Uren Feioch
Napengeni ren ekkewe feioch Kot a mochen ngeni kich a namwot epwe wor fofforuch—foffor anongonong won ach nuku non Jises Kraist.
Semach won Nang me Jises Kraist ra mochen efeichu emon me emon kich. Ewe kapas eis ren ifa usun epwe tufich ach sipwe angei me tonong non kana feioch mine aramas ra kan anini fengen fan itan non fite puku ier. tufich ne awora me angei ekana feioch ina itenapenan aramas foos fengen usun namanam fan fite puku ier. Ekkoch ra ekieki pwe ar feioch achok minen niwin; sia angeiir seni chok ach foffor. Pwan ekkoch ra anini pwe Kot a fen finata ion Epwe efeiochu me ifa usun – me ekkana kefin ese tongeni siwin. Ir me ruu ekkei ekiekmi mwan nongononger. Ekkewe feioch seni nang rese ngeni kich seni ukkun “pisekin awewen fofforoch” sia achocho ne angei, are seni witiwit chok ngeni sia kuna ika sia win ekkewe feioch usun non penei. Apw, ewe ennet mi ekkis fen weires ne weweiti nge a fen och ngeni nefinen Semach we won Nang mi ur ren tong me Noun kewe mwirirmwirin kewe—kich. Ekkewe ennet mi niwinsefanito a pwari pwe ekkewe feioch esapw tongeni an epwe niwnin ach foffor, nge ach anganga ach nuku ngeni foffor, akkomwen me fenfeinno, mi namwot.
Non ei fansoun sia ekieki usun ifa usun sia angei feioch seni Kot, sipwe awewei ekkewe feioch seni nang ngeni eu watten pimikum amuch. Ekieki usun nukanapen eu kukun pinukun ira mi chukuchukuta, asan a wor kupukupukisin amuch won. Mwirinwata won ekkewe kukkun ira, mwirin pwan ekkis watten iran, me saigon pwan kan watten ira. Ei sachukutan ira a masoueni chommong met a tongeni keni, mi tufich epwe etiin me pwichikar non fitu ran. Pwan ekieki pwe nepekin ewe chukutan ira mi wor efoch chok masis, ewe a wor minen keek nesopun.
Pwe ewe tufichin awor asaram me mefi kar seni ewe chukuta, a namwot pwe ewe masis epwe keni me aea na ne keni ekkewe kukkun ira mi mwitir nget nukanapan. Ewe ira mi mwitirkeniepwepoputaekkewewatteirarepwepwan ken. Mwirin a poputa ne keni unusen, epwe soposopono tori meinisin ekkewe ira repwe kareno meinisin ika ese chiwen wor asepwan ngeni ewe ekei.
Kenien ewe masis me ekkewe ira mi mwitir keni ra chokkukkun foffor minne mi afisi watten tufichin ewe chukutan ira. Tori fansoun ewe masis a keni, esor met epwe fis, ese nifinifin ukkukun ewe sachukutan nira. Ika ewe masis a keni nge ese pwan wanong me keni ewe ira mi mwitir nget, ewe saram me kar seni ewe masis chok epwe fen kukkun me ewe chukutan ira esapw wor pwan tufich. Ika asepwan ese tori fansoun meinisin, ewe ekei epwe mwitir kouno.
Iwe usun, napengeni ren ekkewe feicoh minne Kot a mochen ngeni kich a namwot epwe wor fofforuch—foffor anongonong won ach nuku non JisesKraist. Nuku non ewe Chon Amanau a eu nongonongen foffor me pechekun. Akkom sia angang non nuku; mwirin ewe pechekun epwe feitto—anongonong won an Kot mochen me fansoun. Ei tettenin foffor mi auchea. Nge, ewe foffor mi namwot mi chok kukkun iteitan ren sia anonnongeni ekkewe feioch sipwe ennetin angei.
Chechemeni met a fis atun ekkewe serepenit mi akkas me ngetenget ra feitto nein ekkewe chon Israel me nom non ar saingeni ewe fonupwon. Ewe kuu seni ewe serepenit mi poison a efisi mano. Nge emon a fen kuu a tongeni chikar ika repwe nengeni ewe serepenit minen brass Moses a fori me mineta won efoch wok. Epwe fite ukukun pochokunen mwokut ne nengeni och mettoch? Meinisin ekkewe ra nengeni a awor rer ewe manamanen nang me ra chikar. Pwan ekkoch chon Israel ir mi kuu rese nengeni ewe serepeniten brass me ra mano. Meni ese naf ar nuku ne nengeni. Meni rese nuku pwe eu mecheresin foffor a tongeni awora ewe feioch mi pwon ngenir. Ika meni ra pwisin fini ne apechekuna netiper me anamwotangaw ewe aurauran noun Kot soufos.
