Caka Dodonu, Vinakata na Yalololoma, ka Lako vata kaya na Kalou ena Yalomalumalumu
Meda cakacaka vakadodonu e kena ibalebale meda ivalavala vakamatau. Eda cakacaka vakadodonu kei ira na tani ena noda loloma veivueti. Eda cakacaka vakadodonu vei ira na tani ena loloma veivueti.
Ni da sa dau muri Jisu Karisito, ka da sa Yalododonu Edaidai, eda segata—ka da sa vakauqeti me da segata—me da caka vinaka cake ka me da vinaka cake. 1 E rairai o sa dau vakananuma beka, me vakataki au, “Au sa cakava vakarauta vinaka tiko li?” “Na cava tale e dodonu meu cakava tiko?” se “Au na rawa vakacava, vaka dua na tamata malumalumu, me rawata me’u ‘tiko marau kina vata kei na Kalou me tawamudu’?” 2
Na parofita ni Veiyalayalati Makawa o Maika a taroga na taro vakaoqo: “Ai soro cava me’u toro rawa kina vei Jiova, ka cuva kina ena matai koya na Kalou cecere?” 3 A vakataroga vakaibalebale o Maika se sa na rauta vinaka na isoro saulevu sivia me isosomi ni ivalavala ca, ni a kaya, “Ena vinakata beka ko Jiova me vakaudolu na sipi tagane, se me vakaoba na uciwai waiwai? me’u na vakacabora beka na noqu ulumatua me isoro … ni ivalavala ca ni yaloqu?” 4
Na kena isau e sega. Na caka vinaka eso e sega ni rauta. Na veivakabulai e sega ni rawati vakacakacaka. 5 Ena sega sara mada ga ni vueta rawa na ivalavala ca lailai duadua na isoro vakaitamera eso a vakaturi mai vei Maika. Ni biu tu ki na noda rawaka vakai keda, na irairai ni noda lesu me da laki bula ena iserau ni Kalou e sa inuinui matewale ga. 6
Ni sega na veivakalougatataki e lako mai vei Tamada Vakalomalagi kei Jisu Karisito, eda na sega sara ni rawa ni da cakava vakarauta sara se me da rauta vinaka sara vakai keda ga. Ia, na itukutuku vinaka, sa ikoya ni baleta kei na vuku i Jisu Karisito eda sa rawa ni yaco me da rauta vinaka sara. 7 Na tamata kecega ena vakabulai mai na mate vakayago ena loloma soliwale ni Kalou, ena vuku ni mate kei na Tucaketale i Jisu Karisito. 8 Ia kevaka eda vagolea na yaloda vua na Kalou, na mate vakayalo ni veivakabulai esa vakarautaki tu vei keda kece. “ena Veisorovaki nei [Jisu] Karisito, … eda sa talairawarawa ki na lawa kei na cakacaka vakalotu ni Kosipeli.” 9 Eda na rawa ni vueti mai na ivalavala ca me da tucake ena savasava ena mata ni Kalou. Me vaka a vakamacalataka o Maika, “[Na Kalou] sa vakatakila oti vei iko, na tamata, na ka e vinaka; ia ka cava tale sa taroga maivei iko ko Jiova, mo caka dodonu ga, ka mo vinakata na yalololoma, ka mo yalomalumalumu talega ni drau lako vata kaya na nomu Kalou?” 10
Na veidusimaki i Maika ena noda vukica na yaloda vua na Kalou ka rawata kina na veivakabulai e tiko kina e tolu na tikina veisemati. Noda caka dodonu e kena ibalebale me da rokova tiko na Kalou kei ira na tamata tale eso.” Eda cakacaka vakadodonu kei ira na tani ena noda loloma veivueti. Eda cakacaka vakadodonu vei ira na tani ena loloma veivueti. Noda caka dodonu sa ikoya gona e dua na ivakamatanataki ni imatai kei na ikarua ni vunau levu duadua, mo “lomani Jiova na nomu Kalou ena lomamu taucoko, kei na yalomu taucoko, kei na nomu nanuma kecega … [ka mo] lomana na kai nomu me vaka ko lomani iko.” 11
Noda caka dodonu ka lako vata kaya na Kalou ena yalomalumalumu oya na noda nakita me tarova na ligada mai na cakacala, muria na Nona ivunau, ka ia na cakacaka dina. 12 Ni a sikovi ira na Nifaiti na Karisito vakaturicaketale, a vakamacalataka o Koya ni sa vakaisosomitaki na lawa i Mosese mai na dua na lawa cecere cake. Na tamata dodonu e dau digitaka me muria na ivunau ni Kalou, dau veivutuni ni yaco koso, ka dau tovolea tikoga.
