Ndidiana-kiet ke Ndinam Utom Abasi nkure
Ata akpan usung ke ndinam ubiong edisana ndaha nnyin edi ndidiana kiet, emi ediongde ke odudu ye unen itie-oku.
Ndima ndito-eka mi ibanye iren, edi inem nkpo ndidu ye mbufo. Ke ebiet ekededi emi mbufo ekopde, ami mmeyak mfari mi nno ndito-eka mi iban ye oyoho-esit ekom nno ndito-eka mi irenowo. Nnyin idiana-kiet ke utom Obong.
Nnyin ima ikere ibanga Adam ye Eve,akpa ekikere nnyin edi uwem emem mmo ekedude ke inwang Eden. Se nte etiede ke edim ye eyo—ifiopke ikaha inyung ibitke bit nko—nko ediwak, inem mfri ye mme ikong ikot ebiokde ono mmo ndidia ini eke mmo eyomde. Sia emi ekedide obufa ererimbot ono mmo,ediwak ama odu ono mmo ndikut,ntre kpukpru usen ama enyene ufon nte mmo ekemehede ye uwem unam enyung esanga edungore ediye nkan nkuk mmo. Ema eno mmo ewuho ndikop item nyung nyene nsio nsio usung ndinam mme item emi,emi akanamde mmo enyene okpsong ekikere ye editimede .1 Edi nte mmo enamde mkpe mbiere ndikpuho uwem mmo ke nsinsi, mmo ekpep ndinam utom oto kiet nyung ndiana ke ndikure uduak Abasi ekenyenede ono mmo_ ye kpukpru ndito Esie.
Ndise idahemi edi nwan ye ebe ke obuk idem. Mmo ekenyene ndinam utom ndien edia mkpo,ubak unam ekeda mmo nte udia, nko mmo ema enyene mme mfina emi mmo ekpekande edieke ekopde item enyung ebong akam oto kiet. Ami nkere ama odu mme mkpri ini mmo ekenyende nsio nsio ekikere ebanga mme mfina emi. Ntre, oto ke iduo,mmo ema ekpep ete ke ofon ndinam mkpo otokiet ye ke ima. Ke ukpep emi ebode eto edisana ebiet,ema ekpep mmo ebanga uduak erinyanga ukpong ye mme akpan ekikere ikoAbasi Jesus Christ emi anamde esiak uduak emi. Koro mmo ema efiok ke ntak uwem mmo ke ererimbot ye nsinsi utit itok edi ukem,mmo ekop uyuho enyung ema ndikpep ndinam utom ke ima ye edinen ido kiet.
Nte ndito emanade eno mmo, Adam ye Eve ekpep ufok emana mmo se ekekpepde eto mme isung utom Ete Nnyin ke Enyong. Mmo ema eting enyin ke ndinwam ndito mmo ndifiok nyung mma mme akpan ekikere edinemde mmo esit ke uwem emi, ye ndibenge idem ndifiak mbine Ete yeEka mmo ekoride ke mme ukeme mmo enyung ewut nkopitem eno Abasi. Ke edinam emi,Adam ye Eve ema ekpep ekut mme nsio nsio mmemidem mmo enyung enwam kiet eken ke akpan nsinsi utom mmo.2
Nte mme isua ikie ye mme tosin isua edide enung enyong,ifiok irenowo ye iban ndinyene udong ye ndibuana ndotenyin ama oyoho ye unana ndikop ye unana ifiok. Tongode ke ini utibe editongo oro ke inwang Eden ye idaha emi , owo usua okop inemesit ke ndibahade nwan ye erenowo nte enye anwanade ndikan ukpong umo. Lucifer ofiok ete edieke enye abiatde udong edidiana kiet irenowo ye iban,edieke enye akande otimede nnyin kabanga edisana ido nnyin ye mme ibiong utom unwongo nnyin,enye eyekan ke ndibiat mme ufok emana ,emi edide akpan owo ke nsinsi.
