Ruum̧ in Im̧ōn Ruwamāejet
Ilo iien Ijtō season in, Jisōs Kraist ej karuwainene kōj n̄an erom, āinwōt E, juon Risameria eo em̧m̧an, n̄an kōm̧m̧an bwe Im̧ōn Ruwamāejet eo An (Kabun̄ eo An) juon jikin kone n̄an aolep.
Ro jeiū im jatū rejitōnbōro, men̄e ekar mej 20 iiō ko remootļo̧k, ewōr iien ij būrom̧ōje jema. Ijtōn ej kallim̧ur bwe inaaj bar lo e.
Ke ikar jikuul in kalōj ilo England, jema ekar jambotok. En̄jake ilo būruwōn ānwōt juon baba ekar jeļā bwe ikar on̄ kōn kapijuknen.
Jem̧a em̧m̧an ippān jambo bōtaab ilo m̧ōn̄ā. Jekdoon ilo France, kōn kajjojo m̧ōn̄ā ko ie, ej kjior ba, “Jān m̧ōn̄ā m̧ōn̄ā in China.” Kar juon eo eto an juon petriak ilo Kabun̄ in, jema ekar ļap an jetōb im jouj. Juon bon̄, ke ainikien waan aujpitōl ko rekar kaiim̧ ilo ial eo ilo Paris, ekar ba, “Gerrit, jan̄ kein rej metak ko an aelōn̄ in.”
Ilo tūreeb eo, ikar ron̄ ainikien jan̄ im metak ko. Juon jiron̄ ekar wia kake ice cream ilo juon diaka edik. Kab in ice cream ko an rej jaij in wōt juon jikup in ice cream. Kōn jet un ko, juon em̧m̧aan ekilep ekar akweele kōrā in. Elamōjmōj im uni, ekar ukōj diaka eo waan, lutōki kab in ice-cream ko an. Ejjeļo̧k men imaron̄ kar kōm̧m̧ane ke ekar katipdikdik kab ko kōn juuj ko an. Ikab de loe jiron̄ in ioon bukien neen ilo iaļ eo, kajjieon in aini tipdikdik in kab ko, kōm̧jaļaaļ in metak raar wōtļo̧k jān mejān. Pija in elukkuun kaam̧ijak eō, juon kakeememej kōn jab jouj, jab kea, jameļeļe ko ekkā ad kōm̧m̧ani n̄an doon.
Ilo bar juon ālikin ralep, tūrin Paris, jem̧a im n̄a kar jam̧bo ļo̧k n̄an cathedral eo ebun̄bun̄ ilo Chartres. Malcolm Miller,1 juon eo etijemļo̧k ilo cathedral, kar kwaļo̧k jilu wūntō in jin̄a ko ilo Chartres. Ekar ba bwe rej kwaļo̧k juon bwebwenato.
Wūntō eo kein kajuon ej kwaļo̧k Adam im Iv ke rej etal jān Jikin Kallib Eden.
Kein karuo ej kwaļo̧k kōn būrabōļ eo kōn Risamaria eo em̧m̧an.
Kein kajilu ej kwaļo̧k Itok eo Kein Karuo an Irooj.
Kobaik ippān doon, kūļaaj in wūntō kein remaron̄ kōmeļeļeik iaļ eo ad indeeo. Rej kajjitōk ippād n̄an karuwaineneik aolep kōn ruum̧ ilo im̧ōn ruwamejet eo An.2
iStock.com/digitalimagination
Āinwōt Adam im Iv, jej itok n̄an juon laļ elōklōk im emarmar nana.3
iStock.com/digitalimagination
Ilo iaļ ko ad ebūn̄aln̄al n̄an Jedko, rej luko̧rko̧re kōj, kakinejnej, im joļo̧k kōj bwe jen metak .4
Men̄e jej aikuj jipan̄ doon, emakijkij ad ilo̧k iturejet eo juon in iaļ eo, kōn jabdewōt un.
