M̧weiuk eo Eļaptata
Kajjojo iaad ej itok n̄an Kraist kōn kallim̧ur eo eban oktak n̄an gospel eo An.
Jeje ko rekwojarjar rej kōnono kōn juon rim̧weie edik eo ekar ettōrļo̧k n̄an Jisōs, bukwelōlō im̧aan Neen im, kōn juon m̧ool em̧m̧an, kajjitōk ippān Master eo “Ta eo in kōṃṃan bwe en aō jolōt mour indeeo?” Ālkin etale juon laajrak aitok in kien ko likao in ekar tiljek ilo kōjparoki, Jisōs ekar jiron̄ em̧m̧aan eo n̄an wia kake aolep m̧weiuk ko m̧weien, leļo̧k tōpran jāān ko n̄an rijeram̧ōl, bōk an debwāāl, im ļoor E. Kajoor in kean̄ in ekar kōm̧m̧an an rim̧weie eo edik—kōjekdo̧o̧n ewi jon̄an an maron̄ wia jabdewōt men—ekar leļn̄o̧n̄, im ekar ilo̧k būrom̧ōj kake kōnke, jeje ko rekwojarjar rej ba, “bwe e elōn̄ m̧weien.”1
Ealikkar, menin ej juon bwebwenato in kakkōl aorōk kōn kōjerbal m̧weie im aikuj ko an rijeram̧ōl. Ak āliktata ej juon bwebwenato kōn wujlepļo̧k em̧m̧an, ejjeļo̧k eņņojak n̄an eddo eo ekwojarjar. Kōn ak kōn jab m̧weie ko, kajjojo iaad ej itok n̄an Kraist kōn ejja kallim̧ur eo wōt ejjab oktak n̄an gospel eo An me kar kōtmene jān likao in. Ilo naan eo an jodikdik in rainin, jej aikuj kwaļo̧k kōn kōj make “jeļo̧k kōm̧tālik.”2
Ilo ļōmān jekjek in an kōnono ememej an, C. S. Lewis pijaik an Irooj ba n̄an kōj juon men āinwōt in: “Ijjab kōņaan … iien eo am̧ … [ak] jāān ko am̧ … [ak jerbal eo am̧ [ āinwōt jon̄an eo] Ij [baj] kōņaan Kwe. [Wōjke jab eo kwoj jōke.] Ijjab kōņaan jōkļo̧k juon ra ijin im juon ra ijuweo, ikōņaan … aolepān [men] eņ en jako. [Im n̄i jab eņ.] Ijjab kōņaan deel [i], ak crown i, ak [karpen] e. [Ikōņaan] bwe en tūm̧. [Ilo m̧ool, ikōņaan bwe kwon] letok [n̄an eō] aolepān lukkuun paotok eo am̧ make. … [Im] inaaj lewaj n̄an eok juon make eo ekāāl ijello̧kin. Ilo m̧ool, inaaj lewaj n̄an eok N̄a make: ankilaō … enaaj erom [am̧].”3
Aolep ro rej kōnono ilo kweilo̧k in eļap renaaj aolep ba, juon wāween ak bar juon, ta eo Kraist ekar ba n̄an likao in em̧weie: “Itok n̄an ippān ami Rilo̧mo̧o̧r. Lukkuun itok im kōmaatļo̧k būruōm̧. Bōk am̧ debwāāl, jekdo̧o̧n ewi eddo in, im ļoor E.”4 Renaaj ba menin jeļā bwe ilo aelōn̄ in kiin̄ eo an Anij, eban wōr jimattan jon̄ak ko, ejjeļo̧k ijjino ak bōjrak, ejjeļo̧k jen liktak. N̄an ro me raar kajjitōk mālim n̄an kalbwin eo jinen ak jemen ak dik tata ba bar iakwe n̄an ro jet uwaan baam̧le eo, uwaak eo an Jisōs ekar aikuji im ejjeļo̧k jon̄an. “Likūti n̄an ro jet,” Ekar ba. “Ejjeļo̧k armej ekkar n̄an aelōn̄ in Anij, eļan̄n̄e ej likūt pein ioon plau, im