Satan akama udomo mkpo nte mkpoutom ndinam efiok emi edide akamba ye ekpri, edip nsinsi akpaniko emi owutde ete ukpuhore obot i renowo ye iban edi Abasi ono nko enyene ukem ufon. Enye anwana ndisuhore mme unwam iban enode ke ufok emana ye ke obio, emi udong edinam eti mkpo ye edimenere osuhore. Mbuba esie edi ndisop nwana nkan ndidara mme akpan etibe irenowo ye iban esinde eyoho kiet ye eken enyung etip ke ima.
Ntre,ke mme isua ebede ye ke ofuri ekonde,uyoho edisana edinyene idorennyin ke kiet eken nko mme nsio nsio etibe ye mme ibiong utom iban ye irenowo otim osop . Mme iban ke ediwak ebiet idige mkpo ndomo kiet ino iren owo utu ke ediana ke nkang nte ufan,edinam mmo enyene itie etrede. Nkori eke spirit osuhore esim ntoi ke ini ekim oro;kekpan, ekpri unwana edisana spirit ekeduk mme ekikere ye mme esit edebide ke iko ukara.
Ndien unwana edifiak nda ndi iko Abasi ayama “akan unwana eke utin”3 ke ini Abasi Ete ye Eyen Esie Jesus Christ ,ekeyarare idem eno ekpri Joseph Smith ke usiere ntongo ini-edim eke 1820 ke edisana akai ikot ke edere New York. Edinam oro otongo obufa edinwanga mfuk eriyarare otode ke enyong. Kiet ke otu akpa editongo mkpo eke ata ntongo ufokAbasi Christ ekedi edifiak ndi odudu mbet eke Abasi. Nte edifiak ndi akade iso ,irenowo ye iban etongo ndikut obufa ufon ye eno edibuana nte mme nsanga,enode odudu ye ndausung ke edisana utom emi otode enye.
Ke 1842,ini iban etibe obufa ufok Abasi ekenyomde ndisiak nka ndisin unwam ke utom,President Joesph Smith enyene udong ndibok mmo “ke idak odudu mbet idaha oku ke ubono mkpo idaha oku.”4 Enye ete,“Ami mmeyak ukpohode nno mbufo ke enying Abasi …— emi edi editongo nti usen.”5 Ndien tongo nte ekeyak ukpohode oro, ukpepnkpo ufok nwed, nkpo-ukara, ye nditim mkpeme ufang atara sung sung ono iban ke ekondo.6
Nka iban obufa ufokAbasi emi, ekotde Nka Unwam, itiehe nte nte nka iban efen koro prophet ekesiakde enye ye odudu itie oku ndino iban odudu, edisana ibiong utom, ye mme ndaha ke Ufok Abasi, idige ke esiode oro efep.7
Tongo ke ini Prophet Joseph Smith tutu osim ini nnyin emi ,edifiak nda ndi kpukpru mkpo emen ntat enyin ufon ndinyene odudu ye unen itie oku ndinwam iban ye irenowo ndikure edisana ibiong utom mmo. Enam ifiok ete iban emi edoride mmo ubok ke idak owo emi akamade ukpohore itie oku anam utom ukem ye unen itie-oku ke ikoot mmo.8
Ke Ofiong duop 2019, President Russel M. Nelson ama ekpep ete iban emi enamde enwongo ke temple enyene odudu itie oku ke uwem mmo ye ke ufok mmo nte mmo enimde ndisana ediomi emi mmo ekenamde ye Abasi.9 Enye ete ke “mme heaven eberede ono iban emi ebode ndutim ye odudu Abasi ofiorode oworo oto ke unwongo itie oku kpa nte enode mme irenowo emi enyenede ndaha itie oku.” Ndien enye osongo kpukpru iban idem “ndisik ofuri nyom odudu Andinyanga ke ndinwam ufokemana ye mbon emi mbufo emade.”10
Nso ke oworo ono mbufo ye ami? Didie ke ndifiokunene itie-oku ye odudu okpuho uwem nnyin? Kiet kotu mme ukpohode edi ndifiok ete kini nnwan ye erenowo enamde utom otokiet, nnyin iyenam akamba ediwak utom ikure ikan nnyin ndinam nsio-nsio.11 Ubiong utom nnyin edi ndinam-oyoho nkan ndimia mbuba. Okposuk edi nte midorike iban ubok ino utom itie oku, nte ima ikofiok ete ke ediong iban ye odudu itie-oku ke nte mmo enimde enwongo mmo, ndien mmo enam-utom ye odudu itie-oku kini emekde mmo eno ikot.