Bōtaab, kōn jouj, Risameria eo Em̧m̧an ekar bōjrak im kūtimi kinej ko ad kōn wain im oil. Kakkōļe ko an kwojkwoj eo im kain̄i ko jet, wain im oil eo rej kwaļo̧k n̄an kōj kōmour ilo jetōb eo ilo Jisōs Kraist.5 Risameria eo Em̧m̧an ej likūt kōj ioon tan̄ki eo waan Make, ilo jet kōmeļeļe in jin̄a ko ilo kūlaaj eo, ej ineek kōj ioon Aeran. Ej bōkļo̧k kōj n̄an im̧ōn ruwaimājet eo, eo ej jutak kōn Kabun̄ eo An. Ilo Im̧ōn Ruwamājet eo, Risamaria eo Em̧m̧an ej ba, “Kwōn lale e; … n̄e ij bar itok, I naaj ṇa oṇeaṃ.”6 Risameria eo Em̧m̧an ej, juon kakkōļe kōn ad Rilo̧mo̧o̧r, kallim̧ur n̄an bar ro̧o̧ltok, iien in ilo wōj im aiboojoj.
iStock.com/digitalimagination
Ilo iien Ijtōn season in, Jisōs Kraist ej karuwainene kōj n̄an erom, āinwōt E, juon Risameria eo em̧m̧an, n̄an kōm̧m̧an bwe Im̧ōn Ruwamāejet eo An (Kabun̄ eo An) juon jikin kone n̄an aolep kinej ko im lan̄ ko an mour.7 Jej kōppopo n̄an Itok eo Kein Karuo An kar kallim̧ur kake āinwōt kajjojo raan jej kōm̧m̧ane “n̄an juon iaan rein”8 āinwōt ad naaj kar kōm̧m̧an n̄an E. “Juon iaan rein” ej kōj kajjojo.
Ilo ad itok n̄an ippān Risamaria eo Em̧m̧an n̄an Im̧ōn Ruwaimejet, jej ekkatak ļalem men ko kōn Jisōs Kraist im kōj make.
Juon, jej itok n̄an Im̧ōn Ruwamājet eo āinwōt kōj, kōn m̧ōjņo̧ jiddik ko im jab wānōk ko ewōr ippād kajjojo. Aaet ewōr juon men ippād aolep kar aikuj in jipan̄ leļo̧k. Iaļ eo ad n̄an Anij emakijkij loe ippān doon. Jej m̧ōttan āinwōt juon jukjuk in pād—men̄e jelm̧ae ajeded in nan̄inmej ko, lan̄ ko, kijeek ko reļļap, iien māro, ak ilo tōpar aikuj ko raan otemjej ilo jab jeļā kake. Jej bōk im̧we ilo ad ko̧o̧njeļ ippān doon, ron̄jake kajjojo armej, ekoba kajjojo kōrā ro, im Jetōb eo.
Ilo an būruōd oktak im jej bōk Nememein ilo paotokid,9 jej loe E im kōj make ilo Kabun̄ eo An. Ilo E, jej loe alikkar, ejjab bok. Ilo E, jej loe un ko n̄an kōm̧m̧an em̧m̧an, un ko n̄an em̧m̧an, im kōlapļo̧k maron̄ ko n̄an em̧m̧anļo̧k. Ilo E, jej loi atartar in tōmak, kōtļo̧k em̧m̧an n̄an kōj make, oktak in kea, im lōke Anij. Ilo Im̧ōn ruwamāejet, jej loe im kam̧wilaļ jemjerā eo ad ippān Anij, eo Jemed, im Jisōs Kraist.
Ej lōke kōj n̄an jipan̄ kōj kōm̧m̧an bwe Im̧ōn Ruwamājet eo, ijo Ej aikuj bwe jān pād ie. Ilo ad ajeļo̧k tōļan ko ad im kijejeto ko ad rem̧m̧an tata, menin letok in jetōb ko An rej barāinwōt kōkajoorļo̧k im kōjeraam̧m̧an.10
Juon rūkook ilo kajin Spanish ekar jiron̄ eō, “Elder Gong, ikar jeļā jān Jetōb eo ta eo kwaar tōn ba kōn menin imaron̄ kar ukōte,” brother in etiljek ekar ba, “kōn menin in letok eo an kajin lo ko.”
