Ro Jeiū im Jatū ilo Kraist
Jen mōnōnō ippān ro rekwojarjar im jej ekkejak ibben doon im kaurōk men ko remman jej kōmmmani rej oktak jen doon im menin letok ko kajojo ko ad.
Ro mōtta rejitenbōro, m̧wen̄an ko an kweilo̧k in rainin relukkuun em̧m̧an. Jaar en̄jake Jetōbin Irooj im An iakwe jān ennaan ko rem̧m̧an kar kwaļo̧ki jān ritōl ro ad. Ij lukkuun m̧ōņōņō in kōnono n̄an kom̧ joteenin āinwōt rikōnono eo āliktata. Ij jar bwe Jetōbin Irooj en pād wōt ippād ilo ad jim̧or lan̄lōn̄ āinwōt ro jeiū im jatū rem̧ool ilo Kraist.
Rikanaan eo ad ejitenbōro, Russell M. Nelson, ekar kwaļo̧k: “Rainin ij kūr n̄an aolep membōr ro ad ijoko jabdewōt n̄an joļo̧k m̧wiļ im m̧akūtkūt ko renana n̄an kalikjōkļo̧k. Ij akweļap ippāmi n̄an kautiej aolep ro nejin Anij.”1 Āinwōt juōn Kabun̄ eo emōj kapool lal in im ejjab jemlok an edōklok, ilo ad loor kūr in jen rikannaan eo ad ej juōn aikuij eo aorōk ñan kalōk aelōn in lañ eo an RiLomoor eo ilo aolep aelōñ ko ilo ipelaak in lal in.
Gospel in an Jisōs Kraist ej katakin bwe kōj jej ro raorōk nejin jetōb ro jined im jemed ilo lañ ro rej mool2 im jekkar mour einwōt juōn bamle ilo maan mejen Anij mokta jen ad lotak tok ilo lal in. Gospel eo barāinwōt ej katakin bwe kar kōm̧anm̧an ilo nememein wōt Anij.3 Kōn menin, jej juōn wōt ilo maan mejen,4kinke E “kōmmane jen juōn wōt bōtōktōk kōj wōj jen aolep lalko an emmaan [im kōrā].”5Kin menin, ewōr ibbed paotok kwojarjar, menin jolet, im kapeel ko ad, kinke ewōr “juōn wōt Anij im ej Jemen aolep, eo eutiej jen aolep, im kin aolep, im ej bed [ibbed] aolep.”6
Āinwōt rikaļoor ro an Kraist, emōj kūr kōj bwe jen kōllaplok tōmak ko ad, im iakwe n̄an, ro jeid- im jatūd maan im kōrā ro lo jetōb ilo ad lukun juōn wōt bōro im lo iakwe doon, meñe jej oktak jen doon, kin menin kōlaplok ad maroñ lemaanlok ad kautiej emman ko an aolep ro nejin Anij.7Āinwōt rikaļoor an Kraist,
Ejjab ke men eo in ekar waļo̧k n̄an armej ro an Nipai ālkin enan̄in ruo epepen ālkin an kar Kraist jerbal in karejar n̄an er?
“Im em̧ool eaar ejjeļo̧k bar armej rem̧ōņōņōļo̧k ilubwiljin armej ro otemjej kar ejaak jān pein Anij. …
“Im eaar ejjeļo̧k riLeman, ak jabdewōt; riAelōn̄, a raar juon, ro nejin Kraist, im rijolōt e aelōn̄ in Anij.
