![](https://www.churchofjesuschrist.org/imgs/https%3A%2F%2Fassets.churchofjesuschrist.org%2Fd1%2F3a%2Fd13ad349ce757c0864038cf334401407ec141e5f%2Fd13ad349ce757c0864038cf334401407ec141e5f.jpeg/full/!250,/0/default)
Klechubchub el Ngara Osobel
A olchotel klechubechub el kirir a rebebil a klou a ultutelel er a chelsel a ebangkelio er a Jesus Kristo.
A ta er a kmal bleketakl el osisecheklel a Osobel er a Temel el olisechakl er a beluulechad a sel omerelled el mo er a rebebil el oba klechubechub. Me bo domtab er tia el osisechakl me a omerellel el okiu a odngelel a Jesus er a blil a Simon, el ngii a Pharisee.
A Osisecheklel a Lukas a ouchais er a ta er a redil, el ngii a mla er a klengit, el siliseb er a bil a Simon e a Jesus a mla er ngii. Loba ngariou louuchel reng, e ngika el ekebil a mlo er a Jesus, e merisou Ochil lolab iuosech er a medal, e ngilemed el olab a cheiul, e tmungel e chemilt er a tokubets el chilt. 1 Ngike el ansing el omtebechel, el ngii a ulemes er ngii el ngar er bab er ngika el redil, a mle telord e uleltuub el ulemdasu el kmo, “Ngka el chad, a lsekum e ng mle profet, a mle medengei el kmo ng techang e uangerang a teletelel ngika el redil el rirtechii: e le ngii el ngara klengit.” 2
Tia el omerellel ngika el Pharisee el leko ng imong-el-chedaol a mlo uchul e ng millenguul er a Jesus me ngika el redil. Eng di ngara rokui el klemedengei er Ngii, a Osobel a mle medengelii a uldesuel a Simon, nguleba llomeselreng, e ng ulemtok er a mekurt el rengul a Simon, e ulmeklatk er ngii er a diak el delodau el omerellel el kirel a tokubets el okiaksang el uaia Osobel el mera blil. E klemerang, a mle bleketakl el ngerrelel el mo er a Pharisee a olechotel el kmo a Jesus ngii a oba sengk er a omlaoch e ngika el redil, el oba delemedemek e ngariou el reng, a uleuuchel a rengul meng uluusubes a kngtil. 3
El uaia betok el bebil er a tekoi el mlokdubech er a chelsel a temel a Jesus el olisechakl er tia el beluulechad, tia el cheldecheduch a ochotii el kmo a Osobel a chubechub el ouedikel el kirir tirke el tir a mei er Ngii—el diak a klekakerous er tir—e lmuut el tang el kirir tirke el mera el ousbech er Ngii. Sel ouuchel el reng me a kuoll el beltikelreng el mlocholt er a Jesus er ngike el redil a olechotel a merang el rengul el ouuchel me sel el urungulel el mousubes a kngtil. E ng di, sel el ngar er bab el rengul a Simon, el obengkel a kldidai el reng, 4 a tirrebengii el mo olecholt a klechubechub el mo er a ouuchel el reng, e dirrek el ulemes er a Osobel er a beluulechad el diak el omekerreu me a lechub e ng mle beot a rengul. A blekerdelel a ulechotii el kmo a klengar er ngii a uaia di le ble le meringel a tekingel e olengesonges er a llach me a ultebengel er a loumerang el tekoi el okiu a ngar er bab el reng me a diak el klemerang el chedaol. 5
Se el klechubechub e osisecheklel a tang el mlara Jesus er tia el cheldecheduch a ochotii a cherrungel el teletael el kmo kede mekerang a dongedecheduch er a rebebil er kid. A chedaol llechukl a ngar er ngii a kmal betok el okesiu el kmo ng mekera ea Osobel, el okiu a dmolech e lobang el klechubechub, a le teloi er a rechad er sel Temel e lolengeseu er tirke el tir a mle chuarm e “diak lolechesuar, e berberriid er cheroid, el uaia sib el diak a mengkerengel.” 6 Ngii a uleldars er a klechubechub er Ngii el mo er tirke el tir a ngesool er a chelngellir, er a bedengir me a dirrek el chedaol tekoi er a rengrir. 7
Tia el klechubechub el blekerdelel a Jesus a uldalm er a bliochel el beltik el reng, 8 el dirrek el okedongall, er a klikiid e cherrungel el Beltkil a Rengul, el ngii a tebechedel se el Tngakireng er Ngii. A klechubechub el omeruul a ta er a kmal klou a ultutelel el omerellir tirke el tir a melasm el mo klikiid, e moak el obengkel a bebil er a blekerdelir a re Kristiano el ngara klengit el reng el obengterir tirke el tir a ngara klengit el reng el oba omelechesiu, chubechub, me a blekokuii. 9 Sel olechotel a klechubechub el mo er a rebebil, a mera er ngii, a reng er a ebangkelio er a Jesus Kristo e dirrek el olechotel a chedaol klengar er kid me a omelechesiu er kid el kmeed er a Osobel. Dirrek el tang, ng olechotel a dauch er a klisichel er a klechad er kid e olechotel a klungel a rengud.
