Rongorong Mengungun
Non ei fonufan mei chomong okufun kapas, Samach non Nang a fori ach sipwe rong me tapwei an kapas.
Ukusosoran ei ran, mwongean punuwei we a ngeni punuwei we echo toropwe I a fen makkei ngeni inan we chommong ier a no. Non ena fansoun, Sister Homer a chok emon kukkun nengin. Ekis masowan, noun we toropwe a mak, “Inei achengicheng, amusano tipis use apasa ai kapasen pwarata ikenai—nge ngang mi tongeok.” Nupwen aua no mwongon neonawas, ua ekieki pwe ina ew mettoch mi amwarar. Iwe ua mwotiw, me ua makkei echo toropwe a apasa, “Achengicheng Preseten Nelson, amusano use apasa ai we afanafan ikenai—nge ngang mi tongeok.” Nge use mefi pwe mi pung. Iwe iei ngang, me ua pwapwa ai apachata ai kapas ngeni ekkewe ra fen kapas non ei mwich ikenai.
Chommong ier ra no, uwa fiti efoch kukun sepenin me emon minafen chon uwow sepenin a wisen uwow. Nesopwonon am ewe sai, auwa tongeni sotiw. Nge nupwen auwa kanengeni pwun, uwa rongorong och kapas nuokus seni nenien kewe chon uwei ewe sepenin pwe epwe “changeta.” Ewe chon uwow a nengeni chienan ewe chon uwow a kon sine uwow, ewe a ititiw, seni ewe nenien sotiw, me apasa, “Iei!”
Wam we sepenin a mwitir mekut ngeni ewe penien fefin me satiw fan, iwe a pwan sata sefan won ewe aanen sotiw, me auwa tori ian ewe aupwe no ian me ese wor am osukosuk. Mwurin auwa sinei pwe pwan efoch sepenin a fen monota an epwe ne su. Ika am mei rongorong ngeni ewe kapas mei nuokus, am mei tongeni sangeni, nap seni sa seni, ewe sepenin mei sa ngenikem. Met mei fis a aiti ngeniei ruu euchean sine: Aewin, non euchean fansoun non manwach, sipwe rongorong chommong kapas ra fiu ren ach sipwe rong ngenir. Me oruwan, mei euchea ach sipwe rongorong ngeni ekkewe mei ennet.
Okufun mengungu
Sia nomw non ei fonufan mei wor chommong mengungu ra kutta ach nenien rongorong. Ren ewe news, tweets, blogs, podcasts, me kewe osukun seni Alexa, Siri, me ekkoch, sipwe tongeni kuna a weires ach sipwe sinei meni sipwe nuku. Fan ekkoch sia ochommongu met sipwe tapwei non manawach, sia ekieki pwe napengeni repwe ngenikich kewe echun nenien pwung. Fan ekoch sia “keuno…nefinen ruu ekiek,” finata ren an “epwe patapat ika pwichikar.” Pwan fan ekkoch sia tapwei met mei mecheres, achocho ngeni ew mengungu ika osukosuk epwe emwenikich, ika apinukunuk won ach tongeni ekiek.
Ina mwo ika ew me ew kei foffor epwe tongeni anisikich, sine a aitikich pwe resapw napengeni repwe aninisech. Met mei itefouno esapw ina met mi ech iteitan. Ach keuno won ruu ekiek esapw aiti ngenikich ian sipwe feino ia. Fan ekoch mecheres a uwekich ngeni mettoch mei namot. Ach chok rong ngeni ew mengungu ika osukosuk a tongeni angawa ach sipwe tongeni kuna. Me ach onomwu ach nuku won ach pwusin ekiek a tongeni ngenikich ach sisapw sine ekiek. Ika sisapw tumunech, ewe mengungu mei mwan epwe tongeni uweikich seni ewe nenien kapas allim ngeni neni epwe weires an nuku epwe nonomw, me sipwe kuna nap seni esapw masow, esapw wor echun, me sisapw pwapwaiti.
