Temple, Ufɔk Jehovah Emi Eyɔhɔde Ofuri Iso Isɔŋ

Etop otode Elder Neil L. Andersen

Eke Eboho mme Apostle Duopeba

Nte afo edide Edisana ufɔk Esie ke akam ye ke usuŋ eke odotde, afo eyebɔ odudu Esie nte ŋkpɔekɔŋ.

Ndi afo umaha ediye ikwɔ emi nyin isuk ikurede ndikwɔ? “Ami nyesɔngɔ fi idem, nyewam fi, nyung nnam fi ada, … mmum fi nkama ke edisana, akwa ubɔk mi.” Abasi ke ɔsɔngɔ Ndisana-owom Esie eke ofuri isua emana idem nte mmɔ edide edisana ufɔk Esie. Tɔŋɔ ke Kinshasa kesim Zollikofen kesim Fukuoka kesim Oakland, mme iwaad otode ke esit mmɔ, eyɔhɔ mme itie uduɔkmmɔŋ eke temple. Ke usen edem, ediwak mme anam utom nnyin ke temple esinyene iwat—edi idige ntre aba. Mme ɔkwɔrɔ-ikɔ emi ekotde, mme ɔkwɔrɔ-ikɔ emi enɔde uŋwam ye mbon emi ema ekenyɔŋ ukwɔrɔ-ikɔ edi edu ke ofuri ebiet. Udɔŋ ndisik mkpere Ufɔk Jehovah ke ɔkɔri ke ofuri ererimbot .

Ke isua kiet emi osuk ebede, edima ufan nyin, owo isua 95, emi odungde ke edem usoputin eke United States, emi mme ɔkwɔrɔ ikɔ Abasi ekpepde enye ŋkpɔ ke ufaŋ isua ata ye duop, ama ɔdɔhɔ eyen-aŋwan esie ete, “Ami nyom ndisaŋa ye afo nka temple.”

Eyen-aŋwan esie ama ɔbɔrɔ enye ete, “Ɔfɔn, Eka, ana afo ebemiso ana baptism.”

Enye ɔbɔrɔ ete “Ɔfɔn, ndien Ami moyom ndina baptism.” Enye ama ana baptism. Ke esisit usen ebede, enye ke ido ukpono ama ebe oduk itie uduɔkmmɔŋ eke temple. Ndien ke ɔfiɔŋ kiet emi osuk ebede, enye ama ɔbɔ endowment ye edidian-kiet esie. “Ifiɔk ye odudu Abasi ke atara; Ikpehe emi okofukde ererimot ke ɔtɔŋɔ ndisiaha.”

Ndi afo emekere abaŋa ntak emi Ɔbɔŋ etemede prophet Esie idahaemi ete anam edisana temple Esie ɔyɔhɔ ererimbot? Nso ntak ke Enye ɔnɔ uforo emi eyomde ke ata ini emi ɔsɔk mbon ediomi Esie emi otode ke mme edisana mbak-duop mmɔ, ekeme ndibɔp ekese temple Jehovah?

Usenubɔk emi, President Dallin H. Oaks ama owut ediye ndise emi owutde nte ebopde mme temple ke ofuri ererimbot. Mmi-mmi emi Kathy ye Ami ikidu ke Philippines. Kere baŋa utibe nkpɔ emi: Ekediɔŋ Temple Manila ke 1984. Edidi isua Edip-ye-itiokiet mbemiso edikure ɔyɔhɔ temple iba ke Cebu City ke 2010. Idahaemi, ke isua Duopenaŋ ebede, temple Duopekiet edu ke idak edibɔbɔp, ekikere nte editiede, mme mbeŋeidem man edi idiɔŋ. Tɔŋɔ ke enyɔŋ kesim usuk: Laoag, Tuguegarao, Santiago, Urdaneta, Alabang, Naga, Tacloban City, Iloilo, Bacolod, Cagayan de Oro, ye Davao. Oro edi ata ŋkpɔ mkpaidem ndikut utibe utom Abasi!

Ke ofuri ererimbot, ufɔk Jehovah ke edikpere nnyin. Ntak edide ke usen nyin?

Mme Akpatre Usen.

