Etiene Christ—Edu-uwem nte mbon Latter-day Saint
Nnyin imekeme ndinam mkposong nkpo inyung inwam mbon efen ke ndinam ukemoro, sia nnyin imediongo owo eke nnyin ikemeke ndibuot-idem.
Sosongo, Elder Soares, ke osongo ye iko ntiense prophet fo kabanga Nwed Mormon. Mmi-mmi emi, ami mma nnyene asanga-asanga ufang ndikama ikpa-nwed kiet ke ata itiat-nwed eke Nwed Mormon. Ke ata ikpa.nwed emi, ke akpa ini ke eyo emi, ke ekenehede ewet mme iko Nephi emi ete, “Ekem ami, Nephi ndoho ete mi nte: Ami nyeka nkanam se Jehovah etemede mi, koro ami mmofiok nte ke Jehovah inoho ndito owo ibet, ibohoke enye odiong usung ono mmo man mmo ekeme ndinam se Enye odohode mmo.”1
Nte ami nkemumde, ami nkoyoho ye inem ekom nno ukeme eke Joseph Smith edide eyen-isua Edip-ye-ita, emi akakabare Nwed Mormon oto ke “eno ye odudu Abasi.”2 Ami nko mma nnyene iko ekom nno ekpri Nephi, emi ekedongde enye ete anam okposong utom ke ndibo mme usan brass nto Laban.
Nephi ama odiongo ete edieke imo ikade iso iwuk-enyin ke Abasi, ke imo iyekut-unen ke ndinam mbet emi Abasi okowukde enye. Enye ama owuk-enyin ese Andinyanga ke ofuri eyo-uwem esie okposuk nte enye okokutde idomo, mfina, kpa ye abianga eke ubak mbon ufokemana esie .
Nephi ama odiongo owo emi Enye okpobuotde idem.3 Ikebighike ke enye odohode ete, “O owo ubuene emi ami ndide! Ihn, esit mi ofuho oto ke obukidem mi,”4 Nephi ete, “Abasi mi edi iberedem mi, enye akada mi usung ke ini ukut mi ke wilderness, ndien enye akanyanga mi osio ke akwa utungo mmong.”5
Nte mme anditiene Christ, nnyin ibeke mme mfina ye idomo ke uwem nnyin. Esiwak ndiyom ete nnyin inam mkposong nkpo emi, adieke inamde ikpong, ekeme ndisong inyung idighe memem. Nte nnyin inyimede ikoot Andinyanga eke “etiene mi,”6 Enye eyeno unwam, ndongesit, ye emem emi ofonde, ukem nte Enye okonode Nephi ye Joseph. Kpa ke ata idiok idomo nnyin, nnyin imekeme ndikop inem osongo ima Esie nte nnyin ibuotde-idem ye Enye inyung inyime uduak Esie. Nnyin imekeme ndikop idara emi enimde eno nti mbet Esie, koro Christ edi idara.”7
Ke 2014, kini ndude ke mission, ufokemana mi ema enyene iwiwa idiok nkpo-ntibe. Kini nkawatde nsuhgore obot kiet ke longboard, mkpri-nkan eye-eren nnyin ama oduo onyung enyene idiok unan ke mfre esie. Nte ndaha esie odiokde aka iso, mbon ufokibok esosop emen enye man esop enam usiak-idem.
Ufokemana nnyin ema etongo-edong ke ukpok isong ubet ufokibok oro, ndien nnyin iwangare esit nnyin ino Abasi. Ke ufok ubiak ye ndutime ini emi, nnyin ikeyoho ye ima ye emem eke Ete nnyin eke Heaven.
Nnyin ikofiokke se ini-iso edikamade mme ke nnyin iyekut eyen-eren nnyin ye uwem aba. Nnyin ima ineghede ifiok ete ke uwem esie odu ke ubok Abasi ye iboro, otode nsinsi idorenyin, eyenam utom ono mfon esie ye eke nnyin. Otode ke eno Spirit, nnyin ima inehede ibenge-idem ndibo iboro eke edidide.
Ikememke! Ke mkpo ntibe emi akanamde ndu ke ufokibok ke ofiong iba kini nnyin ikenamde utom ada ibuot mme full-time missionaries Ikie-Inang. Eyen-eren nnyin ama enyene ata unana editi-nkpo. Nsongidem esie ekesine anyan ye okposong edikok ikpehe ke ikpokidem, uting-iko, ye ke ndinyene eti-uwem. Mme mfina ama osuho, edi ke ini akade iso nnyin imedikut utibe-nkpo.
Nnyin imenhede ifiok ete ke idige ofuri idomo emi nnyin ikutde edinoiboro emi nnyin iyomde. Nte ededi, nte nnyin iwukde-enyin ise Chrsit, nnyin iyekop emem inyung ikut utibe-nkpo eke Abasi, ke se mmo edidide, ke ini Esie ye ke usung Esie.
Mme ini eyedi emi nnyin midikemeke ndikut usung nte nkpo-ntibe ini oro editrede ndien nnyin imekeme nditing, nte Nephi ete, “Esit mi ofuho oto ke obukidem mi.”8 Mme ini eyedu emi nkokure idorenyin emi nnyin inyenede edi ke Jesus Christ. Se edidiong ke ndinyene idorenyin ye mbuotidem ke Enye. Christ edi owo-kiet emi edinimde enwongo Esie ke kpukpru ini. Nduok-odudu Esie odu ono kpukpru owo emi etienede Enye.9
Mme adausung nnyin enehede eyom ete kpukpru owo ekop emem ye ndongesit emi otode ke ndibuot-idem nyung nwuk-enyin ke Andinyanga Jesus Christ.