“Im ekōjkan aer kar jeraam̧m̧an!”8
Būreejtōn Nelson eaar wōnm̧anļo̧k im kwalok aōrok in kajerer im emman in ñan kautiej ro rej mōttar ke ar kenono kin menin: “Ri Kōmmanman eo adwōj ej kūr kōj kajojo ñan kejekdoon mantin reillallok ak jumae jabrewōt roluul ko an ajiri ro nejin Anij.Būreejtōn Nelson eaar wōnm̧aanļo̧k im kwaļo̧k aorōk eo Ñe elōñ iad ej reillallok ñan bar armej ro jet jen lal ko jet ekwe jej aikuij in ukwelok! … Ej ad kajojo eddo in bwe jen kōmman jabrewōt men jemaroñ e bwe ro jet ren loor kōj lo ad rebiji emman in ilo ad kautiej aolep ro nejin Anij me ekkar.”9 Lukun mol eo, ekkar ñan mour in armej jej aikuji kar kautiej doon jekdoon ne jej oktak jen doon.10
Lemnak kin koba in menin me ekwojarjar me ej kakkobaiki kōj ibben Anij einwōt ro nejin, kannaan in me ej itok jen Bureejten Nelson ejelok kajitōk ke ej juōn buñten eo ñan kalōk wanlōnlok in melele im jab ñan kalōk wall in reillallok ñan doon im ñan kalōk wall in reillallok ñan doon im ñan kejebellok kōj jen doon.11 Bōtaap, ke Paul ar kakkōl e ri Epesōs ro, jej aikuij kile bwe ñe kwon maroñ kōtaprak unleplep in, ej aikuij kōmman bwe einwōt eo ej make wōt kab ro rej jerpal ibben doon remaroñ kwalok ilo ettā, meanwōd, im kijenmej ibben doon ilo men ko rebben.12
Ewōr juōn bwebwenato in juōn ri tel in ri Jew ran eo im ar bed ibben ruo mōttan lo an kar tak al. Eaar kajjitōk ippāer, “Elmen am jela ke ejemlok an bon̄ im emoj an bar jino juōn ran?”
Im juōn iaer ar uak im ba, “N̄e koj reilik lok im komaroñ lo oktak in juōn sheep jān goat.”
Im leo juōn iaer ar uak im ba, “N̄e koj reilik lok ñan jabōn meto im komaroñ lo oktak in juōn wōjke in olive jāņ juōn wōjke in fig.”
Innem rar reilok ñan ri tel in me emeletlet im kajitok ibben ejja kajitōk in wōt. Ālkin an bōk an ien kelmenlokjen, ekkar uak im ba, “Ñe komaroñ reilik lok ñan lik im lo mejen juōn kōrā ak mejen juōn kōrā ak mejen juōn emmaan im komaroñ ba, ‘kōrā eo ej jatu/jeium; emmaan eo ej jatu/jeium.’”13
Ro mōtta rejitenbōro, Imaroñ ba ñan kom ke meram eo an juōn raan kāāl emeram lok ilo mour ko ad elañe jenaj lo im kōmman ñan ro jet mōttar lo kautiej im mol im einwōt ro lukun jeid im jatūd ilo Kraist.
Ilo kar ien jerbal in karejar eo An ilo lal in, Jisōs ekar lukkuun kwaļo̧k katak eo ilo weppān āinwōt E ekar “kōmman emman”14, n̄an aolep armej, kūr er bwe ren itok ñan Ibben im bōk e emman eo An, jekdoon ia eo rej tok jen e, jekdoon joñan lepel ko aer lo mour in, ak manit ko aer. E ekar jerbal in karejar, kemour, im aolep ien ej lukun lale aikuij ko an aolep, elaptata ro me rej ba rej oktak jen ed, ro rettā im ro rejenolok. E ekar jab kajekdoon jabdewōt ak joñan wōt juōn an kōmman ñan er im iakwe er, kinke Ar lo er einwōt ro jein im jatin, im juōn wōt Jemed.15
Juōn ian ien ko me ar lukun emman ke ar walok menin ilo ien eo RiLomoor ar etal ñan Galilee, ar kōnan etal ilo ial eo lok ñan Samaria.16 Innem Jisōs ar etal im kakkije ilo aebōj lal eo an Jacob. Ke ej bed ijo, juōn kōrā in Samaria eaar itok n̄an an ettein̄ dān. Ilo an jela aolep men, Jisōs ej kennan ñan kōrā eo, im ba, “Letok nimō.”17
Kōrā in ar lukun bwilōñ bwe juōn ri Jew ej kajitōk jibañ ibben juōn kōrā in Samaria im ar jab noje an bwilōñ, im ar ba, “Elmen bwe kwe, juōn ri Jew, ej kajitōk nimen ibba, eo im ej juōn kōrā in Samaria? ke ri Jew ro rejjab kōnan bōk konair ibben ri Samaria ro.”18
Bōtaab Jisōs, joļo̧k dike doon ko e to aer bed ikōttaan ri Samaria ran im ri Jew ro, ar kwalok iakwe ilo an jerpal in karejar ibben kōrā eo, jipañ e melele wōn lukun E, eo im ej, Messaia eo, eo emaroñ ba aolep men im itok eo an me kōrā in ar kōttar e.19 Kin jerpal in karejar eo an emman ekōmman menin an kōrā eo bool lok ñan bukwōn eo ñan kojelaiki armej ro ta eo ar walok, im ba, “Ta ejjab Kraist eo in ke?”20
Elukun lap aō tiriamo kin armej rot ne me ar nana aer lale, ro rej kennaan lallok n̄an e, ak ro rej kakkure kōn ejeļo̧k en̄jake im ļōmņak kake, kōnke, ilo ial in mour in aō, emōj aō lo an armej ro emman en̄taan kin aer ekajet er ak jolok er kinke eoktak kajjin ko aer, oktak am lale er, ak eoktok kilen aer mour. Ij barāinwōt en̄jake an rub buruō kin ro emarok buruer, ro edike aer lolokjen, im ro reben buruer kōn tōmak ko aer ke remmanlok jen ro jet im lo aer jab like ro rej oktak er. Kin aer jab lukun jelā kin ro jet ekōmman menin an jab lukun emman aer lale ro jet einwōt ajri ro nejin Anij.