Ng klou a belkul el domtab el kmo a klechubechub el omerellel a Jesus a dimlak di le derstang me a lechub e lorechudel el tekoi el kirel mekedmokl el ultuil er a blechebechel a kedmekill el tekoi ng bai olechotel a klemerang er a klikiid el Beltkil a Rengul kirel a Dios me a Rengelekel me a ngarngii el Urungulel el olengeseu er tir.
A Jesus a mle sebechel el dmangch a ngelsengesir a rechad er cheroid. Uaisei, ng diak el mechas a rengud, el ua, sel uriul er a lomekungil er a ta er a mesinguel a centurion, 10 a Jesus a milrael er a Capernaum el mo er a beluu el ngklel a Nain. Ng mla er sei e a Jesus a kildmeklii a ta er a kmal el meang el ongasireng er a chelsel a Osisecheklel er a beluulechad se er a le dula er a mla mad el ngeasek el sechal, el di ngii el ta el ngelekel a mla melakl el chedil, el kmo bekiis el mo ngar. A Jesus a dimlak el dil lomelechesiu er sel meringel el ongarm er ngika el chebuul el chedil ng dirrek el sel chetituokel el klengar er ngii, el rirellii me ng kmal mlo chubur. 11
Osisiu el uai ngike el mla er a klengit el redil me a dirrek el mla melakl el dil er a Nain, betok el chad el ngara delongeled a osiik a ongelaod, odingel, mo uldimukl, me a ngidi el ngesou el kid a sebeched el odars el mo er tir. Kid el rokui a sebeched el mo dongu er a chimal a Rubak e mo chubchubchad el kirir tirke el tir a ngesool, el uaia aike el riruul a Jesus.
Ak medengelii a kekerei el redil el ngii a milechell el smecher el teloi a ngerel. Ngii a mlo kirel el mo er a kot er a betok el botk er a ongeru el sils er a klengar er ngii. Ng ulekrael er a delemedemek el klechubechub el kirir tirke el tir a ngara chouai tia el ringel, ngika el ngeasek el dil me a rechad er a blil a ulsiik el mo olengeseu, melai a klemedengei, e olengeseu el omekduch a reng el mo er a rebebil el chemau aika el chetituokel el teletael. Te uluuchais, el ngara omelkingir: “Ng okiu a ringelel a ngelekam, e ng mlo er ngii a techellam el mo medengelterir tirke el tir a uluusbech a ongelaod, ngesou, me a dirrek el omengesuseu. A taem er a mla memong, ea ngelekam el redil, el ngii a mla mo 11 a rekil, a milngedecheduch er a roungalek er a tolechoi el mla er a cheuai tia el ongarm. Chelsel tia el cheldecheduch, e a ngelekam el redil lou mask le tial klou el secher a uchul a ngilbetii el di mle telkib me tirka el loungalek a mlo sebechir el mesa techall el kirir a rengelekir, ngii mesel dirk el kemangt a omerollel ngika el tolechoi el moungil er a chelsel a merael mei el sesel rak. Kede kmal mereng a saul er a techall el odars a domelechesiu el mo er tirkel ngara ringel, el uaia loruul a Osobel el me er kid. Kede melechesuar el mo kebekall er a ringel sel bek el team el de ngosouir a tang el ngara ringel.”