Ewe nongonongen etiwa ren foffor ekkewe feioch seni Kot iwe ese much. Usun ekkana chon Israel nom, kich sipwe pwan angang won ach nuku non Jises Kraist pwe sipwe feioch. Kot a pwarata pwe, mi wor ew annuk, mi wenewenneta non nang me mwen ewe nongonongen ei fonufan, minne meinisin feioch mi nongonong won—me nupwen sia angei ese nifinifin menni feioch seni Kot, pokiten sia annesochis ngeni ewe annuk minne a nongonong won. Ika mwo a era ena, kese angei feioch ren niwinum—ena ekiek mi mwan—nge mi namwot kopwe fori met mi namwot om kopwe angei. Ach amanua a feitto me ren ewe fofforun me chenin Jises Kraist chok. Ewe watten An asoren achasefan a wewen pwe ewe sochukutan ira ese much; ach mwo kukkun foffor chipu ra namwotangaw ika sia anonnongeni. Nge rese unusen namwotengaw, me rese kukun; non rochopwak emon a tongeni kuna efoch masis seni toau. Ennet, ra tongnei kuna seni nang pokiten fofforun nuku mi kukkun mi nanwot ach sipwe angei ekkewe pwon seni Kot.
Pwe kepwe angei eu feioch ka mochen seni Kot, angang ren nuku, keni ewe efoch matches minne ewe feioch seni nang mi anongonong won. Ren awewe, eu popun iotek pwe feioch epwe tori kich minne Kot a mochen ngeni kich nge a anongonong won ach sipwe tingor. Alma a sio ren umoumoch, me an metek a wesino; ese chiwen riaffou ren an chechemeni an kewe tipis. An pwapwa a watteno seni an metek—pokiten chok an sio ren nuku non Jises Kraist. Iwe ewe fofforun poputani mi namwot ngeni kich pwe epwe wor ukkukochun ach nuku non Kraist ne ennetin tingor ren Kot non iotek me etiwa An mochen me fansoun ren penuwan.
Fan chommong, ewe fofforun poputani mi namwot ren feioch a nap seni nengeni ika eis chok; foffor mi soposopono, iteitan me nukuchar mi tongeni namwot. Nukanapen ewe ipukuieren 1800, Brigham Young a ereni eu mwicheichen ekkewe Sounengin Fansoun Soponon pwe repwe feinno me nomeno non Arizona, eu neni napengeni ese pung ran fan chommong non North America. Mwirin ra tori Arizona, ewe mwicheich a pe unumer konik me ra niokus ika repwe fen mano. Ra tutungor ngeni Kot ren aninis. Ekiseno chok a pung ran, a tufichin nono sefan ark ewe nenien konik me worengeni nour kewe maan. Ennetin kinisou me pechekun sefan, ir mi niwiniti Salt Lake City me pwapwaiti ewe kirekirochun Kot. Atun ra niwin, ra aporausa tichikin ar saingeni Brigham Young me ra apasa pwe ir mi nuku pwe ese tufich aramas repwe nomeno non Arizona.
Mwirin ausening ngeni ar poraus, Brigham Young a eisini emon mwan non ewe rum met a ekieki usun ewe sai me pwan ewe manaman. Ena mwan, Daniel W. Jones, a penuweni ren kapas mwoch, “Ita ngang upwe fen ureta ren konik, soposopono ewe sai, me iotek sefan.” Pwi Brigham a wata poun won Pwii Jones me apasa, “Iwe iei ewe mwan epwe wisen emweni ewe sai ngeni Arizona sefan.”
Kich mi tongeni chechemeni ekkewe fansoun sia fen soposopono me iotek sefan—me ekkewe feioch sia angei pokiten. Porausen Michael me Marian Holmes a awewe usun ekkei nongonong. Am me Michael aua angang fengen non ewe wis Area Fiik. Ngang ua men pwapwa fansoun meinisin a wisen iotek non am kewe mwich pun pechekunen ngunun a pwa, I a sineiochu an epwe foos ngeni Kot. Ua men kan sani ai upwe rong an iotek. Nge, nepoputan ar fansoun pupunu, Michael me Marian rese iotek ika fiti fan. Ir mi taweingaw ren unumon kukkun semirit me ar we murinon kompeni. Michael ese mefi pwe I emon chon namanam Eu nekunion, nour we pisop a feitto rer me non imwer we me a pesepesngenir pwe repwe poputa ne iotek.
Mwirin ewe pisop p a feinno, Michael me Marian ra finata pwe repwe achocho ne iotek. Mwen repwe mour, ra fetepuku nepekin ar pet me, ren ekkis weires, Michael a poputa. Mwirin fitu chok kapasen iotek, Michael a chok kouno, me apasa, “Marian, use tongeni fori ei.” Atun a uta me poputa ne fetaneno, Marian a kamoch poun, weitatiw sefan epwe fetepuku , me apasa, “Mike, en mi tongeni fori ei. Achocho ngeni sefan!” Ren ei pesepes, Michael a awesi eu iotek mi mwoch.
Ekkewe Holmes ra poputa ne iotek iteitan. Ir mi etiwa an emon chon orur tingor ne fiti fan. Nupwen ra tonong non ewe imwen fan me rongorong ewe kenun nepoputan, ewe Ngun mi Fel a foos neukukkun, “Iwe ei mi ennet.” Ekkiseno,ina mwo esor emon a kuna me esor emon a tingor, Michael a moneno och kapich seni ewe imwen fan. Atun a fori, a wesewesen mefi ewe memmef, “Imwei ei.”