Āinwōt kar jiron̄ jān rikanaan ro, jej mour ilo raan ko āliktata n̄an itok eo Kein Karuo an Rilo̧mo̧o̧r.21 Mour in lal in ekwalok an lap an jebellok armej, ekkar ñan armej in ia, ak lo kien, im ekkar ñan lajrak in taetōl aer.Mour in ej kwaļo̧k jepeļļo̧k in armej ro Kain jekjek in jet ien ekkōmman an armej bōk ajinkōj jen doon ilo kilen aer lemnak im mantin kōl ko aer ñan ro mōttaer. Kin wūn in, ejjab juōn men eo me ekāāl ad loe an armej kōmman ñan doon ilo aer lemnak, kōl ko aer, im kilen aer kenono kin manōt ko an ro jet, ia ko rej tok jen e, im kab aelōñ ko rejjab buñbuñ, ekōn naan, kabōd, im ekkā kōmman lemnak jab mol, kōjerak ñan kajetokjeid, ba rej oktak, jab kautiej, im bareinwōt reillallok ñan ed. Manōt rot kein ebed ilo okwar in utiej bōro, kakkōl, ejawjo, im ebanban, kain en me rej lemnak kin ed make,22 eo rej aolep lukkuun oktak jen mantin mour eo an Kraist. Mwil rot in ejjab ekkar ñan ro me rej kajjeoñ bwe ren eroom ro rej ri kaloor ro An.23 Ilo m̧ool, ro jeiū im jatū jitōnbōro, ejjeļo̧k jikin n̄an ļōmņak rōt kein ak kōl rōt kein ilo jikin ro Rekwojarjar.
Āinwōt ļaddik ro im leddik ro an bujen in, jemaroñ jipañ joļo̧k manōt rot in ilo ad lale oktak ko rej walok ikkotar im ilo mejen RiLomoor eo24 im ekkar ñan to eo jej einwōt juōn ie—ke jej kwojarjar im jej juōn wōt. Ibben ke, jemaroñ kate kōj bwe jen lo kōj make ilo ettōnak ko ad, kōjatrikrik, buromōj, im ilo metak ko an ro riturur. Jej aolep ej ri ito itak ro einwōt ro nejin Anij, ilo an jeban wōt juōn ar jab wānik im ilo ad maroñ edōklok. Em̧ōj karuwainene kōj n̄an etetal ippān doon, ilo aenōm̧m̧an, ippān būruer eo obrak kōn iakwe n̄an Anij im aolep armej—ak, āinwōt an kar Abraham Lincoln ba, “ippān ejeļo̧k nana n̄an jabdewōt ippān iakwe em̧ool n̄an aolep.”25
Konaññin ke baj lemnak ewi wawein an bedbed in kautiej ñan emman ko an armej im jimwe ko aer kwalok ilo jekjek eo ebiroro me jej kwalok ilo lowaan mweo imōn Iroij? Jej aolep itok ñan tampel koba ilo juōn wōt wun im kobrak kōnan ko ñan eddreo im kwojarjar ilo maan mejen lo Ekwojarjar. Kōnak nuknuk mouj, Iroij make ej bōk kōj aolep einwōt ro nejin jitenboro, maan im kōrā in Anij, rej ebebein Kraist.26 Jelukun jeramon bwe jej maroñ kōmmani ejja kaiñi kein wōt, jemaroñ kōmmani bujen kein, kaben ibbed make ñan mour emman lok im kwojarjar lok, im bōk ejja wōt kalimur kein wōt ñan indreo. Ibben doon lo ewōr unin, jej lo doon lo mej kāāl ko, im ilo ad juōn wōt, jej mōnōņō ilo ad oktak jen doon einwōt ro rekwojarjar nejin Anij.
