Jesus Christ ke Ufɔt Uwem Nnyin
Mme akpan mbume ukpɔŋ nnyin, mbon emi edide ke ini ata ekim ye nkoŋ-nkan idomo, eboro mmo eto akakan ima Jesus Christ.
Nte nnyin isangade ke uwem emi, nnyin imesinyene mfina: okposong ubiak otode mkpa owo nnyin, enwan udongo, ubiak ufik, esuene mme ubiat-owo, unana-utom, mfina ekpuk, eyet ikpong, mme ubiak otode enwan ukama ikang. Ke uto ini ntem, ukpong nnyin esiyom ebiet uboho. Nnyin iyeyom ndidiongo: Nnyin idikut mmong aran emem? Nnyin ididori mbuotidem nnyin ke anie owo ada ono nnyin uko ye nsongo ida ikan mme mfina emi? Anie idinyene ime, oyoho ima, ye akwa ubok ndidibede nyung nkama nnyin?
Mme akpan mbume ukpong nnyin, mbon emi edide ke ini atta ekim ye nkong-nkan idomo, eboro mmo eto akakan ima Jesus Christ. Ke Enye, onyung otode mme edidiong ekenwongode etode mfiakndandi gospels, nnyin iyekut mme iboro iyomde. Oto ke anana mbiet Uduok-Iyip Esie ke edino nnyin eno awakde ebe idaha— eno idorenyin, edikok, ye oyoho idorenyin nsongo-nda Esie, aka-iso odu ke uwem nnyin. Eno emi ekem kpukpru mmo oro eyomde ke mbuotidem, enyimede emem ye edifak emi Enye onode ke mfon.
Obong Jesus anyan ubok Esie ono nnyin, edinam emi edide ntak edisana ima Esie ye mfon. Ikot emi Enye okotde nnyin okpon akan ekpri ikot; enye edi edisana enwongo, esongode ke akakan odudu mfon Esie. Ke ŋwed Abasi, Enye enehede ɔsɔŋɔ ɔnɔ nnyin ete:
“Etiene mi, kpukpru mbufo emi ekpade mba enyuŋ ebiomde edidobi mbiomo, ndien Ami nyenɔ mbufo nduɔk odudu.
“Emen okpono mi ekongo ke itong mbufo, enyung ekpebe mi; koro mmenyene ifure-ifure ido nnyung nsuhore idem ke esit; ndien mbufo eyekut nduok-odudu eno ukpong mbufo.
“Koro ɔkpɔnɔ mi ememem, mbiomo mi onyuŋ efefere.”
Odudu ke iko Esie “ edi etiene mi” ye “emen ɔkpɔnɔ mi” ɔsɔŋɔ ye ata uduot eŋwɔŋɔ Esie—eŋwɔŋɔ emi okponde onyuŋ ekemde tutu enye ebiet ima Esie, ono nnyin ɔyɔhɔ isɔŋ-esit: “Mbufo eyekut nduɔk odudu.”
Nte nnyin isinde ifik iyom ndausuŋ spirit, nnyin ika ntotuŋɔ anyan isaŋ ukpuhode nkpo emi ɔsɔŋɔde mme ikɔ-ntiense nnyin. Nte nnyin idiɔŋɔde ubom ata ima Ete Heaven nnyin ye Jesus Christ, esit nnyin ɔyɔhɔ ye ekɔm, nsuhɔde-idem, ye obufa udɔŋ ndiyom usuŋ owo-mbet.
President Russell M. Nelson ekpep ete “ke ini se nnyin isede ke uwem nnyin edide uduak edinyanga Abasi … ye Jesus Christ ye gospel Esie, nnyin iyokop idaraesit isehe se itibede—mme se mitibeke—ke uwem nnyin. Idara oto onyuŋ edi ke ntak Esie.”