Odu-uwem prophet nnyin, President Russell M. Nelson, ke eteting nkukut Abasi ono ererimbot ye mbon Ufok Abasi Christ ete ke: “Etop nnyin emi enode ererimbot edi mmem-mmem ye akpaniko: nnyin ikoot ofuri ndito Abasi ke nkang ikpehe mbiba ete etiene Andinyanga mmo, ebo edidiong temple, enyene nsinsi idara, enyung edot ndibo nsinsi uwem.”10
Ikoot emi “etiene Christ” enyene akpan nkpo ono mbon Latter-day Saint.11 Nte mbon Ufok Abasi eke Andinyanga, nnyin imenam ediomi ye Enye inyung ikabare idi obo-bon ndito-iren ye iban spirit eke Esie.12 Ema eno nnyin ufang nko ndinam utom ye Jehovah ke ndikot mbon efen ete etiene Enye.
Nte nnyin inamde utom ye Christ, ata ukeme emi nnyin ikpenehede isin ekpedi ke esit ufok nnyin. Mme ini eyedu emi mbon ufokemana ye akpan ufan edinyenede mfina. Uyom eke ererimbot, ndien ubakini udong mmo, ekeme ndinam mmo eyik akpaniko. Nnyin inyene ndinam ofuri se ikeme man inwam mmo ekop ima Andinyanga ye ima nnyin nko. Ami mmeti ikwo emi “Ma Kiet Eken” emi ekpebde nnyin ete, “Ke emi … ke mme owo edifiok … ke mbufo edi mbet mi, edieke mbufo enyeneke ima eno kiet eken.”13
Ke nnyin ndima mbon emi eyikde akpaniko, andisua kpukpru idara ekeme ndidomo man anam nnyin ikere ke nnyin imebianga mbon emi nnyin imade edieke nnyin ke idem-nnyin ikade-iso ndinam oyoho iko Abasi nyung mkpeb mme akpaniko esie.
Ukeme nnyin ke ndinam mbon efen etiene Christ mme ke ndifiak ntiene Christ enehede okongo ke uwutnkpo emi nnyin inamde oto ke nsinifik nnyin man idu ke usung ediomi.
Ediekeata udong nnyin edide ndinyanga mbon emi nnyin imade, ana nnyin ke idem-nnyin ituak-ida ye Christ ke ndinyime Ufok Abasi Esie ye oyoho iko Abasi Esie.
Ke ndifiak nka mbuk Nephi, nnyin imediongo ete ke ubiere Nephi ke ndibuot-idem ke Abasi okoto ukeme eke ete ye eka esie ke ndibuot-idem ye Abasi ye ke uwutnkpo edinim ediomi mmo. Enehede emen uwutnkpo emi ekewutde Lehi ke nkukut eto uwem. Ke ama akadia ininge ye idara mfri eto emi, Lehi “asuan enyin [esie] akanare, mbak ndusuk [enye] okpokut ufokemana [esie].”14 Enye okut Sariah, Sam, ye Nephi nte edade “ebietde nte mmo ifiokke ebiet emi mmo ekpekade.”15 Lehi ndien ete, “Ami nkot mmo, ndien ami nko nting nno mmo ke okposong uyo nte yak mmo etiene mi, enyung edia mfri oro.”16 Mbok fiok ete ke Lehi ikokpongke eto uwem oro. Enye okodu ke spirit ye Abasi onyung okot ufokemana esie ete edi ebiet emi enye edidiade mfri oro.
Andidiok eyeyom nditabi ubakowo ete ekpong idara iko Abasike ndibahare ukpebnkpo Christ ye eke Ufok Abasi Esie. Enye oyom nnyin ete inim ete ke nnyin imekeme ndisongo ndu ke usung ediomi ke idem nnyin, ke ukeme spirit nnyin, isio Ufok Abasi Esie ifep.
Ke mme ekpere edem usen emi, ema efiak emen Ufok Abasi Christ edi man anwam ndito ediomi Christ ndidu ke usung ediomi Esie.
Ke Doctrine ye Covenant nnyin ikoot ete, “Sese, emi edi ukpebnkpo mi—owo ekededi emi akabare esit onyung etiene mi, owo oro edi Ufok Abasi mi.”17
Oto ke Ufok Abasi Christ, nnyin imenyene nsongo-nda oto ke ifiok-ukpeb eke eboho ikot Abasi nnyin. Nnyin imekop uyo Esie oto mme prophet, okut-nkukut, ye andiyarare Esie. Ata akpan-akpan, oto ke Ufok Abasi Esie ke eno nnyin mme akpan edidiong eke Erisio-isop Christ emi ikemeke ndikut kpot oto ke ndibuana ke ndisana edinam-iko Abasi.
Ufok Abasi Jesus Christ eke mme Latter-day Saint edi Ufok Abasi ke isong, ekefiakde-eda-edi ke ekpere edem usen emi eno ke ufon ofuri ndito Abasi.
Ami ndi ntiense nte ke nte nnyin itienede Christ inyung idu uwem nte mbon Latter-day Saint, nnyin iyebo edidiong ye ndadian adanga ima, idara, ye emem Esie. Nte Nephi, nnyin imekeme ndinam mkposong nkpo inyung inwam mbon efen ke ndinam ukemoro, sia nnyin imediongo owo eke nnyin ikemeke ndibuot-idem.18 Christ edi unwana, uwem, ye erinyanga nnyin.19 Ke enying Jesus Chrst, amen.