Michael me Marian ra tipeu ne angei wiser non Fan me ra angang non ar wart me steik. Ra ririfengen me ngeni nour kewe unumon semirit. Ra pwan nouni pwan ekkoch semirit, ukukuun nour kewe engon me ruemon. Ekkewe Holmes ra presetenin misin me chiechi—fan ru.
Ewe aewin iotek mi osukosuk iwe a chok eu kukkun fofforun nuku nge a poputani ekkewe feiochun nang. Ekkewe Holmes ra awateno ekkewe ekeien nuku ren ar fiti fan me angang non. Ar wenewenen achocho me nukuchar non ekkewe ier a efisi eu watten ekei mi chiwen apwichikara ar nuku tori ei ran ikenai.
A namwot, pwe asepwan epwe tori ewe ekei fansoun meinisin pwe ewe much a tongeni kenieno ngeni unusen an tufich. Usun Michael me Marian Holmes ra pwari, nuku non Kraist mi anamwota soposopono foffor pwe ewe ekei epwe sopweno. Ekis foffor a atufichi ach fetan won ewe aanen pwon me emweni ngeni ekkewe feioch mi napano minne Kot a tongeni ngeni kich. Nge ewe asepwan a kawor anongonong ika ren awewe sia sopweno ne fefetan. Fan ekkoch a namwot sipwe fori efoch nikapich me efoch foun nikapich mwen pwarata epwe feitto ren ia sipwe kuut ian mwongo. Fan ekkoch a namwotsipweforiekkewepisekinangangmwenpwarataepwe tori kich ren ifausunsipweforutaefochsiip. Fan ekkoch, ren ekkewe auraur an noun ewe Samon kewe soufos, mi namwot sipwe kuku efou foukukkun pinewa ren ekis chok oil me pinewa mi amas a wor rech pwe sipweangei nenien oil me nenienpinewa mi amas rese tongeni it. Me fan ekkoch mi namwot sipwe, witiwit me sinei pwe Kot i Kot, me apinukunuk non An fansoun.
Nupwen ka angei sokun feioch seni Kot, ka tongeni sinei pwe ka fen anneasochis eu annuk ese much minne ka wor ren ena feioch a nongonongwon. Nge chechemeni pwe ewe annuk mi “weneweneta” a fan nemeni och fansoun, wewen feioch ra feitto anongonong won an Kot fansoun. Ekkewe soufosun nom non ar kutta nonnomur non nang “mano non nuku, rese mo angei ekkewe pwon ngenir, nge ra kuner seni towaw … [me] ra nuku … iwe ra etiwer.” IkasiseangeieufeiochsiamochenseniKot–mwo – ese namwotkepwe fen osukosuk ren met kepwepwanfori. Nge kepwe fen, ausening ngeni an Joseph Smith auraur ne “fori ren pwapwan mettoch meinisin mi nom fan nemeniom; me mwirin … witiwit, ren ennetin nuku, ne kuna ewe … poun [Kot] … epwe pwato.” Ekkoch feioch ra isois fan iten fansoun mwach, iei usun pwan ren noun Kot kewe semirit ir mi wesewesen pechekun.
Wonu maram me nom eu kokkot mi anongonong non imw, fiti aninis seni ewe Mwichefen; ne kae onongonongen ewe kapasallim, apechekuna nuku, me apechekuna pwisin emon me ekkewe famini a poputa. Preseten Russell M. Nelson a pwon pwe ekkewe siwin ra tongeni anisi kich ngeni tufichin pworacho won pekin ngun, awatteno ach pwapwa non ewe kapas allim, me apechekuna ach ekesiwin ngeni Semach won Nang me Jises Kraist. Nge a nom reech pwe sipwe angei ekkei feioch. Wisen kich emon me emon pwe sipwe suki me stuti Come, Follow Me—For Individuals and Families, fiti ekkewe pukefen me pwan ekkoch Come, Follow Me pisekin stuti. Mi namwot sipwe fos fengen usur non ach famini me ren chienach me atteteni ach ranin Sabbath ne keni ewe awewen ekkei. Are sia tongeni chok nikitano ekkewe pisekin kaeo non eu neni non imwach me sisap kuna ewe tufichin aninis mi nom non.
Ngang mi etiwakemi pwe oupwe awora ren nuku ewe manamanen nang ne angei tichikin feioch seni Kot Anganga ewe nuku mi namwot ne keni ewe masis me ekueta ewe ekei. Awora ewe asepwan mi namwot atun ka witiwiti ewe Samon. Ren ekkei etiwetiw , Ngang mi iotek pwe ewe Ngun mi Fel epwe emwenikemi me auraurakemi, pwe ami, oupwe usun ewe “emon mi nukuchar” non Proverbs, oupwe “urenfeioch.” Ngang mi pwarata pwe Semom won Nang me Noun At mi Achengecheng, Jises Kraist, ir mi manau, me ra ekieki usun nonnomum me ra pwapwa ne efeiochuk, non iten JisesKraist, amen.