Ke Moklweyuck luhn Kraist ac Wosasuc Lal
Lwelah tuh mwe acsmak ke ma muhtahsr liye ac ma insiacsr puhlakihn ahkyohkye fwefwelac lasr ke kihsac in iwaclah luhn Mwet Lahngo.
Oasr kawuck na wowo se luhk, suhmaht, sahflah ke luti lal ke lutlut luhlahp se, mwet sihm na wo fahkon orekma la, ac yohk liki ma nuhkwewa, mwet fahsr tukun Jisus Kraist na oaru se. El tuh muhtwacta nuh Holy Land kuhtuh pacl uh in wi toeni luhlahp, kol sukok ke mwe lutlut, ac kol forfor muhtwacta uh. Nuh sel, pacl nuhkwewa el muhtwacta nuh ke acn ma Jisus El fahsr kac ah, el nuhnak mweyen el tiac tahfuh luo in lotwelah sie ma sasuc, usrnguck, ac fwefwelac kacn Mwet Lahngo, kahsruh Lal ke moul uh, ac acn sacohk Sel. Mwe moklweyuck se ma kawuck sacohk se luhk ah ahkkahlwemye ke el sramsramkihn ma el lotwelah fin Acn Muhtahl ah fahsrwelihk, ac ma usrnguck se inge tuh yohk srihpac ke orekma yohk lal ac sukyacn mwe lutlut ke moul lal.
Ke nga lohng ke ma sikyak nuh sel inge ac puhlakihn pwacr lal kac, nga luhma lah fuhkah luhpan nguhn yohk, pa in fahk, lah kuht kuh ac enenuh in puhlakihn nuh ke ma wosasuc luhn Jisus Kraist luti uh ac eklac ma kuh in oraclah nuh ke moul in mwet tuhma lutlut lasr uh ac ke fuhfahsryucsr lasr nuh ke moul ma pahtpaht. Nuhnak se ma nga luhma nuh kac ah pa puhlakihnyacn ma kuht puhla uh, moklweyuck, kuh usrnguck wacna sikyak nuh sin nuhkwewa suc sang kewa in fihliyac Mwet Lahngo ac mwe luti Lal infulwacn in moul lalos ac suc mongfihsrwacsr in akihlen oasr Lal in moul lalos. Kain puhlakihnyacn nuhnak se inge, ahkkweyeyuck ke pihrihkyuck luhn Nguhn Muhtahl, moklweack pacr la in engan in moulkihn mwe luti yohk luhn Kraist.1
Ma suhmuhslah uh nwacnwack kuhtuh mwe srihkasrak lah puhla se inge kuh in oreklac kahlwem fuhkah. Mwet Pahluh Isaiah, sie mwe srihkasrak, ahkkahlwemye luhpan loaliyacn kaksak nuh sin Leum engan lal Kacl.2 Elos suc ma porongo ke Jisus El luti lun lohm alu e Capernaum arulacna fwefwelac ke mwe luti yohk Lal ac kuh suc ma El luti kac.3 Puhla sacn pacna pa puhrakwack ahlko nuhkwewa ke insiacn mwet fuhsr se Joseph Smith uh ke el riti fuhs ke sapta se emet ke James, ke Bible uh, suc kohlohllah in suk lahlmwetmwet luhn God.4
Tamuhlwel ac tahmtahel wiyuck, ke kuht oasr ke moklweyuck nuh pwacye luhn Jisus Kraist ac wosasuc Lal, kuht ac enganack liki met ah, ac yohkwelihk pwacr lasr nuh ke orekma luhn God, ac kuht akihlwen poun Leum ke ma nuhkwewa. In weacng, lutlut lasr ke kahs luhn God uh oasr kalmweyac; puhruhe lasr, yohkwelihk kena lasr; yohkwelihk muhtahl; kulwacnsap lasr ke tohkohsrahi luhn God, yohkwelihk oaru. Ma inge nuhkwewa wi oraclah srihpac nuh ke kahsrweyacn luti luhn Nguhn Muhtahl pwacnwacng fususeni nuh ke moul lasr uh.5 Ohinge, testimoni lasr kacn Mwet Lahngo ac wosasuc Lal fah ahkkweyeyuck, kuht fah oruh Kraist Elan moul in kuht,6 ac kuht fah moulkihn moul lasr uh “yukwiyucki ac muhsaheyucklac fwacl, ac sramtweyuckyak ke luhlahlfongi, … sesseslah loac ke sang kuloh.”7 Ke kuht moulkihn ohiyac se inge, ac yohkwelihk nguhn kuht eis ac karihnginyuck in tiac puhtatyang nuh ke sruf luhn nguhn in wacngihn kena la.
