Bra Kristo Hɔ—Yɛrebɔ Bra Sɛ Awieɛ Mmmerɛ Mu Ahoteefoɔ

Ɛlda John A. McCune

Ɔka Aduɔson Kuo no ho

Yɛbetumi ayɛ neɛma a ɛɛden na yaboa afoforɔ ayɛ saa ara, ɛfiri sɛ yɛnim deɛ yɛbetumi de yɛwerɛ ahyɛ ne mu.

Meda wo ase, Elda Soares, wɔ wo nkɔmhyɛ adansedie a ano yɛ den a ɛfa Mormon Nwoma no. Ɛnkyɛree biara menyaa akwanya soronko bi sɔɔ kratafa bi a ɛwɔ ankasa Mormon Nwoma ahyɛaseɛ atwerɛdeɛ no mu. Wɔ saa kratafa pɔtee yi mu wɔ berɛ a ɛdikan wɔ saa mmerɛ yi mu na watwerɛ saa Nifai akokoɔduru sɛm yi “Mɛkɔ akɔyɛ nneɛma a Awurade ahyɛ no, ɛfiri sɛ menim sɛ Awurade mfa mmaransɛm biara mma Onipa mma, gye sɛ wasiesie ɛkwan ama wɔn a wɔnam so bɛtumi ayɛ deɛ wahyɛ wɔn sɛ ɔnnyɛ no.”¹

Berɛ a na mekura saa kratafa yi no, aseda a ɛmu yɛ duru hyɛɛ me ma wɔ mmɔdemmɔ a mfeɛ 23 ba Joseph Smith a ɔnam Onyankopɔn akyɛdeɛ ne ne tumi so twerɛ kɔɔ kasafo .”² Mensan nso nyaa aseda atenka maa nsɛm no a abranteɛ Nifae a na wase no sɛ ɔnkɔyɛ adwuma a ɛyɛ den yie sɛ ɔnkɔfa yaawa prɛte mfiri Laban hɔ.

Nifae nim sɛ, sɛ ɔkɔso ara de nani to Awurade so, ɔbɛtumi adi nkunim sɛ ɔbɛyɛ saa ɔhyɛ yi a Awurade hyɛɛ no. Wɔ kɔɔso ara de nani too Agyenkwa no so wɔ n’abrabɔ nyina ara mu, mpo ɔhyiaa nsɔhwɛ honam mu nsɔhwɛ ahodoɔ firii n’abusuafoɔ a na wɔbɛn no mu bi mpo hɔ.

Na Nifae nim nea ɔbɛtumi de ne werɛ ahyɛ ne mu .³ Mmerɛ tiawa bi akyiri a ɔteamu sɛ, “O mmɔbrɔwa a ɔte sɛ me! Aane m’akoma di anibereɛ,”⁴ Nifae kaasɛ, “Me Nyankopɔn na wayɛ me sɔmuboafoɔ; wagye me wɔ mahohiahiamu wɔ ɛserɛ no so, na wɔakora me wɔ nsuo no bunu kɛseɛ no mu.⁵

Sɛ Kristo akyidifoɔ yi, wɔnnyaeɛ yɛnfirii akwansideɛ ne nsɔhwɛ wɔ yɛn abrabɔ mu. Wɔtaa hwehwɛ sɛ yɛyɛ nneɛma bi a ɛyɛ den a sɛ, yɛn nko ara ka sɛ yɛbɛ yɛ a ɛbɛboro yɛn so anaa mpo ebia yɛrentumi nyɛ. Berɛ a yɛgye Agyenkwa no frɛ tom sɛ “mommra me nkyɛn,”⁶ Wɔbɛboa yɛn, ama yɛn awerɛkyekyerɛ, ne asomdwie a ehia, sɛdeɛ wɔyɛ maa Nephi ne Joseph no. Mpo, wɔ berɛ a yɛn nsɔhwɛ ayɛ kɛseɛ no, yɛbɛtumi anya nedɔ mu awaawaatuu berɛ a yɛnya awerɛhyem wɔ ne mu na yɛgye ne pɛ to mu. Yɛbɛtumi anya anigyeɛ a ɔdetwɛn n’agyidifoɔ a wɔdi nakyi afirisɛ Kristo yɛ anigyeɛ.”⁷

Wɔ afe 2014, mu berɛ a na meyɛ tetenani wɔ mishyen bi mu no, y’abusua kɔɔ tebea bi a na yɛn hwehwɛ bi mu. Berɛ a na yɛnam dua so agodie duaso resane bepɔ kumaa bi no, yɛn babarima ketewa tehweeɛ na ɔpiraa kɛse ma ɛkaa nadwene a na ne nkwa ayɛ hu. Berɛ a na ne tebea no reyɛ kɛse no, apomuden adwumayɛfoɔ yɛɛ no ntɛm kɔyɛɛno opirehyen ntɛmtɛmso.

Y’abusua buu nkotodwe wɔ ayaresabea fam hɔ a na erekame ayɛ sɛ obiara mpo nnihɔ, na yɛhwiee y’akoma guu hɔ maa Onyankopɔn. Wɔ saa berɛ a na yɛnhunu deɛ yɛnyɛ ne ɔyaw mu no, yɛn Agya ɔwɔ soro no dɔ ne asomdwoeɛ hyɛɛ yɛn ma.