Ke ediye usen August,Ami mma mfon iso nditie ye President Russell Nelson mfiak ndiong ufok Joseph ye Smith ke Harmony, Pennsylvania,ekpere ebiet mbet eke idaha oku Aaron akafiakde edi ke ekpere edem ini emi. Ke nneme nnyin, President Nelson ama eneme abanga akpan unwam iban ekenwamde ke edifiak mmen ndi.
President Nelson: “Kiet kotu ata akpan ndido emi ami ntide mbanga ke ini emi ami ndide ke ebiet mfiak-nda itie-oku ndi emi edi akpan ubiong utom emi iban enamde ke Mfiak-nda-ndi.
“Kini Joseph okotongode ndikabare Nwed Mormon, anie ekewet mkpo? Ntre, enye anam ekpri, edi iwake. Emma asanga oduk.
“Nko ami nkere danga Joseph ekeduk ikot-eto ekperede ufok mmo ndibong akam ke Palmyra, New York. Ebiet ewe ke enye akeka? Enye ekeka Edisana Groove. Ntak emi enye ekekade do? Koro oro edi ebiet emi Eka esie ekesikade kini oyomde ndibong akam.
“Oro edi mme iban iba kpot emi ekeyenede akpan ubiong-utom ke Edifiak-nda itie-oku ndi ye ke Edifiak-nda Ufok Abasi ndi. Eyighe iduhe, nnyin imikeme ndidoho ke iban nnyin esuk edi akpan-nkpo mfin nte mmo ekedide ke ini oro. Ihn, mmo edi ntre,”
Nte Emma ye Lucy ye Joseph, nnyin imenyene odudu kini inyenede udong ndikpep nto kiet eken nnyung ndiana kiet ke uduak nnyin ke ndidi mbet Jesus Christ nko ndinwam mbon efen kpa ke usung oro.
Ekpep nnyin ete ke “Odudu itie oku odiong ediwak uwem ndito Abasi ke ediwak usung. … Ke mme ikoot UfokAbasi, mme ndutim ke temple, ke ebuana ufokemana, ye ndobo,ukworo iko ikpong,iban ye irenowo Latter-day eka ye mbet itie oku ye odudu. Edinyene ebuana irenowo ye iban ke ndikure utom Abasi oto ke odudu Esie edi akpan-nkpo ono iko Abasi Jesus Christ emi Prophet Joseph Smith akafiakde ada edi.”12
Edidiana kiet edi akpan mkpo ke edisana utom emi ekotde nnyin ndinam, edi itibeke ntre. Oyom nsinifik ye ini ke ndinehede ndiomo otokiet—mkpang utong nno kiet eken, mfiok ekiekere owo efen, nyung mbuana ifiok-ukpep—edi kpukpru emi etre ke eti ubiere. Mme ke ubiong-utom ufok mme eke Ufok Abasi, ata eti usung ndinam ibiong edisana utom nnyin edi ndinam utom otokiet, ediongde ke odudu ye unen itie-oku ke ukpuhore ye edinam ubiong nnyin oyoho.
Nso ke uto ebuana oro owut ke idem nwan emi anamde unwongo mfin emi? Yak ami mbuana uwutmkpo kiet.