Rongorong ngeni ewe mengungu mei mwan
Upwe fori pwomwen met ei uwa apasa ren ai upwe awewei me ew niosun non Paipel. Chon teta won chuk rekan ura pwe tekia nap seni 8,000 meter ina “neni ese wor manaw” pwokiten ren kana keukun tekia, ese naf pekin ngasangas an epwe wor manaw. Mei wor manamanen ngun mei nenengeni ewe neni ese wor manaw non. Ika ach fansoun a chomong non neni ese wor nuku, ekkewe mengungu resapw ngeni kich kewe ngasangasen ngun mei namot ngenikich.
Non ewe Puken Mormon, sia aneani usun Korikor, ewe mei wor an sine. A unusen sani an itefeuno pwokiten an osukun mei “apwapwa [ngeni] ekiekin fonufan.” A apasa pwe In me Sam me Soufos ra atikich foffor ese namot me euku ach pungun finata me awora tiparoch. A apasa pwe aramas repwe pwusin finata me fori met ra mwochen pwokiten annuk esapw och mettoch nap seni mecheresin awora met sisapw fori. Me ren, nuku non ewe Achasefanin Jises Kraist ina “pungun umwesin ekiek,” a fis seni ewe nuku non emon ese tongeni fis pokiten sise tongeni kuna.
Korihor a fori chommong meingaw iwe a eto ngeni fan mesen ewe meinapen soukapung me ewe pris mi nap. Ikewe, a uta “ne kapas neuwomongun kapas,” a eitengawa ekkewe souemwen me a mwochen ew esisin. Ew esisin a kawor. A fori pwe esapw chiwen tongeni kapas. Korihor a weweiti pwe met a fen nuku me mwan, me a ekieki ekewe mei enet a fen peutano, a awewei, “Ngang wafen sinei iteitan.”
Korihor a tungor anan mwongo tori an a mano meren kewe chon Zoramites. Ewe saingonon wokisin non pworousan ewe a anomwu usun nonomwechun: “Me sia kuna pwe Setan esapw anisi neun kewe non ese saingonon ran, nge epwe mwutir ururetiw non ewe ekkei.”
Ewe mengungu mei ennet.
Pwokiten Samach non Nang a mwochen met mei ech fan itach, A atufichi ach sipwe rongorong ngeni mengungun. Napengeni, sia rongorong ngeni non met mei fis fan emwenien ewe ngun mi Fel. Ewe Ngun mi Fel ii ewe eunumenun kewe Kot. A pwarata usun ewe Sam me ewe Nau, a waroto pwe epwe “aiti [kich] mettoch meinisin,” me epwe “pwar ngeni [kich] mettoch meinisin sipwe fori.”
Ewe Ngun mi pin a kapas ngeni sokopaten aramas non sokopaten wewe, me epwe pwan kapas ngeni emon aramas non sokopaten wewe non sokopaten fansoun. Iwe pwungunon, kaeo kewe sokopaten wewe a kapas ngenikich won ew fofor sipwe fori fansoun nakatam. Fan ekkoch, a kapas ngeni “ach ekiek me [netipach]” non ew mengungu mei kukkun nge pechekun, me a tonong non “ir ekkewe mi … rongorong ngeni netiper.” Ekoch fansoun nikinikin a nomw non [ach] ekiek ika emwechu [ach] mochen. Fan ekkoch fan mwarich epwe pwichikar me non [inisich]. Pwan ekoch fansoun, a amasowa ngunuch ren pwapwa, emeseika ach ekiek, ika awora kinamwe non ach osukosuk.
Kutta an ewe mengungu
Sipwe kuna mengungun Samach ewe non chomong neni. Sipwe kuna nupwen sia iotek, kaeo ekkewe Pukefel, fiti fan, sia fiti opworousen nuku, ika feino ngeni ewe tempel. Ewer, sipwe kuna non mwichenap non ei wiiken.
Ikanai sia etiwa 15 mwan ren Soufos, chon osuni, me chon pwarata usun Kot. Ar nuku non pekin ngun me sine a ngenir ar weweiti mei sokono ewe sia unusen mwochen. Ar kewe kapas ra mecheres ach sipwe kuna me ra unusen fatech. Ra erenekich me Kot a mwochen sipwe sinei, inamwo ika epwe ech ika esapw.