Kain puhla wacngihn kena la se pa ahkuhtweyac wacngihnlac pwacr la in sang kuhiyac kewa nuhke wosasuc luhn Leum uh. Muhtwacwacack ke kuht puhla kuht eis tari lahlmwetmwet ac mwe insewowo nofohn ke engan lasr ke moul se inge. Mwe ahkwoye puhla se inge, in fahk na, oruh kuht eis mwe sang luhn wosasuc uh mwena ahkfal, ac tahfweyacn pacl sacn, kuht oraclah elyah in soaruyak ke auliyak lasr pacl nukwewa ke ma yohk srihpac ke wosasuc luhn Jisus8 ac ke olwelah ma kuht oraclah uh. Sikyak, kuht sahflahiyac loesaclihk liki Leum, ahkmuhnahsyelah etuh lasr in “Porongwel,”9 eklac siena ac semuhtwengyak nuh ke wolacnaiyacn orekma Lal. Tahfuh luo ke pwacyeiyacn testimoni lasr uh eis tari ma sang pihrihk nuhnak lasr ac insiacsr uh, oruh kuht fihsracsrfacsr nuh ke mwe sruhf luhn mwet lokoalok lasr.10
Pahsta Aiden Wilson Tozer, Mwet sihm na wowo se ac mwet Christian na oaru se, sihmlac, “Complacency pa mwe lain liki spiritual growth.”11 Kuh pangwacn ma sikyak nuhke mwet Nephi tukun isuslac luhn Kraist? Elos “muhtwacwacack in srihkeni ac srihkeni akihlwen lalos ke akucl kuh sie nuhnak tuhkuh inkuhsrao mwe, … tahfuh luo ke [suhlahlahlfongi] ma nuhkwewa suc ma elos lohng ac liye.” Tuh Satan el “konwelah muhtahlos ac kohlohlos lac liki luhlahlfongi lah mwe luti luhn Kraist pa sie ma lahlfon ac lohsr.”12
Tamuhlwel ac tahmtahel sacohk wiyuck, ke luhngse suwohswohs ac ma pahtpaht Lal ac etweyacn luhmahlah luhn mwet lasr,13 Mwet Lahngo el oraclah inkacnek soko nuh sesr in kahinngkihn in tiac puhtatyang nuh ke mwe sruhf ma wacngihnlac kena luhn nguhnasr. Solsol luhn Mwet Lahngo use nuh sesr ngetnget wowo se, yohkiac ke muhta lasr fin facl se inge: Luti sihk, ac lohng kahs luhk; fahsr ke puhsisacl luhn Nguhnihk, ac kowos fah eis mihslac in nga.”14 Ke kuht eis solsol tuhkuh sin Leum mwe, kuht ahkkahlwmeye moul in mahno lasr, kena lasr in kuh in luti, ac finsrak lasr in eklac oacna El.15 Solsol se inge nwacnwack pacna in Kuhlwacnsuhpacl ac luti tuhlihk nuhtin God “ke insiacsr, nguhnasr, nuhnkacsr, ac kuhiacsr [kewa]”16 Infulwacn kampare lasr ke fuhfahsryucsr se inge, ahok, masap luo ma yohk emet: in luhngse Leum God lasr ac luhngse mwet tuhlan lasr oacna kuht sifacna.17