oktaklik.”5 N̄e kajjitōk ippān kōn men ko repen, jekdo̧o̧n men ko rejum̧ae ikdeelel ko an būruōd, keememej bwe an m̧ool ad kallim̧ur n̄an jerbal eo an Kraist ej men aorōk tata an wujlepļo̧k eo an mour ko ad. Men̄e Aiseia ej bar jiron̄ kōj bwe ewōr “ijjeļo̧kin m̧ani im ijjeļo̧k oņān”6—im ej—jej aikuj in pojak, kōjerbal kout eo an T. S. Eliot, n̄an bōk eo wōņāān “en jab dikļo̧k jān aolep men.”7
Aaet, ewōr ippād aolep jet iminene ko ak irļo̧k ko ak bwebwenato an juon make me remaron̄ dāpij kōj jān kobaļo̧k ilo jetōb edipio ilo jerbal in. Bōtaab Anij ej Jemed im elukkuun em̧m̧an ilo jeorļo̧k bōd im meļo̧kļo̧k jerawiw ko jaar julo̧k, bōlen kōnke jej liļo̧k n̄an E ekanooj ļap kaminene ilo kōm̧m̧ane āindein. Ilo jabdewōt jekjek, ewōr jipan̄ ekwojarjar n̄an aolepād wōj kajjojo ilo jabdewōt awa jej en̄jake n̄an kōm̧m̧ane juon oktak ilo m̧wilid. Anij ekar leļo̧k n̄an Saul “juon būruo ekāāl.”8 Ezekiel ekar kūr ioon aolep Israel in etto eo n̄an joļo̧k iien ko etto aer im “kōm̧anm̧an … juon bōro ekāāl im juon jetōb ekāāl.”9 Alma ekar kūr n̄an juon “oktak ekajoor”10 bwe en kōm̧m̧an bwe jetōb eo en ļapļo̧k, im Jisōs Kraist make ekar katakin bwe “eļan̄n̄e armej ejjab bar ḷotak, e jāmin lo aelōn̄ in Anij.”11 Ealikkar maron̄ eo n̄an oktak im mour juon ilo juon jon̄an eutiejļo̧k ekar aolep iien juon iaan menin letok ko an Anij n̄an ro rej kappukōt e.
Ro mōtta, ilo iien eo ad kiiō jej lo aolep jepeļļo̧k in armej ro im jepeļļo̧k in kumi ko, kumi ko im kumi ko reddik ilo kumi ko, kumi in armej ro rej mour kōn wāween mour eo raan kein im kalikkar er āinwōt ro rej iiaio ilo kien, kōn eļapļo̧k jān men ko n̄an tōpar aikuj ko an aolep. Jemaron̄ kajjitōk ippād make eļan̄n̄e juon mour “eutiejļo̧k im ekwojarjarļok”12 n̄an naan eo an Būreejtōn Russell M. Nelson, ej juon men jemaron̄ pukōte? N̄e kōm̧m̧ane āindein, enaaj em̧m̧an ad kōm̧m̧ane n̄an keememej bwe tōre in iien eo ekabwilōn̄lōn̄ ilo Bok in Mormon eo me armej ro raar kajjitōk im kar uwaake kajjitōk eo kōn eļap errā.
“Im ālikin men kein eaar jab wōr akwāālel ilubwiljin aolep armej ro, ilo aolep āneo … kōnke iakwe eo an Anij eo eaar pād ilo būruōn armej ro.
“Im eaar ejjeļo̧k juunm̧aad ko, ak akwāāl ko, … jabdewōt wāween m̧ōm̧ an kanniōk; im em̧ool eaar ejjeļo̧k bar armej rem̧ōņōņōļo̧k ilubwiljin armej ro otemjej kar ejaak jān pein Anij.
“Eaar jab wōr riko̧o̧t ro, ak riuror ro, im eaar ejjeļo̧k riLeman, ak jabdewōt; riAelōn̄; a raar juon, ro nejin Kraist, im rijolōt e aelōn̄ in Anij.