Ej kab mōj lok aō jipañ bokto boktak ri utiej ro im ritel ro an kien ilo kebellok eo an Tampōl eo an Ribrazil ilo Brazil. Iar bōjrak ilo jikin janij eo ibben vice bureejtōn eo an Brazil, im kemro ar kenono kin nuknuk mouj ko aolep rej kōnaki lowaan tampōl. Iaar kōmelele ñan e ke aolepen lal in ej kejerpale nuknuk mouj in ñan kōkkale ke kōj aolep jej einwōt Anij im bwe, ilo tampōl, ejjab ba ke kōj vice bureejtōn in juōn lal ak juōn mōn jar ak ej kwalok ke jej ro nejin Jemed Ilañ eo elap iakwe ibben.
Reba Iguaçú ej toor lok ñan tu rear in Brazil im lutōklok ilo tol rot en emman jeppaan im kōmman waterfall eo ebuñbuñ lal in im etan in Iguaçú Falls—ej juōn ian kōmanman ko an Anij me relukun aebojooj im kabwilōñlōñ, im rej likit bar juōn kein kabwilōñlōñ ko jiljilimjuōn ilo lal in. Mijel in den laplap rej lutōklok ilo juōn reba innem jepellok, kōmman jibuki waterfall ko rej bed turin doon. Kenono kin kōkkale kein, waterfall kein me relukun baj aebojooj ejelok oktak jen bamle ko an Anij lok lal in, bwe ej bed ibbed jimor jetōb in jen jinoin im jekjek ir, jar bōke jen jolete eo ekwojarjar im jen ro jen juōn wōt ilo mour in. Bōtaap, kōj kajojo jej lutōklok ilo manōt ko rej oktak jen doon, aelōn ko, im lal ko kajojo, ibben lemnak ko rej oktak jen doon, imenenen ko, im eñjake ko. Jekdoon menin, jenaj wōnmanlok āinwōt ro nejin Anij im ro jeid im jatud ilo Kraist, ilo ad ban jako kakkobaba in kwojarjar in, eo im ar kōm̧m̧an bwe jen armej ro rejenolok im juōn bukwon aorōk.27
Ro jeiū im jatū jitōnbōro, bolen jen kajimwe buruōr im lemnak ko ad ibben jela eo im kakkurmol eo ke jej ellaan wōt juōn ibben Anij, im bwe emōj ad lukun lelok ad ilo men ko jemaroñ kōmmani im jolōti ñan indreo. Jen mōnōnō ibben ro rekwojarjar im jej ekkejak ibben doon im kaurōk men ko remman jej kōmmmani rej oktak jen doon im menin letok ko kajojo ko ad. Elaññe jenaj kōmmani, ij kalimur ke jenaj make emakitkit, einwōt ren ko ilo Iguaçú Falls, ilo an ban jako koneekjen in ad ekwojarjar in me ej kwalok kōj einwōt jet armej ro rejenolok, “ro nejin Kraist, im ro renaj jolete aelōñ in Anij.”28
Ij kamool ñan kwe bwe ñe jenaj wōnmaanlok im lutoklok rot in ilo mour in kaniek in, juōn meram kāāl me enaj kōmeram mour ko ad im kōmeram lok men kein rej walok lo mour kein ad ñan kaorōki, im naj laplok kejeramman, oktak ko kōmanman in Anij ilubwiljen ajiri ro nejin.29 Jenaj erom ri jerpal ro an lo bein ñan kōwōnmaanlok kautiej im jela manōt ilubwiljen aolep maan im kōra ro nejin. Anij ej mour. Jisōs ej Rilo̧mo̧o̧r eo an laļ in. Būreejtōn Nelson ej rikanaan eo an Anij ilo raan kein ad. Ij kwaļo̧k kam̧ool kōn m̧ool kein ilo āt kwojarjar eo etan Jisōs Kraist, amen.