Pa Inge Pacl se
Pa inge pacl se ma kuht kuh in lutlut uh. Pa inge pacl se ma kuht kuh in auliyak uh. Pa inge pacl se ma kuht kuh in ahkinsewowoye mwet sahyac uh.
Tamuhlwel ac tahmtahel sacohk wiyuck, toeni se inge akihlwenyucki ke kain in ohiyac puhkantwen. Ahkinsewowoyeyuck kuht ke pruhe, mwe fahkwack, ac on. Ahknuhnakyeyuck kuht sin mwet kuhlwacnsap luhn Leum.
Kuht eis kohkoh yohk srihpac nuh ke pacl fahsruh uh. Pruhe luhk pa Nguhn in sramsram suwohswohs nuh sum ke ma Leum El kena kom in oruh.
Pacl fahsruh uh tiac kahlwem pacl nuhkwewa. Puhluhn pacl uh ekyek. Inkacnek in sruh mani uh tiac kuh in palyeiyuck. Ma upac sikyak, srwacl, tahfonglac, ac mas kuh in ekuhllah moul uh ke pacl na sa. Ma inge ahluhkwelah kuhiyacsr tiac kuh in tulokihnyucki. Tuhsruhk oasr kuhtuh ma kuht kuh in tilokihn, weacng lah kuht ac sis pacl lasr fuhkah ke kais sie lwen uh.
Nga luhngse poem se ma sihmlac sel Henry Van Dyke, srihpsrihpyak oasr West College fin acn New York. Rit ohinge:
Nguhna ma kihfihn pouk sisyac inge
Kihtaclihk pacl fahsruh nuh ke pacl somlah:
Met liki, motul luhn ao sonna tuhkuh
Ke lohsr, ac loeskalah liki kuh luhk:
Tukun lain tiacna fohlohk uh,
Ao se ma kahinglac tari, tillac ma lom:
Ao se fanna pa an ke poum uh,—
Pacl se INGENA ma lohsr se inge oan kac uh.1
Ahok, kuht ac enenuh in lotwelah ke pacl somlah tari, ac ahok, kuht ac enenuh in ahkolah nuhke pacl fahsruh uh. Tuhsruhk ingena muhkwena pa kuht kuh in oruh uh. Ingena pa pacl se ma kuht kuh in lutlut uh. Ingena pa pacl se ma kuht kuh in auliyak uh. Ingena pa pacl se ma kuht kuh in ahkinsewowoye mwet sahyac ac “sruhkwack poun mwet suc ma puhtatlac uh.”2 Oacna ke Mormon el fahk nuh sin tuhlihk mukul nahtuhl Moroni, “Lwelah kuht in oruh orekma lasr; … ke kuht muhta ke mahno luhn infohk uh, tuh kuht in kuh in kuhtanglah mwet lokoalok luhn suwohswohs nuhkwewa, ac in monglac nguhnasr ke tohkohsrahi luhn God.”3
Mwet suc lain kuht uh tiac wi mutul uh. Pacl nuhkwewa ac oasr lainiyacn ma pwacye uh. Nga kalweni fahk luhk ke litutacng ah in oruh ma nuhkwewa ma ac ahkyohkye kuh in mukwikwi luhn nguhn yurum, kuh in sohk ma Elder Dieter F. Uchtdorf el sramsram kac, in fahsr na nuh met ke ma upac nuhkwewa ac orekma nuhkwewa ma tuhkuh sun kom uh.
Kuh luhn mukwikwi luhn nguhn kapkapwack ke kuht alu lun tempuhl ac yohkwelihk kahlwem lasr ke wolacnaiyacn mwe insewowo ma kuht eis lun tempuhl uh. Nga ngihsrwe kowos in ngwet liki ma luhn facluh ke kom lohacng nuhke mwe insewowo lun tempuhl uh. Pacl lom we usot mwe insewowo nuh tok ma pahtpaht.
Ke Alu uh kapwack uh, kuht srihke in liyacacng fashr lasr in puhseni tempuhl. Tempuhl Angaul-ahkosr ingena muhsahiyuck. Oasr yohk pac ma ingena ahksasucyeyuck. Nga pruhe kacn mwet ma pihsrlac suc orekma ke projects inge fin facluh.
Ke nguhn in pruhe tarilacna, nga kuloh in akkahlwemye plwacn lasr in muhsaheack tempuhl sasuc ke acn inge: Wellington, New Zealand; Brazzaville, Republic of the Congo; Barcelona, Spain; Birmingham, United Kingdom; Cusco, Peru; Maceió, Brazil; Santos, Brazil; San Luis Potosí, Mexico; Mexico City Benemérito, Mexico; Tampa, Florida; Knoxville, Tennessee; Cleveland, Ohio; Wichita, Kansas; Austin, Texas; Missoula, Montana; Montpelier, Idaho; and Modesto, California.
Tempuhl 17 sasuc inge fah ahkinsewowoye moul in mwet pucspucs ke kais sie acn liki veil. Nga luhngse kowos, tamuhlwel ac tahmtahel sacohk wiyuck. Yohk srihpac liki na, Leum El luhngse kom. El pa Mwet Lahngo lom ac Mwet in Molwelah lom. El kol ac pwen Alu Lal. Lwelah tuh kuht in mwet suwohs luhn Leum, suc tuh fahk, “Kowos ac fah mwet luk, ac nga fah God lowos.”4
Ke ma inge nga pruhe ke ine muhtahl luhn Jisus Kraist, amen.