Alma, etingde iko ono eyen esie Helaman, ama odoho: “Idahaemi, eyen mi Helaman, sese, afo odu ke ini uyen fo, ke ntre, mmebenge fi nte yak afo okop mme iko mi onyung ekpep abanga mi; koro ami mmofiok nte owo eke esinde mbuotidem mmo ke Abasi, eyebo unwam ke idomo mmo, ye afanikong mmo, ye ukut mmo, ndien eyedibede mmo ke enyong ke akpatre usen.”
Helaman, eketingde iko ono ndito esie, ekekpep abanga ibet nsinsi ndinim Andinyanga ke ufot uwem nnyin emi: Eti, eti ette kedi ke enyong itiat Andifak nnyin, emi edide Christ, Eyen Abasi, ke ana mbufo ebop ntongo mbufo.”
Ke Matthew 14 nnyin ikpep ite ke ama okokop abaŋa mkpa John the Baptist, Jesus ama oyom ebiet odobode. Edi, akamba otu-owo ema etiene Enye. Ke mbom ye ima, minyung iyakke mfuho Esie osio enye enyin okpong utom Esie, Jesus okot mmo ada, okok mbon udongo ke otu mmo. Nte mbubreyo ekperede, mme mbet ema enyene akamba mfina: akamba otu-owo ye ekpri udia okodu. Mmo ema edoho Jesus odong otu-owo eka ekedep udia, edi Jesus, ke akwa ima ye akwa idorenyin, odoho mme mbet eno mmo udia.
Adaŋa-nte mme mbet ekekerede ebanga se ikitibede oro, Jesus okowut mbuɔtidem Esie, ke ye ima Enye amade Ete Esie, dian ye akakan ima Esie ye otu-owo. Enye ama eteme otu-owo etetie ke mbiet, ndien emende idem uyo ition ye iyak iba, Enye ama emek ndino Ete Esie ekom, ke ini enemde-esit enɔ Abasi ke unen ye odudu Esie
Ke Enye ama ɔkɔnɔ ekɔm, Jesus ama ɔbuŋ bread, mme mbet ema edeme enɔ otu-owo, Ke mkpa-idem, udia ikekemke kpɔt, edi ama awak akan, ye nyɔhɔ-nsuhɔ akpasa Duopeba. Eboho ekenɔde udia ama esine iren 5000, ŋkɔrɔ ye iban ye mkpri nditɔ.
Utibe nkpo emi ekpep nwɔrɔ-nda ŋkpɔ: ke ini inyenede mfina, emem ndiyak idem nnɔ mfina nnyin. Edi, Jesus Christ ama owut odudu ndise Ete Esie, ke ndino ekom, onyung owut ke mme usung ndinwana mfina nnyin iduhe nnyin ke ubok edi Abasi akama.
Ke ini nnyin inyenede mfina, isiwak ndise mme nkpo ubiongo emi onwongode edi. Mme mfina nnyin okponi enyung eyom nnyin ise mmo, edi ibet ndida nkan mmo esine ke nting-enyin nnyin. Ndinim Christ ke esit ekikere nnyin ye edinam, eyenam nnyin isanga nte Enye oyomde ye odudu. Edisihede emi idinamke enwan nnyin emem, edi, enye eyenwam nnyin ndiyom usung nsanga mbe mmo ke nda-usung Abasi. Ke akpatre, nnyin iyekut usung ididade inam ye unwam otode akamba ifiok. Ndida ifiok okongode ke Christ eyeno nnyin nsongo ye ntotungo ifiok ndiwongode mme idomo nnyin nsin ke edikan, ke ini etide nnyin ette ke ima ida ye Andinganga, nkpo ekpetiede nte akamba mfina ekeme ndidi usung adade aka akamba nkori ke spirit.
Mbuk Ekpri Alma ke Eto Nwed Mormon emen owut ediye mbuk edifak ye nworonda ufon odude ke owo ndinim uwem esie mkpere Christ. Ke ntongo, Alma ekedi asua ye Ufok-Abasi Christ, ada ediwak owo eworo ekpong usung edinen ido. Ekekem, ubok Abasi, otode angel okosobode ye enye, ama edemede enye osio ke mme ndioi edinam esie.
