Kahs in Paing
Kuht ahkfuhlwactye tuhlihk muhtwacn nuhtin God ke miting se inge ke kuht lohacng yohk nuhke elyah lalos ac elos suc oasr ke u lalos uh.
Ke kuht muhtwacwacack ke toeni luhlahp luhn muhtwacn uh, nga engan in tahfuh nuh suwos kahs in paing sin Prestuhnsi Se Met.
Toeni in Sactte lasr inge oasr kain in srihpac ac kain in mwet in intei ac lohng. Ke ekuh se inge kuht sifil pac sang nuhke ma mahtuh lasr ke kuht muhtwacwacack ke srihpac sasuc se ac ohiyac se inge nuhke pacl fahsruh uh. Wosasuc luhn Jisus Kraist tiacna eklac. Mwe lutlut ke wosasuc uh tiacna eklac. Olwelah lasr sifacna tiacna eklac. Tuhsruhktuh tukun yac ekahsr, toeni ma kuht oruh in fahkwelihk ke mwe fahkwack lasr uh eklac ac arlac kuh pac in tahfwelah na in eklac ke yac fasruh uh.
Ingena, toeni ke Sactte se inge sie ipin tuhkweni ke toeni luhlahp se inge, tiac ma ke kuhtwena u. Oacna miting ke toeni luhlahp nuhkwewa, plwacn, mwet sramsram, ac on uh ma oreklac sin Prestuhnsi Se Met.
Kuht siyaklah sel Prestuhn Jean B. Bingham, suc pa Prestuhn Luhlahp luhn Rilif Sosaity, in us miting se inge. Toeni in ekuhn Sactte ma ac orek ke pacl fahsruh uh ac kuh in kolyuck sin sie Mwet Kol ke Alu uh, pa nuhke mempucrs ke Rilif Sosaiti Prestuhnsi, ,Muhtwacn Fuhsr ac Primary, kunweyucki sin Prestuhnsi Se Met.
Oyekuh miting in ekuhn Sactte se inge ke toeni luhlahp se ac tuhfah som yohk nuhke elyah luhn muhtwacn ke Alu uh. Ma se inge ac oasr pac mwe lutlut ke Alu luhn Jisus Kraist luhn Mwet Luhlahlfongi ke Lwen-sahflah, masap ke Alu uh ma kuhpahsr nuhke muhtwacn, ac kunohkohn ac orekma luhn u ma oasr ma kunwacn ninac ac tuhlihk muhtwacn ke Alu uh. Miting se inge finne suhpweyuckwelihk nuh yen nuhkwewa oacna miting nuhkwewa ke toeni luhlahp uh, mwet in intei ma suliyuck in oasr nuhke Nien Toeni uh pa muhtwac yac 12 ac mahtuhyak. Oasr kuhtuh sin mwet kol ke pristut suc wi in karihngin ma wi tuhkweni se.
Ma se kuht ahkfahsrye inge ac fal nuhke inkacnek in sramsram ma oasr ingena nuhke ohiyacn kol ac mempucr ke Alu luhn Leum fin facluh. Mwe lutlut ke wosasuc luhn Jisus Kraist uh ma nuh sin mwet nuhkwewa, pwacnwacng pa ingacn srihpac yohk lasr ac ohiyac lasr in kihtaclihk pweng wo. Kuht ahkfuhlwactye tuhlihk muhtwacn nuhtin God ke miting se inge ke kuht lohacng nuhke elyah lalos ac elos suc oasr ke u lalos uh.
Kuht kuloh ke broadcast technology ma sang nuh sin mwet kol ke Alu uh in kol ip srihsrihkiyac ahkpah in akihlen mwet intei inge. Kuht oacyacpac paing pwacyeiyacn pac kapwack luhn ohiyac in forfor ingena uh. El lwelah kuht in suhpwaclah mwet kol ke Alu uh in kol ohsun in angwetacni ahkpah nuh ke ohiyac in kol ke acn se.
Pa inge orekma luhn Leum Jisus Kraist. Kuht mwet kuhlwacnsap Lal, kolyuck sin Nguhn Muhtahl Lal. Kuht fihliyac mwe insewowo luhn Leum nuh fin mwet kol ke u srihsrihk inge ac nuh sin muhtwacn ac tuhlihk muhtwacn luhlahlfongi nuhkewa suc kuhlwacnsuhpuh Leum ke u srihsrihk inge ac nuh ke moul lalos sifacna. Ke inen Jisus Kraist, amen.