Nte Itie-Oku Odiongde mme Iwaad
Eno nnyin ukeme ndinam utom nte angel, ndikworo gospel ke ofuri mme idut ke isong, enyung enam ofuri ukpong etiene Christ.
Iren ye iban, ami mmetim nnem esit nditing iko nno mbufo ediye mbubreyo emi mbanga edisana eno itie-oku ye akwa odudu enye enyenede ndidiong mkparawa ke eyo emi. Mmebenge okposuk mme mfonke, ke spirit eyenwam mi ndikpep akpaniko.
First Presidency eti mme andikama Itie-oku Aaron ete “mbufo edu ke usen akwa ifet ye ubiongo—usen emi efiakde eda itie-oku edi ke isong. Mbufo emenyene unen ndida mme ewuho Itie-oku Aaron nnam utom. Adangante edade akam ye ndinen ido ekama unen oro, mbufo eyediong ke akwa ndaha uwem mbon oro ekperede mbufo.”1 Nte mkparawa Ufok Abasi emi, eti nnyin nko ette ke nnyin idi “ndima [ndito iren] Abasi, ndien Enye enyene utom ono [nnyin] ndinam,”2 ndien nnyin inwam ke utom Esie emi “ndinam owo enyene uwem ananade-mkpa ye uwem nsinsi ” (Moses 1:39).
Itie-oku edi unen ndino mme ewuho ye ediomi gospel Andinyanga esok mbon emi edotde ndibo mmo Mme ewuho itie-oku ye ndisana ediomi eno oyoho edidiong otode Atonement Andinyanga emi edinwamde nnyin ikisim eti utit.
Joseph Smith ekedi ekpri akparawa emi Abasi okokotde man afiak ada gospel Jesus Christ edi, ndien ke ntak oro ema eno enye itie-oku emi enye akadade odiong ofuri ubonowo. Doctrine ye Covenants 135 etnig-owut ediwak kotu mme edidiong Joseph onode mkparawa ini emana emi. Nyin imokot ette: “Joseph Smith … amanam ediwak, kebede Jesus kpot, ono edinyanga owo ke ererimbot emi, akan owo ndomokiet efen emi akananam odungde ke enye. … Enye osio Nwed Mormon Ewetde edi … ; enye asuan oyoho odu-uwem gospel … odong ke itung mbinang ererimbot; enye osiongo edi mme eriyarare ye ibet emi edude ke [nwed] Doctrine ye Covenants … ; atang ediwak tosin ikot Latter-day Saints, … onyung okpong etop ye enying emi midikemeke ndibiat mfep” (Doctrine ye Covenants 135:3).
Man itim inam nte Joseph akanamde, ana idot ndida odudu itie-oku Abasi nnam utom Ke ini enye akakabare Nwed Mormon Ewetde, Joseph ye Oliver Cowdery ema eyom ndiduok mmong, edi mmo ikenyeneke nnen-nnen unen. Ke May 15, 1829, mmo ema etong edong ebong akam ndien John the Baptist, ama edisobo ye mmo, onyung ono mmo ukpohode ye unen itie Akwa-oku Aaron, odoho, “Ke ibot mbufo mme uke isung-utom mi, ke enying Messiah ami mmono itie Akwa-oku Aaron, emi akamade ukpohode utom mme angels, ye eke gospel edikabade esit, ye eke uduok-mmong ke edibuho eda efen ndudue” (Doctrine ye Covenants 13:1).
Eno nnyin ukeme ndinam utom nte angel, ndikworo gospel ke kpukpru ikpehe ererimbot, enyung enam kpukpru ukpong edi edidung ye Christ. Utom emi enim nnyin ke ebuana utom ye John the Baptist, Moroni, JosephSmith, President Russell M. Nelson, ye nti mbon utom Jesus Christ eken.