Ni a sikovi ira na Nifaiti na Karisito vakaturicaketale, a vakamacalataka o Koya ni sa vakaisosomitaki na lawa i Mosese mai na dua na lawa cecere cake. A vakaroti ira o Koya me ra kakua tale ni “vakacabora … na isoro kei na … isoro kama”, ia me ra cabora ga “na yalo raramusumusu kei na yalo bibivoro.” A yalataka talega o Koya, “Ia ko koya yadua sa lako mai vei au ena yalo raramusumusu kei na yalo bibivoro, au na papitaisotaki koya ena bukawaqa kei na Yalo Tabu.” 13 Ni da ciqoma ka vakayagataka na isolisoli ni Yalo Tabu ni oti na papitaiso, eda rawa ni marautaka na veitokani tudei ni Yalo Tabu ka da vakavulici ena veika kecega e dodonu me da kitaka, 14 oka kina na sala me da lako kaya kina kei na Kalou ena yalomalumalumu.
Na isoro ni ivalavala ca i Jisu Karisito kei na veivakabulai mai na mate vakayalo esa vakarautaki tu kivei ira kecega sa yalo raramusumusu ka yalo bibivoro. 15 Na yalo raramusumusu kei na yalo bibivoro e uqeti keda me da veivutuni e veisiga ka tovolea me da yaco me vakataka vakalevu cake na Tamada Vakalomalagi kei Jisu Karisito. Ni da vakayacora vakakina, eda na ciqoma na veivakasavasavataki, veivakabulai, kei na veivakaukauwataki mana ni iVakabula. Eda sega walega ni caka dodonu ka lako vata kaya na Kalou ena yalomalumalumu, eda vulica talega me da dauvinakata na yalololoma ena ivakarau i Tamada Vakalomalagi kei Jisu Karisito.
Na Kalou e dau rekitaka na yalololoma ka sega ni vakatitiqataka na kena vakayagataki. Ena vosa eso i Maika vei Jiova, “O cei na Kalou me tautauvata kei kemuni, ka bokoca na cakacala, … ena mai lomani keda,” ka “biuta ki na wasa titobu na … ivalavala ca kecega.” 16 Na noda dauvinakata na yalololoma me vakataka na Kalou e semati dei ki na noda caka dodonu vei ira na tani ka sega ni vakalolomataki ira.
Na bibi ni noda kua ni dau vakalolomataki ira na tani e vakavotui mai ena dua na italanoa baleti Ileli na Qase, e dua na Jiu daunivuku ka a bula voli ena imatai ni yabakidrau ni bera na Karisito. E dua vei ira na gonevuli i Iileli a vakayavalati ena verevereya ni Tora—na lima na ivola i Mosese kei na kena 613 na ivunau kei na ivola vakaivakavuvuli veisemati eso. A bolei Ileli na gonevuli oya me vakamacalataka na Tora ena loma ga ni gauna e rawa ni tu yavaidua tu kina o Ileli. A sega beka ni rawa ni tu vakatautauvata sara o Ileli ia a mani ciqoma na bolebole oya. A cavuvosa o koya mai na Vunau ni Soro, ni kaya, “Mo kakua ni cudruva, se naki ca me saumi ira na luvedra na kai nomu, mo lomani koya ga na kai nomu me vaka ko sa lomani iko.” 17 A qai tinia yani vakatotolo o Ileli: “Na ka sa cata na lomamu, kakua ni kitaka vua na kai nomu. Oqo na taucoko ni Tora; na kena vo era sa ivola vakamacala ga. Lako yani ka vulica.” 18
Na dau cakavinaka tikoga vei ira na tani e sa tiki ni dauvinakata na yalololoma. Vakasamataka mada e dua na veitalanoa au a rogoca ena tini vakacaca na yabaki sa oti ena loma ni tabacakacaka ni leqa tubukoso ni Valenibula na Johns Hopkins e Baltimore, Maryland, e Amerika. E dua na tauvimate, o Mr. Jackson, e a dua na tagane dauvakarokoroko, taleitaki ka kilai levu vei ira na dauveiqaravi e valenibula. A sa curu oti o koya e valenibula vaka vuqa me baleta na qaravi ni mate eso ka vakavuna na wai ni veivakamatenitaki. Ia ena gauna oqo, a lesu tale mai ki valenibula o Mr. Jackson me baleta na ivakatakilakila eso ka dikevi kina na vuvuca ni sorewiwi ka vu mai na mate eso ni wai ni veivakamatenitaki.