Ip se ke ohiyac muhtahl luhn Mwet Lahngo inge ac pa mwe ahkpwacye ke ma nuhkwewa ma El oraclah ke kahsruh Lal fin falcuh ah.18 Ohinge, ke kuht srihke ac sifacna kihsackihn kuht lac napwacye in nget nuh Sel ac lutlut ke srihkasrak suwohswohs Lal,19 yohkwelihk etack lasr Kacl. Kuht kapkapwack ke pwacr ac kena in fungyang nuh ke moul lasr uh mwe luti yohk se lah kuht ac moul fuhkah, srihkasrak se kuht enenuh in oraclah, ac masap ma kuht enenuh in ukwe. Kuht oacyacpac eis kuhtuh kahlwem, lahlmwetmwet, ac ohiyac muhtahl, ac kaksak nuh sin God ac mwet tuhlan lasr.20 Nga kuh in ahkkweye kom lah etuh lom in puhla oruh ac luhngse luhn Mwet Lahngo uh fah ahkfokokoye moul lasr uh, ahkyohkye luhlahlfongi lasr uh, ac kena lasr in oruh orekma suwohswohs, ac pihrihkyuck in kuhlwacnsap nuh Sel ac mwet sahyac.21 Oacyacpac, srui lasr nuh ke mwe insewowo ac ma upac ma kuht sun ke moul in mahno se inge fah ahkkweyelah ac eklac ipin ahkfuhlwact pwacye se lasr.22
Kawuck sacohk luhk, ma inge kewa ahkkwey nuhnak in nguhn lasr ke wosasuc ac moklwe kuht in engan in liyacacng olwelah muhtahl ma kuht oraclah nuh sin Leum—finne inmahsrlon mwe srihkasrak ac ma upac ma kuht sun. Ahok, nuh ke ma sikyak ke ma inge, kuth enenuh in ikihl kuhtlac sifacna ke inse pwacye ke mwe luti luhn Mwet Lahngo,23 lihksreni lohacng nuh sin Pahpah tuhmasr Inkuhsrao ac Jisus Kraist ac kacfweacng in orekmakihn ohiyac wowo Lalos nuh ke ohiyac lasr uh.24 Oacyacpac, kuht enenuh in ahkfototoye kuht nuh Sel ke kuht auliyak,25 ac ngihsre ke nuhnak muhnahs Lal ac kuh in molwelah Lal ke moul lasr ac liyacacng masap Lal. Leum El olwelah lah El fah kol inkacnek lasr fin kuth fah luhlahlfongi in El ke insiacsr kewa, Ahkihlacnuhl ke ohiyac lasr ac tiac fungyang nuh ke etuh lasr sifacna.26
Sie mwet nga sun in pacl inge, suc inel pa Wes ac wi kuht ke toeni se inge mihsenge, eis solsol luhn Kraist in lutlut Kacl ac ke wosasuc Lal ac muhtwacwacack in moulkihn moklweyuck luhn luhngse Lal tukun yac 27 el srwellah sifacna liki inkacnwek in olwelah. El fahk nuh sihk lah sie lwen ah lah el sramsram nuh sin sie misineri ke Facebook, Elder Jones, suc srihsrngiyucki nuh el ke kihtin pacl nuh ke acn ma Wes el muhta we met liki el som nuh ke acn napwacye srihsrngiyucki el nuh we fin acn Panama. Ke Elder Jones el som liye profile lal Wes ah, tiac etuh met liki lah el mempucr tari ke Alu uh, el puhlakihn kolyuck luhn Nguhn Muhtahl ac etuh lah el fah sana srukilyac Wes. El silahklahk na mukwi nuh ke ohiyac se. Wes el lut ke ohsun na el tiac pahngon ac sikyak se inge ac muhtwacwacack in akihlwen lah Leum El etuh kacl macnsis kuhnlah lah el srweluhllah liki inkacnwek in olwelah.