Na yɛnnim deɛ daakye wɔ ma yɛn anaa nso mpo yɛbɛhunu yɛn babarima no sɛ ɔtease bio. Na yɛnim pefee sɛ na ne nkwa hyɛ Onyankopɔn nsam na nsunsuansoɔ a ɛfiri enniawieɛ hwɛbea no bɛyɛ adwuma ama yɛne no yiedie. Ɛnam honhomkronkron akyɛdeɛ so nti na yɛyɛ ahoboa sɛ yɛbɛgye deɛ ɛbɛba biara ato mu.

Na ɛnyɛ mmerɛ! Akwanhyia no kɔwiee abosome mmienu ayaresabea asetena berɛ a na yɛne mihyenarefoɔ 400 resom. Yɛn babarima no yeraa ne nkaaboa pii. N’ayaresa kɔsii sɛ na apomummerɛ tenten, kasa ne aduro yɛ ntoatoasoɔ. akwansideɛ kɔɔso ara, nanso mmerɛ akyiri no y’ahunu anwanwadeɛ.

Yɛteaseɛ pefee sɛ nyɛ nsɔhwɛ biara a yɛfa mu no na yɛbɛnya ho nsunsuansoɔ sɛnea yɛhwehwɛ. Na mmom, berɛ a yɛde yani si Kristo so no, yɛbɛnya asomdwoɛ atenka na yahunu Onyankopɔn anwanwadeɛ sɛdeɛ ɛbɛyɛ biara,wɔ ne berɛ ne ne kwan so.

Mmerɛbi bɛba a yɛrentumi nhunu ɔkwan biara so a seesei tebea bi bɛwie yie na ɛbia mpo yɛbɛka sɛnea Nifae kaaeɛ sɛ “Makoma di anibereɛ ɛnam me honam nti.”⁸ Mmerɛbi bɛtumi aba a na anidasoɔ baakopɛ a yɛwɔ ne deɛ ɛwɔ Yesu Kristo mu. Hwɛ nhyira a ɛyɛ sɛ yɛnya saa anidasoɔ ne awerɛhyem no wɔ ne mu. Kristo yɛ obi a berɛbiara ɔdi ne bɔhyɛ so. N’ahomgyeɛ yɛ anidasoɔ ma obiara a ɔba ne hɔ.⁹

Yɛn akandifoɔ hwehwɛ kɔ nkan yie sɛ obiara nya asomdwoeɛ ne awerɛhyekyerɛ a ɛnam sɛ yɛrenya awerɛhyɛm na yɛde yɛn ani reto Agyenkwa Yesu Kristo so ba no.

Yɛn Nkɔmhyɛni teasefoɔ, Tetinani Russell M. Nelson, ka Awurade anisoadehunu ma wiase ne Kristo Asɔre mma no nso: “Yɛn asɛm ma wiase yɛ tiawa ne nokorɛ: yɛto nsa frɛ Onyankopɔn mma nyina ara a wɔwɔ nkataanim , no anim ne nakyiri sɛ wɔn mmra Agyenkwa no hɔ, wɔn mmɛgye nhyira a ɛwɔ tɛmpol kronkron , wɔn nnya anigyeɛ a ɛtoɔ ntwa da na wɔn nfata mma daa nkwa.”¹⁰

Saa nkratoɔ sɛ “bra Kristo nkyɛn” wɔ nteaseɛ pɔtee bi ma Nkyirimma Ahoteefoɔ.¹¹ Sɛ Agyenkwa no asɔremma no, yɛne no akɔ apam na yabɛyɛ ne honhom mu mmamarima ne mmammaa¹² Wasan nso ama yɛn akwanya sɛ yɛne Awurade nyɛ adwuma mmɔ mu nto nkra nyɛ adwuma mma afoforɔ sɛ wɔmmra nenkyɛn.

Berɛ a yɛne Kristo yɛ adwumam, ɛsɛ sɛ yɛn mmɔdenmmɔ a ɛsi yɛn aniso kɛse yɛ yɛn afie mu. Mmerɛbi bɛba a abusuafoɔ ne ayɔnkofoɔ bɛhyia akwansideɛ. Ewiase nne ahodoɔ ne ebia wɔn ara wɔnhwehwɛ bɛtumi ama wɔn agye akyinnyeɛ afa nokorɛ ho. Ɛsɛsɛ yɛyɛ biribiara a yɛbɛtumi de aboa wɔn ama wɔn anya Agyenkwa no dɔ ne yɛn dɔ mu atenka Akae me nwom a ɛse “Monnodɔ Moho Moho” a ɛkyerɛkyerɛ yɛn sɛ yei so na ampa nipa bɛhunu sɛ mo yɛ m’akyidifoɔ, sɛ mowɔ ɔdɔ ma moho moho a.”¹³

Wɔ yɛn dɔ ma wɔn a wɔhinhim wɔ nokorɛ ho no, anigyeɛ nyina ara tamfo no bɛtumi abɔ mmɔden ama yɛn anya atenka bi sɛ yɛyi wɔn a yɛdɔ wɔn no ma berɛ a yɛn ara kɔso di nsɛmpa a ahyɛma no so na yɛkyerɛkyerɛ ne nokorɛ no.