Ke atta ini ekim esie, ke obode ufen ndudue onyung anyanade oyom usung ndiworo ke ukut spirit, Alma ama eti ukpep nkpo ete esie abangade JesusChrist ye odudu Uduok-Iyip Esie. Ke esit oyomde edifak, enye ama akabade esit ofur-ofuri onyung ekpe-ubok oyom mbom Abasi. Ke akpan ini emi , ndiyak idem kpukpru, mmen Christ nkenim ke iso ekikere esie nte Alma ekenehed oyom mbɔm Esie, ke akpanikɔ ama ada ata ŋwɔrɔ-nda uwɔŋɔde-ŋkpo edi. Mme mkpokobi ndudue oro ye unana idorenyin ama osop enyung eda ifiok akwa idara ye emem.
Jesus Christ edi idorenyin nnyin ye iboro ono akwa ubiak uwem. Oto ke nwaidem Esie, Enye ama ekpe utip idioknkpo nnyin onyung ada odori ke Idem-Esie kpukpru ufen—ubiak, utuk, ukut, ye ndik—ndien Enye efen onyung okok nnyin ke ini ibuotde idem ye Enye inyung iyom ndikpuhode uwem nnyin man etim ofon. Enye edi Andikɔk nnyin, ɔdɔŋesit onyuŋ ɔdiɔŋ esit nnyin oto ima Esie ye odudu, kpasuk nte Enye ɔkɔkɔkde ediwak owo ke ini Enye okodude ke isɔŋ. Enye edi odu uwem mmong, ono ntotungo nkpo emi ukpong nnyin oyomde ke akwa ima Esie ye mfon Enye emi etie nte enwongo Enye akanamde ɔnɔ ŋwan Samaria ke obube mmɔŋ, ɔkɔnɔde “idim mmɔŋ emi edikabade ɔwɔrɔ nsinsi uwem.”
Mmɔnɔ ikɔ-ntiense nte ke Jesus Christ odu uwem, Enye ada ibuot mi, edisana Ufɔk Abasi Esie, Ufɔk Abasi Jesus Christ Mme Ndisana Owo ke Ukperedem Usen. Mmɔnɔ ikɔ-ntiense ke Enye edi Andinyaŋa ererimbot, Ɔbɔŋ Emem, Edidem mme ndidem, Ɔbɔŋ mme mbɔŋ, Andifak ererimbot. Ami mmɔsɔŋɔ ke akpanikɔ ke nnyin isuk idodu ke ekikere Esie ye esit. Nte ntiense nnɔde emi, Enye afiak ada Ufɔk Abasi Esie edi ke mme ukperedem usen emi onyuŋ okot President Russell M. Nelson nte prophet Esie ye President Ufɔk Abasi ke ini emi. Ami mmɔdiɔŋɔ ke Jesus Christ ama ayak uwem Esie ɔnɔ man otodo nnyin ikpenyene uwem nsinsi.
Nte nnyin inwanade ndinim Enye ke ufɔt uwem nnyin, ediyarade atara ono nnyin, ata emem Esie ofuk nnyin, anana mbiet anana-adaŋa Erisio-isop Esie ada mfen-nnɔ ye edikɔk ɔsɔk nnyin Edi ke Enye ke nnyin ikut odudu ndikan, ukeme ndiyɔ, ye ata emem emi akande kpukpru ifiɔk. Yak nnyin inwana ke-usen ke-usen ndisaŋa mkpere Enye, andinɔ kpukpru ŋkpɔ eke ɔfɔnde, adaha idorenyin nnyin ke isaŋ nnyin ndifiak nnyɔŋ iso Ete Heaven nnyin. Ke edisana enying Jesus Christ, amen.