Jehovah ama ɔnɔ ikpan ete ke mme akpatre usen, ekɔŋ eyedu ke ufɔt mme idut, mme owo eyedi “mme ama idem,” “kpukpru ŋkpɔ [eye] du ke ntimede,” ndutime eyekpon, ndien “esit mme owo [eye] biaŋa mmɔ.” Ke akpanikɔ nyin imokut nte esit irenowo ye iban eyemede, editap ererimbot, ndutime uyo nduri, ndisin edibɔk eke spirit, edikpa mba otode akwa utom eke owo-mbet. Ndusuk afo ama ofuhɔ nte okutde owo emi afo amade, emi ke ini kiet eketiŋde ke esit akapnikɔ abanga mbuɔtidem esie ke Jesus Christ, eketiŋde ikɔ-ntiense abaŋa Nwed Mormon, okoyuŋ anwamde ke ndibɔp obio ubɔŋ Abasi,inikiet inikiet ɔwɔrɔde ɔkpɔŋ Ufɔk Abasi ye se enye ekenimde ke akpanikɔ. Item Ami nnɔde mbufo edi, ekuduɔk idotenyin! Kpukpru ofon ama! Ye Abasi, Iduhe se isɔŋde ikan ndinam.

Ye mme ndutime ye unana-mbuɔtidem ke ererimbot emi mme prophet eketiŋde ebaŋa, Jehovah ama ɔwɔŋɔ ete ke mbon ediomi eyedu, mbon emi enyenede udɔŋ ebet edifiak ndi Esie; mbon emi edade ke mme edisana ebiet emi minyuŋ isikke ikpɔŋ itie mmɔ. Enye ama etiŋ abaŋa ndinen owo emi ekpande abiaŋa andidiɔk, emi etunɔde mbuɔtidem mmɔ, enyuŋ ebuɔtde idem ofuri ofuri ke Andinyaŋa, Jesus Christ.

Nso ntak ke Jehovah ada ata ediwak mme temple Esie ekpere nnyin idahaemi? Ntak kiet edi ke ufɔt ndutime ye idomo ke ererimbot, Enye ama ɔnwɔŋɔ ndisɔŋɔ, nyuŋ ndiɔŋ mbon ediomo Esie ndien enwɔŋɔ Esie ke ɔwɔrɔ osu!

Mme enwɔŋɔ otode Temple Kirtland.

Didie ke ndisana ufɔk emi ɔsɔŋɔ, ekpeme, onyuŋ ɔdɔŋ nnyin esit? Nnyin ikut ibɔrɔ kiet ke mkpeubɔk Prophet Joseph Smith kini ekeberede Temple Kirtland. Ekedi ke temple emi ke Ndisana owo eke ekwɔ, “Nyin iyekwɔ inyuŋ ifiori ye udim ekɔŋ heaven.” Andiyaŋa ke idemesie ama ɔbiɔŋɔde, ndien mme prophet eset ema efiak edi, edinɔ mme ukpɔhɔre itie oku eke mfiak-men-ndi ikɔ Abasi.

Ke edisana ini oro ke Temple Kirtland, Prophet ama ɔbɔŋ akam ete ke edisana ufɔk Jehovah, ete Ndisana owo eyebɔ odudu Abasi nte ŋkpɔ-ekɔŋ, ke enyiŋ Jesus Christ eyedori mmɔ ke idem, ke angel Esie eyekpeme mmɔ, ndien ke mmɔ eyekɔri ke Obɔŋ enyuŋ ebɔ Edisana Spirit ɔyɔhɔ-ɔyɔhɔ. Akwa nkpeubɔk emi ɔwɔrɔ osu ke uwem nnyin nte nnyin ituakde ibuot ke mbuɔtidem ke ufɔk Jehovah.

Ndiyoho ye Odudu

Ke ufɔk Esie, enɔ nnyin odudu heaven. Mbuɔtidem nnyin ke Jesus Christ ye ima nyin inyenede inɔ enye ɔsɔŋɔ onyuŋ enyene uko. Nnyin ibɔ ɔsɔŋɔ spirit ibaŋa ata uduot nnyin ye ntak uwem odude. Nte nnyin inyenede mbuɔtidem, ediɔŋ nnyin ye ukpeme esio ke idomo ye ndutime. Nyin ikop ima Andinyaŋa nte Enye emenere nyin osio ke ukut ye mfuhɔ nyin. Eno nyin odudu Abasi nte ŋkpɔ ekɔŋ

Enyin Esie odoro Nyin ke Idem.

Ke edisana ufɔk Esie, nyin ida enyiŋ Esie ɔyɔhɔ-ɔyɔhɔ idori ke idem nyin. Kini ekenimde nyin baptism, nyin iyime ke nyin imiyene mbuɔtidem ke Enye inyuŋ inyime ndinim mbet Esie Ke temple, nyin ibiere ke uteŋe, otode ke ediomi nyin nditiene Enye ke nsinsi.