Ena mua ni nona gauna ni matayadra, o Dr. Cohen, e dua na vuniwai gugumatua ka taleitaki, a dikevi Mr. Jackson ka vakadeitaka ni sa dodonu me curu e valenibula o koya. A lesi Dr. Jones sara o Dr. Cohen, na vuniwai ka sosomitaki koya ena matayadra, me vakacurumi Mr. Jackson ka raica raraba na nona qaravi.
A vuli o Dr. Jones ena dua na koronivuli ni vuli vuniwai kilai levu ka sa qai tekivu sara tiko ga na nona vuli-tara. Na vuli veivakaocai sara ka sala vata tiko kei na lailai ni gauna ni moce, ka vakavuna na nona sega ni yalovinaka kina o Dr. Jones. Ni sotava oqo o koya nai ka lima ni nona veivakacurumi ena bogi o ya, a vosakudrukudru vakadomoilevu o koya vei Dr. Cohen. A vakila o koya ni sega ni dodonu me mai vakaogai o koya ena vuqa na auwa me qaravi Mr. Jackson kina dina ga ni a vakavuna ga o koya na nona tauvimate.
Na isaunitaro kaukauwa nei Dr. Cohen a cavuta ena domo e vaka saraga me vakasolokakana. A kaya o koya, “Dr. Jones, o iko a yaco me dua na vuniwai mo qaravi ira na tamata ka cakacaka mo vakabulai ira. O a sega ni yaco mo dua na vuniwai mo vakalewai ira. Kevaka o sega ni kilamatata na kena duidui, e sega ni tu vei iko na dodonu mo mai vulitara ena valenibula oqo.” Ni oti na veivakadodonutaki oqo, a qaravi Mr. Jackson sara vagumatua o Dr. Jones ena gauna kece ni nona tiko e valenibula.
A sa mani qai mate o Mr. Jackson. Na nodrau cakacaka ruarua o Dr. Jones kei Dr. Cohen a vakasakiti sara. Ia ena dua na gauna bibi ena nona vulitara, a gadrevi kina me vakananumi o Dr. Jones me caka dodonu, me dauvinakata na yalololoma, ka me qaravi Mr. Jackson ka kakua ni vakalelewa. 19
Ena veiyabaki sa oti, au sa vuli mai na ivakananumi oya. Na dauvinakata na yalololoma e sega ni kena ibalebale walega me da dauvinakata na yalololoma sa dulaka tu mai vei keda na Kalou; ia eda rekitaka ni Kalou e dulaka tale tu ga na yalololoma vata ga oqori vei ira na tani. Ka da muria na Nona ivakaraitaki. “Sa tautauvata na tamata kecega vua na Kalou,” 20 ka da sa gadreva kece na veiqaravi vakayalo me da vukei ka vakabulai kina. A sa kaya na Turaga, “Dou kakua ni nanuma ni sa uasivi cake e dua mai vua tale e dua, se me dua na tamata e nanuma ni sa uasivi cake ko koya mai vua e dua tale na tamata.” 21
E ivakaraitaki o Jisu Karisito ni ibalebale ni daucaka dodonu kei na dauvinakata na yalololoma. A veimaliwai o Koya ena galala kei ira na daucakacala, ka qaravi ira ena veidokai kei na vakarokoroko. A vakatavulica oKoya na reki ni vakamuri na ivunau ni Kalou ka dau vakasaqara me veilaveti ka sega ni beitaki ira era sasaga tiko. A cudruvi ira era a vakalewai Koya ni qaravi ira tiko na tamata era okata tu me ra bula tawakilikili. 22 Na dokadokai-koya ni buladodonu vaka oya a vakacudrui Koya. 23
Me dua e va Karisito, me na daucaka dodonu, ka dau rokova tiko na Kalou kei ira na tamata tale eso. A tamata dodonu e dau vakarokoroko ena vosa kei na valavala ka dau kila ni duidui eso ena irairai se vakabauta e sega ni tarova na lomavinaka dina kei na veitokani. Na tamata yadua eso e dau caka dodonu ena “sega … [vei ira] na nanuma [me] … veivakacacani, ia [me] … tiko veilomani” 24 vakai ira.
