Klikiid el Klemerang, Klikiid el Osisechakl, me a Klikiid el Chedaol Ocholt
A kulengit me mrelii tial ongdibel el taem el meral mesuub a klumech el mla er a Rubak lokiu a Remesiungel.
Kemiu el rodam me a rodos er ngak, ak mengemedaol er kemiu el mei er a klou longdibel! Ng klou el deureng el kubengkemiu! Kom blechoel di ngara uldesuek er a ikal mereko lelolem el buil. Ak mla ngara nglunguuch el kiriue bedul kemiu. Aika el mereko el sandei e a kmal mle blak a renguk el meluluuch me tial longdibel er chelechang bol taem er a chedaol ocholt me a omelbedebek er tirkel rokui losiik aikaikid el klengeltengat.
Ng dmeu a rengmam el luueta el me er tial Conference Center e mengedecheduch er kemiu. Oumesingd er a kingall a melemolem el bechachau, eng di a rebebil er a rechedal a Tabenacle Choir el nga er tiang a rulii meng klebokel el bakes el bedul uchei. Aki mengemedaol er kemiu el rokui el me er tial ongdibel lokiu a melidiul, er a ikel omngarngii.
Kede dirke melemolem el ngara chelsel a mekngit el secherel a COVID-19 me a bebil er a teletelel. Aki mereng a suliu loltirakl a tekingam me a tekingir a resemmong er a ukeruul me a remengeteklel a kabelment er a belumiu.
Kede me kebetech er a bek el meklou longdibel lultuil a tekingel a Rubak. 1 A teletelel a mengedengodech er aika le mereko el rak. Sera ksal dirke kekerei, e a meklou longdibel a mle edei el mo eua el klebesei. Uriul, eng milkesadel el mo eru el klebesei. A bek el klumech—er sei el me lmuut er chelechang—a kmal di ultuil er a nglunguuch me a chedaol omengedmokl.
A re General Authorities me a re General Officers er a Ikelesia el mo mengedecheduch a kmal di ngmai a moktek er a klemechir el bedul Osobeled, el Jesus Kristo, klechubechub er Ngii, me sel Klisichel lolsobel. Ng dirkak er a reksi er a beluulechad el klemedengei el kirel Osobel a kmal imis el mla mo klou a ultutelel el mo er a dersta el chad. Ka momtab er a rechedel a meringel mondai er a beluulechad el rokir—me a ikel ngara klengar er a dersta er kid—el mo mesmechokl omko kede rokui el melilt el mo oltirakl er a Jesus Kristo e olngesenges Osischeklel.
Ngokiu tiaikid el reng, e ak siotai er kemiu el mo orrenges a kldei el tekoi er tial longdibel: klikiid el klemerang, klikiid el osischeklel a Kristo, me a klikiid el chedaol ocholt. Me ngultok el mo er tirkel bebil el rrau a rengrir, eng meral ngarngii a tekoi el ungil me a mekngit. Ng meral ngarngii a meral klemerang—el diak a ulebengelel klemerang. A ta er a secherel chelechal sils a tiakid te mekesai el chad a medengei el kmo te metik er a klemerang er ker. 2 A kmal subedemiu el kmo aikel bo mrenges er a chelechang me a klukuk a mui er a klikiid el klemerang.
A klikiid el osischeklel a Kristo a mesisiich! Ngmodech a klengar er a rokui el chad el tir a medengelii e osiik el mo oltirakl er ngii er a klengar tir. A osischeklel a Kristo a ngosukid el mo metik e melemolem el ngara rolel a telbiil. A dolemolem el ngara sel chibutek eng di ng bleketakl el rael a ngoikid el mo ngmai aikel rokui lolab a Dios. 3 Ng diak a ngera el muut el klou a belkul er a ikel rokui lolab a Chedam!
A ulebongel, a klikiid el chedaol ocholt el kirel a ker er a rengum a mo rulii tial ongdibel el ngarngii a belkul e diak mobes er ngii el tekoi. A lsekum eng dirkak mosiik er a Chedaol Reng el mo ngosukau el remenges aikel soal a Rubak omrrenges er a ika el eru el klebesei, e a kulengit me bo moruul er ngii er chelechang. A kulengit me mrelii tial ongdibel el taem el mo meral mesuub a klumech el mla er a Rubak lokiu a Remesiungel. Mosuub el mo oltirakl er a klengar kemiu.
Tiaikid aIkelesia er a Jesus Kristo er a Uriul-klebesei el Santo. Kid a Ngelekel er a telbiil. A Rubak a mla dmu el kmo Ngii a mo orreched er a Urerel er sel temel, 4 me Ngii a meruul uaisei loleached er ngii. Kede ngeltengat el telengtengil tial chedaol Urerel.
A kudersii a klengeltengat el mo er tirkel rokui el tir osiik er a ngarbab el llomes, klemedengei, me a klemerang. A kuchotii a beltkil a renguk el mo er a dersta me a dersta er kemiu, el ngara chedaol ngklel a Jesus Kristo, amen.