Sɛ yɛbɛtumi anya nhyɛsoɔ wɔ afoforɔ so sɛ wɔreba Kristo hɔ anaa wɔresan wɔn akyi aba ne hɔ a na egyina yɛn ara yɛn anibereɛ sɛ yɛbɛ nante apamhyɛ kwan no so.

Sɛ yɛn nokorɛ ahwehwɛdeɛ ne sɛ yɛbɛgye wɔn a yɛdɔ wɔn no a, ɛsɛ sɛ yɛn ankasa yɛne Kristo nante yie berɛ a yɛregye N’asɔre ne ne nsɛmpa a ahyɛma no to mu.

Yɛresan akɔ Nifae asɛm so no, yɛnim sɛ Nifae pɛ a ɔpɛɛ sɛ ɔde ne werɛ hyɛ Awurade mu no gyina n’awofoɔ pɛ a wɔpɛɛ sɛ wɔde wɔn werɛ hyɛ Awurade mu ne wɔn apamhyɛ nnisoɔ ho nhwɛsopa. Wayɛ nhwɛsoɔ fɛɛfɛso wɔ anisoadehunu a ɛfa nkwadua no ho. Berɛ a ɔdii aduaba dɛɛdɛ ne anigyeɛ a ɛfiri dua no ho no, Lehi, “kaekae n’ani [sɛ] anyɛ biara ɔbɛhunu n’abusuafoɔ.”¹⁴ Ɔhunuu Saraya, Sam, ne Nifae sɛ wɔgyina gyina hɔ sɛdeɛ wɔnnim baabi a wɔnkɔ.”¹⁵ Afei Lehi kaa sɛ “Me nyamm me nsa frɛɛ, na afei nso mekakyerɛɛ wɔn na mede nne kɛseɛ ka kyerɛɛ wɔn mmra me nkyɛn, mmɛdi aduaba no bi”¹⁶ Mepawokyew, hyɛ nenso sɛ Lehi annya nkwa dua no hɔ. Ɔne Awurade tenaa hɔ wɔ honhom mu na ɔtoo nsa frɛɛ n’abusua sɛ wɔmmra baabi a ɔwɔ no mmɛdi aduaba no bi.

Ɔsɛefoɔ no bɛpɛ sɛ ɔbɛtwetwe ebinom sɛ wɔbɛgya nsɛmpa no mu anigyeɛ hɔ wɔ berɛ a wɔbɛtete Kristo nkyerɛkyerɛ no ne n’asɔre no mu. Ɔbɛpɛ sɛ yɛbɛgye adi sɛ yɛn nko ara yɛbɛtumi agyina pintinn wɔ apam kwan no so nam yɛn ara yɛn kronkronyɛ, a n’asɔre no si nkyɛn.

Wɔ saa nna a ɛdi akyiri yi mu no, Wɔde Kristo asɔre no san baae sɛnea ɛbɛboa Kristo apam mma no anante n’apam kwan no so.

Wɔ Nkyerɛkyerɛ ne Apam mu no, yɛkenkan sɛ, “Hwɛ, yei ne Me nkyerɛkyerɛ—obiara a ɔsakyera n’adwene na ɔba me hɔ no, ɔno ara yɛ m’asɔreba.”¹⁷

Nam Kristo asɔre a ɛwɔ asaase so no, wɔhyɛ yɛn den nam suahunu so sɛ ahoteefoɔ tenabea. Yɛnam ne nkɔmhyɛfoɔ adehunufoɔ ne adiyifoɔ so te ne nne. Deɛ ehia kɛse pa ara ne sɛ nam n’asɔre so no, wɔma yɛn Kristo Mogyahwieguo mu nhyira a ɛnam ayɛyɛdeɛ a yɛyɛ so nko ara so na yɛbɛtumi anya.

Yesu Kristo Asɔre A Ɛwɔ hɔ ma Nna a Ɛdi Akyire Ahotefoɔ no yɛ Kristo asɔre a wasan de aba bio wɔ saa nna a ɛdi akyire yi mu sɛ ɛbɛboa Onyankopɔn mma nyina ara.

Medi adanseɛ sɛ berɛ a yɛba Kristo nkyɛn no yɛbɔ bra sɛ Nna A Ɛdi Akyire Ahoteefoɔ no yɛbenya nhyira kɛseɛ a ɛfiri Ne dɔ, N’anigyeɛ ne N’asomdoeɛ mu. Te sɛ Nifae no, yɛbɛtumi ayɛ nneɛma a ɛyɛ den na yaboa afoforɔ ama wayɛ saa ara nso efirisɛ yɛnim deɛ yɛbɛtumi agye no adie.¹⁸ Kristo yɛ yɛn hann, yɛn nkwa ne yɛn nkwagyeɛ.¹⁹ Wɔ Yesu Kristo din mu, amen.