Menin letok ko an tōmak im lōke rej itok, eoktak aer waļo̧k ilo jekjek ko roktak. Juon sister ejitōn bōro ekar bōk kaenōm̧m̧an ilo jetōb ilo an ļeo pāleen kar mej jān COVID-19. Ekar ba, “Ijeļā ļeo pāleeō ejitōn bōro im n̄a kom̧ro naaj bar koba ippān doon.” Ilo bar juon jekjek eoktak an COVID, bar juon sister ejitōn bōro ekar ba, “Ikar en̄jake ij aikuj akweļap ippān Irooj im taktō ro n̄an bar leļo̧k an ļeo pāleeō bar jidik iien.”
Ruo, ej akweļap ippād n̄an kōm̧m̧an Im̧ōn Ruwamāejet eo jikin jouj im ļap lowaan, eo kajjojo emaron̄ ippān doon, kōn lōn̄ ruum̧ n̄an aolep. Āinwōt rikaļoor ro an Jisōs Kraist, jej jon̄an wōt juon, kōn ejjeļo̧k rittā ak rutiej.
Aolep rej ruwainene n̄an itok n̄an kweilo̧k in kwojkwoj ko, kweilo̧k ko jet ilo Jabōt, im iien ikitōltōl ko.11 Jej kabun̄jar ilo kautiej n̄an ad Rilo̧mo̧o̧r, ļōmņak im kea kōn ro jet. Jej lo im kile kajjojo armej. Jej ettōn̄ dikdik, jijet ippān ro rej jijet make iaer, ekkatak etaer, kwaļo̧k kadkad in rioktak ro rekāāl, ro jeid im jatid rej bar ro̧o̧ltok, jiron̄ ro im likao ro, kajjojo ajri jitōn bōro in Būraimere.
Pijaik kōj make ilo jekjek eo aer, jej karuwaineneik ro m̧ōttad, rilotok ro, ro rej kab em̧m̧akūtok, kajjojo ro repoub kōn elōn̄ eddo ko aer rej irire kōn iien im itok limo eo aer. Jej būrōm̧ōj, lem̧ōņōņō, im jipan̄ im rie doon. N̄e jej likjab in kakūrm̧ool kōtmene ko ad repoļōmān im ekairir, jab kile, ekajet, ak kalijōkļo̧k, kajjojo iaad ej pukot jeorļo̧k bōd im kōm̧m̧an em̧m̧anļo̧k.
Juon baam̧le jān Africa kiiō rej jokwe ilo Amedka ekar ba, “Jān raan eo jinoin tata, ro uwaan Kabun̄ in rekar jouj im karuwainene. Aolep rekar kōm̧m̧an bwe āinwōt kōm̧ ej pād ijo jikūm̧. Ejjeļo̧k rekar reilaļļo̧k n̄an kōm̧.” Eo jemān ekar ba, “Baibōļ Kwojarjar ej katakin kōn leen ko an gospel eo rej itok jān okar in gospel eo.” “Im mijenede ro,” eo jinen im jemān raar ba, “kōm̧ kōņaan bwe ļaddik eo im leddik eo nejim ren rūttoļo̧k āinwōt mijenede ro.” Ro jeiū im jatū, jen kajjojo karuwaineneik aolep n̄an Im̧ōn Ruwaimejet eo Im̧ōn.
Jilu, ilo Im̧ōn Ruwaimejet eo Im̧ōn jej ekkatak kōn weppān ej ilo Jisōs Kraist, jab ilo weppān eo an laļ in. Jab m̧ool im jab kile eo, laļ in ej watōke “ebwe an m̧ool n̄an kwaļo̧k instagram” eo ekar joļo̧k m̧ool eo kōn apan̄ ko emaron̄ kōm̧m̧an bwe jen likjab, kōjbwebweik jān, kōmālim ak jaab an juon armej. Ilo keidi, ad Rilo̧mo̧o̧r, Jisōs Kraist, ejeļā kōn aolep men ko kōn kōj jejjab kōņaan bwe jabdewōt en jeļā kōn kōj, im E ekab iakwe wōt kōj. Gospel eo An ej letok ruo im jilu ad iien ko, kar kapidodoik jān katok in pinmuur eo An.12 Ej kajjitōk ippād kajjojo n̄an erom juon Risamaria em̧m̧an, edik ekajet im eļapļo̧k jeorļo̧k ad make bōd im an doon, em̧ool ilo ad kajjieon̄ kōļapļo̧k ad kōjparok kein ko An.
