Edifiori Hosanna

Iko otode President Russell M. Nelson

President Ufok Abasi Jesus Christ eke mme Latter-day Saint.

Idahaemi, ndima ndito-eka mi iren ye iban, nte nnyin itide Akpa Nkukut Joseph Smith eke Ete ye Eyen, nnyin ikere ke eyefon ndidara otokiet mbuana ke Edifiori Hosanna.

Ekebem-iso eno Edisana mfiori emi ke eyo emi kini ediongde Kirtland Temple ke March 27, 1836. Idahaemi eno oro kini ediongde temple kiet-kiet. Edi edisana itoro nno Ete ye Eyen, ndiwut idiongo edinam eke otuowo kini Andinyanga okodukde Jerusalem ke ubong edikan Esie. Oro nko afiak osongo se ekpri Joseph Smith okokut ke usen oro ke Edisana Groove—edide, ke Ete ye Eyen edi enyene-ubong Mbonowo-iba, emi nnyin ikponode inyung itoro.

Idahaemi ami nyenam nwut nte edinamde Edifiori Hosanna. Nte ami namde, ami mmekot mme nsanga nnyin eke media nte eda akpan edisana edinam emi ke uku ye ukpono.

Owo kiet-kiet emi abuanade eyeda edisana afia ofong-ukwohode-inua, omum oro ke mben, ndien ofung enye kini etingde ke uyo-kiet ete, “Hosanna, Hosanna, Hosanna enyene Abasi ye Eyenerong,” efiak-eting akang ita, etiene ke “Amen, Amen, ye Amen.” Edieke mbufo minyeneke afia ofong-ukwohode-inua, mbufo emekeme ndifung ubok mbufo.

Ndito-eka iren ye iban, idahaemi ami nyekot mbufo nte edaha-eda enyung ebuana ke Edifiori Hosanna, emi editienede ye “Ikwo Hosanna” ye “Spirit eke Abasi”¹ emi edikwode.

Ke etienede idiongo otode adausung-ikwo, mbok buana ke ndikwo “Spirit eke Abasi.”

Hosanna, Hossana, Hosanna enyene Abasi ye Eyenerong.
Hosanna, Hossana, Hosanna enyene Abasi ye Eyenerong.
Hosanna, Hossana, Hosanna enyene Abasi ye Eyenerong.
Amen, Amen, ye Amen.