Me dua e va Karisito, oya me na dauvinakata na yalololoma. Na tamata e dauvinakata na yalololoma e sega ni dau vakalelewa; era vakaraitaka na loloma vei ira na tani, vakabibi vei ira era sega so ni daumaka tu; era sa dauloloma, yalovinaka, ka dokai. O ira na tamata yadua oqo era dau qarava na tamata kecega ena loloma kei na kila, veitalia na vei ituvaki eso vaka kawatamata, tagane/yalewa, matalotu, veivinakati vaka-yalewa/tagane, itutu vakailavo, kei na duidui vaka yavusa, mataqali, se matanitu. Era sa sosomitaki ena loloma Vakarisito.
Me dua e Vakarisito, oya me na dau digitaka na Kalou, 25 dau lako vata kaya kei Koya ena yalomalumalumu, dau vakasaqara me vakayalovinakataki Koya, ka dau maroroya na veiyalayalati vata kei Koya. O ira yadua era lako vata kaya kei na Kalou ena yalomalumalumu era dau nanuma na veika sa vakayacora vei ira na Tamada Vakalomalagi kei Jisu Karisito.
Sa veirauti beka na ka au cakava tiko? Na cava tale beka e dodonu me’u cakava tiko? Na ka eda cakava me isau ni taro e rua oqori e sa usutu ni noda bula marau ena bula oqo kei na veigauna tawamudu. E sega ni vinakata na iVakabula me da taura vakamamada na veivakabulai. Ni da sa caka veiyalayalati oti sara mada ga, e se rawa tikoga ni da “lutu … mai na loloma soli wale ka vuki tani mai vua na Kalou bula.” O koya gona, e dodonu me da “rogoca matua … ka dau masu tikoga” me kakua ni da “temaki kina.” 26
Ena gauna vata oqori, e sega ni vinakata na Tamada Vakalomalagi kei Jisu Karisito me da vakamalumalumutaki mai na veilecayaki tomani tu ga ena noda bula vakavuravura, ka vakataroga tiko se da sa cakava vakarauta vinaka me da vakabulai ka vakacerecerei kina. Erau sega dina ni vinakata me da vakararawataki mai na cakacala eso eda sa veivutunitaka oti, ka nanuma tiko ni ra sa mavoa e sega ni mavu rawa, 27 se da nuiqawaqawa vakasivia ni da na rairai tarabe tale.
Eda rawa ni dikeva lesu na noda toso ki liu vakai keda. Eda na rawa ni kila ni “ilakolako ni bula [eda sa] muria tiko, e sa vaka na loma ni Kalou” 28 ni da caka dodonu, dauvinakata na yalololoma, ka lako vata kaya na Kalou ena yalomalumalumu. Eda vakayagataka na nodrau itovodei na Tamada Vakalomalagi kei Jisu Karisito ki na noda itovo ni bula ka da veilomani vakai keda.
Ni o cakava na veika oqo, o na muria na salatu ni veiyalayalati ka rawata mo “tiko marau kina vata kei na Kalou me tawamudu.” 29 Na yalomuni ena sovaraki ena lagilagi ni Kalou vata kei na rarama ni bula tawavakaiyalayala. 30 O na vakasinaiti ena reki tawakilai rawa. 31 Au vakadinadinataka ni bula tiko na Kalou ka ni sa Karisito o Jisu, na noda iVakabula ka Dauveivueti, ka dolea tu mai ena reki kei na loloma na Nona loloma cecere. O taleitaki Momani beka? Ena yacai Jisu Karisito, emeni.