Alison ye John ema enyene ebuana ekedide sanga sanga. Mmo ema ewat ndiana iba enang ukwak ke ibio ye anyan usung. Man mmo ebre mbuba ye enang ukwak emi, mmo mbiba emi enyene ndidiana kiet. Mmo enyene ndinuho nkang kiet ke nnen nnen ini. Kiet ikemeke ndikara kiet ,edi mmo enyene ndibak nneme enyung enam ibiong utom mmo. Captain, ke iso ,enyene ndikpeme nyung mmum brake nda. Awat-edem, etiede ke edem, enyene nditing enyin nse se ikade iso onyung ebenge idem ndisin odudu edieke ekpedede edem mme ndisuhore-esisit edieke ewatde ekpere mbon-uwat efen. Mmo enyene nditre owo efen man eka iso man ebo utip mmo .
Alison ete: “Ke ekpri ini, owo ekedide captain ete ‘Da’ ke ini ikeyomde ndida nyung ‘Ndop-nda’ ye ke ini itrede ndiwat. Ekem ko, owo ekedide andikpeme ekpep nditing ini captain edidade mme ndimum brake, ndien owo itingke iko aba. Nnyin ikpep ndifiok nte owo enye oko etidee man ikan iting ini enye enyende mfina[ndien]owo efen anwana etre mfina oro. Edi abanga ndinim nyung ndiana otokiet.”13
John and Alison ema ediana oto kiet idige ke ndiwat enangukwak mmo,edi ema ediana ke ndo mmo nko. Mmo ema eyom inemesit kiet eken ekan eke mmo;enye oko oyom eti mkpo ke idem enye oko onyung anam utom ndikan mkpo emi mifonke ke idem esie. Mmo edausung ke ini ke ini enyung eno awak ke ini kiet odude ke mfina. Kiet okut ufon enye eken onyung oyom nti iboro ke mme mkpo nyanubok nte mmo ekokde ibuot ke ifiok ye inyene . Mmo etim ediana ye kiet eken oto ke ima Christ.
Nditim nkop uyo edisana usung ndinam-utom otokiet ke edidiana-kiet osong ke usen mfin eke “okim edi akpa” etop akanarede nnyin okuk. Iban enyene nworo-nda ndisana eno14 ndien eno mmo sanga-sanga ibiong utom, edi oro iwakke mme—inyeneke—ufon nte eno irenowo ye mme utom mmo. Kpukpru owo enyene enyung edot ndimen edisana uduak Ete Nnyin ke enyong ke abanga ndino ndito esie kiet kiet eti ufang ndinam ibiong edisana utom esie.
Mfin, “iyom iban enyene uko enyung ekut nkukut emi Eka nnyin Eve”15 ndidiana mme irenowo ke ndimen ukpong nsok Christ.16 du Irenowo enyene ndidi mme anam akpaniko ufan nkan mmo ndikere ete ke enyene ndidu “nkari” nyak iban enam ediwak utom. Ana iban enyene udong “ndiworo iso [nyung] nda nnen nnen itie [mmo] emi odotde ”17 nte mme ufan nkan ndikere nte ekpenam ikpong mme ndibet nyom tutu eteme se ana nte enam.18
Ndikut iban nte akpan ebuana idige ibanga ndidi nka-nka edi abanga ndifiok ikpo ukpepnkpo akpaniko. Utu ke anwana ndiyom mkpo ndimen oro ndi, nnyin imekeme ndinam utom ndikut iban nteAbasi anamde: nte akpan ufan utom ke utom erinyanga ye erimenere.
Nte nnyin imebenge idem? Will we strive to overcome cultural bias and instead embrace divine patterns and practices based on foundational doctrine? President Russell M. Nelson okot nnyin “ndidiana ubok otokiet ke ndinam edisana utom emi … [man] inwam ke ndibenge ererimbot nno Edidi Obong Nnyin Oyoho Ikaba.”19 Nte nnyin inamde, nnyin iyekpep ndikut mme ufon kiet eken inyung ikori ke uko uyuho edisana ibiong utom nnyin. Nnyin iyekop akwa inemesit ikan nte ikekopde akpa.
Nnyin kiet kiet ikpekam imek ndidiana kiet ke Obong isin ifik inwam utom esie aka iso. Ke enying edima Andinyanga nnyin, Jesus Christ, amen.