Jej jipan̄ kōj make ilo ad jipan̄ ro jet. Juon baam̧le ijeļā raar jokwe epaake juon iaļ epoub. Ritotak ro emakijkij aer kar bōjrak n̄an kajjitōk jipan̄. Ilo juon jibbon̄ tata baam̧le eo kar ron̄ juon kōļļaļļaļ eļap ilo kōjem eo aer. Kar m̧ōk im inepata wōn enaaj kar ilo pād 2:00 jibbon̄, raar kejōkļo̧kjeņ eļan̄n̄e, menin wōt, ebar wōr juon emaron̄ in jipan̄. Ke kōļļallal eo ekar waanm̧aanļo̧k, rekar ron̄, “Kijeek—ewōr juon kijeek ilo tulikin im̧ōņe im̧ōmi!” Risameria ro Rem̧m̧an rej jipan̄ doon.
Emān, ilo Im̧ōn Ruwaimejet eo jej erom m̧ōttan juon jukjuk in pād in gospel eo ej pedped wōt ilo Jisōs Kraist, jumemej ilo m̧ool eo kōjepļaaktok, rikanaan ro remour im rijilōk ro, im bar juon kallim̧ur kōn Jisōs Kraist—Bok in Mormon eo. Ej bōkļo̧k kōj n̄an Im̧ōn Ruwaimejet eo Im̧ōn im barāinwōt n̄an im̧weo Im̧ōn—tampeļ eo ekwojarjar. M̧weo im̧ōn Irooj ej juon jikin ijo, āinwōt em̧m̧aan eo ekar ikinejnej ilo iaļ eo n̄an Jedko, Risamaria eo Em̧m̧an emaron̄ karreoik im kanuknuk kōj, kōpooj kōj n̄an bar ro̧o̧l n̄an im̧aan mejān Anij, im kobaik kōj indeeo ilo baam̧le eo an Anij. Tampeļ ko rej peļļo̧k n̄an aolep ro rej mour kōn gospel eo An kōn tōmak im pokake.
Lem̧ōņōņō in tampeļ ekoba juon wōt ilo gospel eo ilubwilijin oktak in jolet ko ad, m̧anit ko, kajin ko, im epepen ko. Ilo iien rupe bwidej eo n̄an Taylorsville Utah Tampeļ eo, Max Harker 17-iiō-dettan ekar kwaļo̧k juon bwebwenato in tōmak an baam̧le eo ekar ijjino jiljino epepen ko m̧oktaļo̧k jān jim̧m̧an-jim̧m̧an-jim̧m̧an-jim̧m̧an Joseph Harker im lio pāleen, Susannah Sneath. Ilo gospel eo kōjepļaaktok an Jisōs Kraist, jemaron̄ kajjojo erom juon ekkejel ekajoor ilo epepen ko an baam̧le eo ad.
Āliktata, ļalem, jej lem̧ōņōņō bwe Anij ej iakwe ajri ro Nejin ilo oktak in bwebwenato in mour ko ad im jekjek ko, ilo aolep laļ ko, bwij, im lo, kōn ruum̧ ilo Im̧ōn Ruwaimejet eo Im̧ōn.
Ilo iiō ko 40 remootļo̧k, ro uwaan Kabun̄ in eļapļo̧k aer eddōkļo̧k ilo aolepān laļ in. Jān 1998 eo, elōn̄ļo̧k ro uwaan Kabun̄ in raar mour itulikin jān itulowaan United States im Canada. Iturinļo̧k 2025, jej kōtmene an lōn̄ in an ro uwaan Kabun̄ in maron̄ mour ilo Latin Amedka āinwōt ilo United States im Canada. Aiintok doon eo an ro bwijjin Jemed Liai retiljek ej kakūrm̧ool kanaan eo. Armej ro Rekwojarjar retiljek, ekoba bainier ro, ekab de juon unjen wujlepļo̧k im jerbal in jipan̄ n̄an ro retiljek ilo Kabun̄ in aolepān laļ in.