“Im ekōjkan aer kar jeraam̧m̧an!”13
Ta ki eo n̄an mejaļļo̧k in ilo bun̄ bōro, mour m̧ōņōņō? Em̧ōj kōddāpe ilo jeje eo an juon jāntōj: “Iakwe eo an Anij … eaar pād ilo būruōn armej ro.”14 N̄e iakwe eo an Anij ej jino kiltōn eo n̄an mour ko ad, n̄an jemjerā ko ad n̄an doon im āliktata en̄jake eo ad n̄an aolep armej, innām oktak in etto ko, naan ko kōjerbal n̄an kumi in armej ro, im jepeļļo̧k ko kōm̧m̧an in armej rej jino makunļo̧k, im aenōm̧m̧an ej ļapļo̧k. En̄in ej lukkuun ta eo ekar waļo̧k ilo waanjon̄ak eo ilo Bok in Mormon eo ad. Eaar ejjeļo̧k Rileman ro, ak Rijekab ro, ak Rijosep ro, ak Rizoram ro. Ekar ejjeļo̧k juon “riaelōn̄ ko” n̄an jidik. Armej ro raar bōk ioon juon piktok āinjuon. Raar aolep, ej ba, kar jeļā kajjier āinwōt “ro nejin Kraist.”15
Aaet, jej kōnono ijin kōn kien eo m̧oktata im eļap tata kar letok n̄an baam̧le eo an armej—n̄an iakwe Anij ilo bōro m̧ool, ilo ejjeļo̧k kōdāpdep ak errā, bwe ej, kōn aolepān būruōd, maron̄, ļōmņak, im kajoor.16 Iakwe in an Anij ej kein eo m̧oktata ilo laļ in. Bōtaab m̧ool eo eļap m̧oktata ilo laļ in ej bwe Anij ej iakwe kōj ilo lukkuun wāween eo—bōro m̧ool, ilo ejjeļok kabbōjrak ak errā, kōn aolepān Būruōn, maron̄, ļōmņak, im kajoor. Im n̄e kajoor ko rekabwilōn̄lōn̄ jān Būruōn im būruōd rej koba ilo ejjeļo̧k kabbōjrak, ewōr juon ļapļo̧k em̧ool an jetōb, kajoor jim̧we. Innām, āinwōt an kar Teilhard de Chardin je, “n̄e alen kein karuo [eo] ilo bwebwenato eo an laļ in, armej enaaj aikuj in lo kijeek eo.”17
Innām ej, im lukkuun in iien eo wōt, me jemaron̄ kōjparok ilo lukkuun jetjet kein eo kein karuo eļap ilo wāween ko me rejjab pijpij ak waan. Eļan̄n̄e ebwe ad iakwe Anij n̄an kajjieon̄ in lukkuun tiljek n̄an E, E enaaj letok n̄an kōj maron̄ eo, dettan eo, kōņaan eo, im wāween eo n̄an iakwe ro rūturid im kōj make. Innām bōlen jenaaj maron̄ in bar ba juon alen, “im em̧ool eaar ejjeļo̧k bar armej rem̧ōņōņōļo̧k ilubwiljin armej ro otemjej kar ejaak jān pein Anij.”18
Ro jeiū im jatū, ij jar jenaaj eļļāļo̧k jān ijo rim̧weo eo edik ekar likjab ie, bwe jenaaj bōk debwāāl eo an Kraist, mekarta jon̄an aikuji emaron in , jekdo̧o̧n ta apan̄ eo im jekdo̧o̧n ta jon̄an wōņāān. Ij kwaļo̧k kam̧ool bwe n̄e jej kallim̧ur n̄an ļoor E, iaļ eo enaaj, juon wāween ak bar juon, eļļāļo̧k jān iaļ eo an juon kūraun elōklōk im juon debwāāl in Rom. Jekdo̧o̧n ewi jon̄an an m̧weie rikien eo edik ad kar, ekar ejjeļo̧k wāween n̄an e n̄an an kowaan aorōk eo an bōk Pinmuur eo an Rilo̧mo̧o̧r eo im aolep men ko renaaj kar meļeļe in n̄an mour eo an, im maron̄ bar kōj. Kōn kōjeraam̧m̧an ko n̄an bōk men eo eļaptata iaan aolep m̧weiūk ko—menin letok an mour indeeo—ej bwe jidik bwe kar kajjitōk ippād n̄an pād wōt ilo ļoor Pris eo Eutiej an Jerbal eo ad, Iju in Raan eo ad, Rijojomar, im Kiin̄ eo. Ij kam̧ool kōn jab kanooj jeļā eo an Amalek in etto eo bwe kajjojo iaad enaaj n̄an leļo̧k “aolep jetōb ko [ad] āinwōt juon katok n̄an e.”19 Jān kain kije in, wūjlepļo̧k edim jej al:
Nōbar toļ eo; Ij pād ioon:
Toļ eo an am̧ iakwe in lo̧mo̧o̧r. …
En̄in ej būruō, O bōke im liāp e;
Liāp e n̄an ijōko Jikūm̧ ilan̄.20
Ilo āt eo ekwojarjar etan Jisōs Kraist, amen.