Mekreos er a renguk el sechelik, se el ngar er ngii er a rengud el melasem el oba klechubechub el blekeradel er a chelsel a klengar er kid, el ngii a mlocholt er a Osobel, e kid a mo melechesuar a ngelsengesir a rebebil. Sel rengud el ungil melechesuar, el meral soad a rengud el meruul loba beltikelreng a mo oberek er a rokui el doruul. A Rubak a momes a duch el reng er kid el melasm, e kid a mo mukngeltengat er a techall el mo dongu er a Chimal el mo melemedemek a rengrir e oldoseb er tirke el “mla mo chuarm.” 12
A omellach er a Jesus el mo er a Simon el ngii a Pharisee a dirrek el milketeklii el kmo kid meng diak el kired el meruul a meringel e oltuub el omeruul el mo er a rebebil er kid, e le kid el rokui a ousbech a klaumedengei me a klechubechub el mo er a ike el ngelsengesed er a oubeltikelreng el Demad er Babeluades. Tiang diak el osisiu el uaisei el Osobel a ulsisechakl el kirel er a ta er a taem el lulekoi, “E ngera ma uchul e kau a oltelechakl er a ngara medal a ta er kau, e diak molechesuar a chieb el ngara medam?” 13
Ng kired el mo melatk el kmo ng diak el beot el dodengei a rokui el teletael el ngii a mo uchul a blekerdelel me a teletelel a tang. A osenged er a chad a sebechel cheleuid e blechoel el diak el meral lochotii sel meral omerellel a chad. El kakerous er kau me ngak, a Kristo a sebechel ungil mes a rokui el techetechel a bek el tekoi. 14 E uaisei el Ngii a medengei a rokui el klitechetud, a Osobel a diak el bo le kelebsengid ng bai melemolem el oureor el obengked el oba klechubechub er a cherrengelel a taem, el olengeseu er kid el mo melai a chieb er a medad. A Jesus a blechoel el omes er a chelsel a rengud, ng diak el blebelel a chad. 15 Ngii a millekoi, “Lak morritel el kirel a teletelel a tang.” 16
Chelechang, bo molatk er a omekllomes el omellach er a Osobel el mora re teruich me a re terung el oltirakl el Nephite el okiu tia el ker:
“E modengei el kmo kau a mo merritel er tirka el chad, el okiu sel omerritel el ngak a mo meskau, el ngii a mo melemalt. Ma leuaisei, ngerang el teletelel a chad a kiriu el mo uaingii? Me ak dmu er kemiu el kmo, ko mo uai Ngak.” 17
“El uaisei ak mong me kau a mo cherrungel el di uai Ngak, me a lechub e ng Demam el ngara babeluades el ngii a cherrungel.” 18
Tia el omelekoi, e a Rubak a mo kudmokl a omerritel el mo er tirke el tir a merritel er a ngelsengesir a rebebil el diak el ngara melemalt el teletelel. Di ta el rolel el bo el sebeched el ungil merritel, e ng kired el melasem el mo uaia Osobel e omes er a ngelsengesir a redesta el oba klechubechub, el dirrek el okiu a Osengel. El uaisei el kmo kede kmal dirk cheroid er a mo cherrungel, ng locha dirrek el ungil el bo de dengchokl er bita er a ochil a Jesus e dolengit er a klechubechub el kirel a ngelsengesed, el uai ngike el mle ouuchel a kngtil el redil er a blil a Pharisee, e lak dongoit a klou el temed me a klisiched el omes a ngelsengesir a rebebil.
Betik er a renguk el resechelik, ak olecholt er a klaumerang er ngak el kmo se el dolasem el meruul a okesiul a Osobel el kirel a klechubechub er a chelsel a klengar er kid, e a ultikilled el mo chotengakl a kldung er a retonari er kid a mo ngosechekl e a se el blekerdeled el mo meritel er a rebebil el kirel a ngesengesir a mo kekerei. A nglunguched el obengkel a Dios a mukeroul, e a bleketeklel a klengar er kid a mo tabesul, me a rengud a mo medemedemek, e kid a mo metik er a diak a-ulebengelel el uchul a deureng. Kid a mo okedongall el chad er a budech, 19 el omelekinged a medemedemek el ua nguches er a tutau.
Ak meluluuch el kmo me kid bo de blechoel el kemanget el ngara ringel e bo dungil medengelterir a rebil er kid me a klechubechub er a Rubak, me a cherrungel el delmedemk el reng, bo el longellakl a kedeb el rengud er a chelitecheterir a rebebil. Tia a siotai er a Osobel el merkid. Ak kuuchais el kmo Ngii a ngar. Ngii a kot el cherrungel el okesiul a chubechub e ngar er a klloureng el chad el oltirakl. A kulecholt er a klaumerang er ngak el kirel aika el klemerang loba ngklel a Jesus Kristo, amen.