Utom nnyin ke idude inyung ikamade itie-oku Esie atang obok oto-kiet mbon emi enyimede nditiene nyung nnam item Abasi nnen-nnen, emi ami ndiongode ke imemke adangante isobode mme mfina uyen. Edi ima idiana ye mme isung-utom Abasi emi ke ndinam uduak Esie eyenwam ndino nyin odudu ndinwana idomo andidiok ye nsu Mbufo emekeme ndidi utuen-ikang eno mmo oro midiongoke idem mmo. Unwana otode mbufo eyenehede ayama tutu kpukpru owo mbufo ebuahade kiet eyekut mfon ke ndidu ke otu mbufo. Esisong ke ndusuk idaha ndikut ini spirit odude ye nnyin, edi mmenem esit ndidiongo nte ke ami ndi kiet ke eboho itie-oku osongode ada emi ndidade nnam nkpo nsik mkpere Christ.
Diana ye mme ufan ye ufokemana nnyin, Edisana Spirit edi akpan iberedem ye osngo nsanga nnyin kiet. Edi ke ntak ndibo osongo nsanga Esie, ana nnyin inim idem nnyin ke ndaha ye ebiet emi Enye ediyomde ndidu. Emi ekeme nditongo ke ufokidung nnyin nte inamde mmo edi mme edisana ebiet ke ndibuana ke ukpep nwed-Abasi kpukpru usen ye akam ke ekpuk ye, ata akpan,nte nnyin ikpepde nwed-Abasi inyung ibong akam ke idem nnyin.
Ke ntongo isua emi, mma nnyene ediye ye ukeme okosukde mi ndinwam ekpri eyen-eka mi anwan, Oceane,asanga odok usung ediomi ke ndinyime ikot ndiduok-mmong nnyung nnam nkpo kiet ekeyomde eda eduk ufok-ubong celetial. Enye ama esik uduok-mmong esie ke ofiong kiet, tutu emek mi nte priest, man ono mi ukeme nda nnam ewuho oro ke ini ndito eka nnyin iban efen ekedude nko ke utom ke idak ibiong-utom itie-oku enyung eda nte ntiense. Nte nnyin idade ke nkang nsak-iso itie-uduok-mmong inyung ibenge-idem ndiduk mmong, ami nkut inemesit esie, nte edide ukem ye okim. Ndien ami ndiana kiet ye enye, koro nkutde ke enye akanam eti ubiere. Ukeme emi ndinam utom itie-oku oyom mi ntehede idemnyung mkpong mbre ke ndinam gospel. Man mbenge-idem, mma nka temple kpukpru usen urua oro,mbo unwam nto, eka mi, eka-eka, ye ndito ekami iban, nda nduok-mmong nno mbukpo.
Ifiok emi ama ekpep mi ediwak nkpo abanga itie-oku ye nte ndikamade enye ke edinen usung. Mmodiongo nte ke kpukpru mme andikama itie-oku ekeme ndikop ntuk ukem nkpo nkokopde edieke itienede uwutnkpo Nephi ndi “ka nnyung nkanam” (se 1 Nephi 3:7). Nnyin ididopke itie inyung ikere ke Abasi eye ada nnyin anam akwa utom Esie. Inaha nnyin ibet mbon emi eyomde unwam nnyin ediyom nnyin esio; edi utom nnyin nte mmakama itie-oku ndiwut usung nyung nda nte ntiense .Abasi Edieke inamde mkpe-mbiere emi akpande ndikori ke nsinsi, nnyin inyene ndikabade idaheemi. Satan eyedomoofuri ukeme esie man nnyin idu ke ndaha ata-owo ke ndiyom mkpri inem uwem. Edi mmodiongo nte ke ima isin ifik oro, iyom mbon ediberide nnyin edem, inyung ikabade esit kpukpru usen, edidiong idibode eyekpon ndien uwem nnyin eyekpuhore nte inukde ika usung ediomi.
Ami mmodiongo ke emi edi akpaniko Ufok Abasi Jesus Christ, emi edide Andinyanga nnyin ndien ayak ukpohode itie-oku ono mme Apostle Esie,emi edade mmo eda nnyin usung, akpan-akpan kini afanikong emi, onyung ebenge ererimbot ono edifiak-ndi Esie.
Ami mmodiongo ke Joseph Smith ekedi prophet Restoration ndien President Nelson edi odu-uwem prophet mfin. Ami mmodoho kpukpru nnyin ikpep uwem mme ikpo akama itie-oku emi inyung iyom usung itim idem-nnyin kpukpru usen man ibeng-idem ndosobo Andibot nnyin Ke enying Jesus Chrst, amen.