Barāinwōt, elōn̄ wōt iaan ro uwaan Kabun̄ in rūtto kiiō rejjab m̧are, emej pāleen, ak jepel. Ej juon oktak eo eļap. Ekoba eļapļo̧k jān jimettan in kōrā ro ilo Doulul eo an Kōrā ro im elōn̄ļo̧k jān jimettan in em̧m̧aan ro rōrūtto ilo priesthood eo. Ekar baj wōt āndein ilo aolepān laļ in ilo Kabun̄ in jān 1992 eo im ilo Kabun̄ in ilo United States im Canada jān 2019 eo.
Ad jutak im̧aan Irooj im Kabun̄ eo An ejjab aorōk jekjek in m̧are eo ad ak kōn erom tiljek eo ad im rikaļoor ro reperan an Jisōs Kraist.12 Rūtto ro rekōņaan bwe jān loe er āinwōt rūtto ro im bwe ren eddo im jipan̄ āinwōt rūtto ro. Ro rikaļooran Jisōs Kraist rej itok jān aolep jikin, ilo aolep jekjek, dettan, hue, im iiō, kajjojo kōn tōļan ko, ikdeelel jim̧we, im maron̄ ko rekanooj eļļap n̄an kōjeraam̧m̧an im jerbal. Jej kappukōt raan otemjej n̄an ļoor Jisōs Kraist kōn tōmak n̄an ukweļo̧k14 im lan̄lōn̄ eo indeeo.
Ilo mour in, jet iien jej kōttar Irooj. Jemaron̄ jan̄in de pād ijo jej kōjatdikdik im kōņaan pād ilo ilju im jekļaj. Juon sister eo ewujlepļo̧k ej ba, “Tiljek kōttar Irooj n̄an kōjeraam̧m̧an ko ej juon jerbal ekwojarjar. Ejjab aikuj tōpare kōn būrom̧ōj, kōnōbarbar, ak ekajet bōtaab ijello̧kin kōn jeļa ņae ekwojarjar.”15 Ilo tōre in, jej mour kiiō, jab kōttar an mour jinoe.
Aiseia ej kallim̧ur, “A ro rej kattare Jeova renaaj kōkāāl aer kajoor; renaaj jepeḷālōn̄ḷọk kōn peir āinwōt igōl ko; renaaj ettōr im jab ṃōk; renaaj etetal im jab parōk.”16
Risamaria eo Em̧m̧an ej kallim̧ur enaaj bar ro̧o̧ltok. Menin bwilōn̄ ko rej waļo̧k ilo ad kea kōn doon āinwōt E. N̄e jej itok kōn bōro ko rerup im jetōb ko rettā,17 jej lo ainikien ilo Jisōs Kraist im kar jepool ilo pā ko raenōm̧m̧an Pein remeļeļe.18 Kain̄i ko rekwojarjar rej letok bujen eo an uwaan im “kajoor āinwōt anij”19 n̄an kōkwojarjar kōttōpar an ilowa im jerbal eo itulik. Kōn An iakwe ejouj im kōmmaanwa, Kabun̄ eo An ej erom Im̧ōn Ruwamājete eo im̧ōd.
Ilo ad kōm̧m̧an ruum̧ ilo Im̧ōn Ruwamāejet eo Im̧ōn, karuwainene aolep, ad Risameria eo Em̧m̧an enaaj kōmour kōj ilo iaļ ko ad rebūn̄aln̄al. Kōn iakwe eweppān “aenōm̧m̧an ilo laļ in, im mour indeeo ilo laļ eo ej itok”20—“bwe ijo Ij pād ie kom̧ naaj pād ie.”21 Ij kammoļol rikam̧ool im kam̧ool ilo ekwojarjar im et eo ekwojarjar etan Jisōs Kraist, amen.