Tukun pacl sacn fahlac, Wes ac misineri ah muhtwacwaccak in sramsram tahkuhnlah. Elder Jones ac mwet se weluhl ah sang ohiyac in kuhlwacnsap ke wik nuhkwewa ac mwe luti luhn nguhn ma kahsrwel Wes in fohlohkohnwack puhla in moklweyuck Lal kacn Mwet Lahngo ac wosasuc Lal. Ma se inge sifil ahkosack e se ke testimoni lal ke ma pwacye ac ke luhngse luhn Mwet Lahngo nuh sel. Wes el puhlakihn mihs ma tuhkuh sine Mwet in Ahkwoye ac eis kuh ma el enenuh in sifil fohlohk nuh ke u lal. El fahk nuh sihk lah ma se sikyak inge usacni nguhn ac puhla lal in fohlohklac nuh kem moul lal ac kahsrwel in eislah puhla ma el supwacrkihn ke yac nuh ke yac ke srihpen ma upac sikyak nuh sel.
Oacna ke ma mwet luti kawuck se luhk inge liye tari ah, oasr na mas se wolacna ac usrnguck pacl nuhkwewa in etwaclah kacl Jisus Kraist ac wosasuc Lal.27 Leum el oraclah olwelah wolacna ma tuhtahflah nuh selos nuhkwewa wi kuhtyang, suc suk in etuh Kacl ac fungyang nuh ke kahs Lal in moul lalos. El fahk nuh sel Enoch, Liye nguhn luhk [fah] oan feim, ohinge kahs lom nuhkwewa nga fah nuhnuhnkuh; ac finohl uh fah kahsruhsr met liki kom, ac infacl uh fah ikihl kahsruhsr lalos; ac kom fah eis kom in nga, ac nga in kom.28 Sin mwet kulwacnsap Lal Tohkohsrah Benjamin, El ahkkahlwemye, “Kowos fah pahngpahng tuhlihk nuhtin Kraist, wen nahtuhl, ac acn nahtuhl; tuh liye, lwen se inge El orekowoslac in nguhn; tuh kowos fahk lah insiowos eklac ke luhlahlfongi ke Inel; ohinge, kowos isuslac Kacl ac eklac wen nahtuhl ac acn nahtuhl.”29
Ohinge, ke kuht kacfweacng napwacye ac tahfwelah in eis etwacack kacn Mwet Lahngo ac ukwe srihkasrak Lal, nga olwelah nuh sum, lah ke ohiyac muhtahl Lal fah sihmlac insifowos ac insiowos,30 lah kuht e eklac oacna El, ac kuht e fahsr weluhluhl.31
Tamuhlwel ac tahmtahel sacohk wiyuck, nga pruhe tuh kuht fah tu na ne tok ke puhla in moklweyuck luhn Jisus Kraist ac luhngse fohnlah, ma pahtpaht,ac suwohswohs Lal. Lwelah tuh mwe acsmak ke ma muhtahsr liye, ac ma insiacsr puhlakihn ahkyohkye fwefwelac lasr ke kihsac in iwaclah luhn Mwet Lahngo, suc kuh in ahkkweye kuht lac ke kihnet lun nguhnasr ac puhla lasr uh ac kahsrwe kuht in fototoyang nuh Sel. Lwelah kuhti n nuhnkuh ke olwelah yohk ma oasr in Pahol Pahpah ac ma El ahkolah nuh selos suc luhlahlfongi:
Tohkohsrahi sac ma lasr ac mwe insewowo kac ma lasr, ac ma kahsruhp ke ma pahtpaht ma lasr.
Ac el suc eis ma inge nukewa ke srui fah oreklac wolacna.32
Jisus pa Mwet in Molwelah luhn facluh, ac pa inge Alu Lal. Nga wi mwet loh ke ma pwacye inge ke ine moklweyuck , muhtahl, ac fuhlwact luhn Mwet Lahngo lasr, Jisus Kraist, amen.