go Bi ałdó diné yiłádlį́. Diné bá sodiilzingo, Bí ałdó diné yá sodilzin.³⁸

Shik’isoo, da’ diish biniinah nihił dahózhǫ́ doo? Oo’ Diyin God bibee’adziil nighaa naaslah. Jesus Christ bich’í diit’į́į́’go, bił bee ałha’deet’ą́ k’eh yiidaałgo dóó Bi t́éíyá baa nisiikeesgo, nihilákee bił Israel dine’é áłah ananeeh t́áá łahjí dóó biłheejeehígíí diyin bighaandi áhídiiljeeh, dóó Jesus Christ nádaahjí biniyé hasht’é’ ádadeelneeh. Ádóóniił. Shił bee hózin.

Ałch’í ánashłeehgo nigha sodizin, éí t́áá ániiltsoh Diyin Jesus Christ bich’í dah dinii’t’į́į́’ dóó baa nisiikees doo. Iinídlą́ t’áadoo nił yé’í. Jesus Christ bízhi’ bináhjį’, áamen.