Mei ech ach kutta an ewe mengungu non ew me nein kei neni, nge ach kutta non chomong me neir afen echuno. Me nupwan sia rongorong ewe mengungu, mei ech sipwe fori met kewe a ngenikich. Ewe Aposel James a apasa, “Kopwe chon fori an kapas, nge kosapw chok chon rongorong.” Preseten Thomas S. Monson a aitikich: “Sia katon. Sia witiwit. Sia eusening ngeni ewe mengungu, mei chok kukkun. Nupwen a kapas, mwan me fefin mei mirit ra rongorong ngeni.”
Nupwen Eureur a Mang Ngenikich
Ai keran pwopwota non ai pekin angang, ra ereniei me pwunuwei we Sister Homer aupwe etiwa ekkesiwinin am angang. Non ena fansoun, usun nge ew watten mettoch aupwe finata. Auwa kaeo, auwa echikipin, me auwa iotek, nge penuwer ra mang me war. Nesopwonon, auwa finata me auwa achocho me engino ngeni. Ren am auwa fori, auwa mefi kinamwe me auwa mwitir me sinei pwe iei ew pekin finata mei unusen euchea auwa keran fori.
Iwe pwungunon, auwa kaeo pwe penuwen ach tungor fan ekkoch repwe mang me war. Meinin pwokiten ewe fansoun ese pung, penuwan ese namwot, ika pwokiten Kot a nuku kich ach sipwe pwusin finata won winikapach. Elter Richard G. Scott mei aiti ngenikich fan ew pwe sipwe unusen kinisow ren kei sokkun fansoun me a pwon: “Nupwen ka manaweni mei ech me omw finata mei fitingeni a ewe chon Amanau a aiti ngenkich me kopwe fori mettoch, sopweno non nuku. … Kot epwe mwut ngonuk kopwe sopwosopwono nge esapw fori an nikinikin asisin ika kafen finingaw.”
Kich Sipwe Finata.
Iwe, sipwe finata meni nein ekewe mengungu mei sokofesen, sipwe rong ngeni. Met sipwe tapweno mwurin ewe mengungu ese ech a for seni fonufan, ika met sipwe fori ewe angang an epwe mwutngeni an Samach ewe mengungu an epwe emwenikich non ach kewe finata me epetikich seni feiengaw? Ach achocho me kuta an ewe mengungu, ina mecheresin ach sipwe rong ngeni. Esapw ren an ewe mengungu a neuwemong nge ach tongeni ach sipwe rong ngeni a wateno. Ewe Chon Amanau a pwon pwe ika sia “rongorong ngeni [An] kewe annuk, me ausening ngeni [An] eureur,” Epwe “ngeni [kich] pwan och.” Uwa pwarata pwe ei pwon mei enet—ngeni emon me emon kich.
Arapakan ew ier a no, pwii we wate a mano non ew aksetenin toraku mei aweires. An John fansoun me mwan ramen chomong met a awesono me ningech. Nge an a mamarita, ew inis mi ngaw me an ekiek a fori weiresin manawan. Ren ewe sokun chikar a aneanei epwe ani ese tori manawan, John a kamwochunuk non an nuku, a ennetin mwochen epwe achocho ngeni, ren met mei tongeni, tori nesopwonon.
Iei, ngang mei sinei John ese unusech, nge uwa ekieki ika met a ngeni an epwe achocho ngeni. Chomong mengungu ra mwochen epwe fiti meingaw, nge ese finata an epwe fiti. Nge, a feri an manawan epwe nomw non ewe nenien kapas allim. Manawan a nomw ikewe pwokiten a sinei pwe epwe kuna ewe mengungun an ewe masta, manawan a nomw ikewe pwokiten a sinei pwe ikewe epwe kaeo ia.
Kapasen nesopwon
Pwii me fefinei kana, non ei fonufan mei chomong okufun kapas, uwa pwarata pwe Samach non Nang a fori ach sipwe rong me tapwei an kapas. Ika sia achocho, Ii me Noun we repwe ngenikich anen ian sipwe kutta, ewe pechekun sipwe aea, me ewe pwapwa kich sia mwochen. Non iten Jises Kraist, amen.