Mme iwaad Ufɔk Abasi edi utibe. Ke ɔkpɔsɔŋ ererimbot, mmɔ eda enyiŋ Christ edori ke idem mmɔ. Ke Heber City, Utah, ema enim anwa-anwa mbono nditim ntiŋ ikɔ mbaŋa temple emi eduakde ndibɔp. Iwaad ewakde esim Ikie ita ema eyɔhɔ kpukpru anwa ndiwut iberedem mmɔ kabaŋa temple emi eduakde ndibɔp. Akparawa kiet emi eketiŋde ikɔ ɔnɔ mme adaibuot ukara ke anwa-anwa mbono, ke uko anam anwaŋa ete, “Ami nyom ndidɔ ndɔ ke temple. [Temple eyeŋwam] mi ndinim idem mi asana nyuŋ nsana.” Iwaad efen ama ɔdɔhɔ ete ke temple ada-ɔnɔ unwana ye idorenyin. Mkparawa iren ye nkaiferi iban ufɔk Abasi ke ofuri ererimbot ke eyime enyiŋ Jesus Christ.

Mme Angel edu ye Nyin.

Ke Temple Kirtland, Prophet Joseph Smith ama ɔbɔŋ akam ete [yak] mme “angel [eye] kpeme [Ikɔt Esie].” Ndiwak nam edinam ke temple nnɔ mme ete ete nyin ke ekem ini ada inem ɔsɔngɔ ɔsɔk nyin ete ke uwem aka iso ke edem ikpehe.

Okposukedi ediwak ifiɔk-ukpep nyin ke Ufɔk Jehovah edide edisana emi owo mikemeke nditiŋ anwa-anwa, nyin imikeme ndibuana ndusuk mmɔ. Isua aba ke edem, kini nkeduŋde ke Florida, Kathy ye Ami ima inam isaŋ ika temple ke Atlanta, Georgia. Ke okoneyo Wednesday, May 9, 1984, nte nyin ikurede ke ikpehe temple kiet, anam utom kiet asaŋa ekpere mi onyung obup mme Ami mmeyene ini ndinam edinam preparatory initiatory kiet kpɔt. Enyiŋ owo emi Ami nkedade nnɔ ekedi esen-esen. Enyiŋ esie ekedi Eleazer Cercy.

Ke eyo esierede, temple ama ɔyɔhɔ ye Ndisana owo. Nte mbeŋede idem ndinam ɔyɔhɔ endowment mi iba usen oro, ema enɔ mi enyiŋ owo emi Ami ndidade-nnɔ. Ke nkpaidem, enyin oro ekedi ukem enyiŋ oro ekenɔde mi ke okoneyo emi ebede, Eleazer Cercy. Ami mmakop Spirit Jehovah nte endowment okurede. Ekedikem ke uwemeyo, kpa ke esit temple, Kathy ama okut akwaowo kiet emi ekedide ufan ufɔkemana nyin, Sister Dolly Fernandez, emi oduŋde idahaemi ke Atlanta. Sia enye mikisaŋake ye owo ufɔkemana esie ndomokiet emi edide erenowo, enye amaobup mme Ami nyekeme ndiŋwam ke ndidian ete esie ye ete ye eka esie. Eke edi nkp ukpono ɔnɔ mi

Nte Ami ntɔŋɔde-edɔŋ ke ibuot altar man enam edisana edinam emi, Ami mma nkop inikiet efen enyiŋ emi ekewetde ke esit mi, ete esie, Eleazer Cercy.ɔ Ami mmetim nim ke uwem emi ebede, Ami nyesobo nyuŋ mfat owo emi ekefiɔkde ke uwem ererimbot esie nte Eleazer Cercy.

Ediwak ifiɔk-ukpep nyin ke Ufɔk Jehovah eda idara emem ye suŋ-suŋ eriyarade ɔsɔk nyin akan ndikut utibe-utibe ubiɔŋɔ. Edi tim fiɔk emi: mme angel ke ekpeme nyin!

Edisana Spirit ɔyɔhɔ.

Eno nyin enɔ Edisana Spirit ke ini esɔŋɔde ndaha nyin nte owo Ufɔk Abasi. Kpukpru urua nte nyin idiade udia Obɔŋ ke usung emi odotde nditi Andinyaŋa nyin, enwɔŋɔ enɔ nyin ete ke Spirit Esie eyedu ye nyin kpukpru ini. Nte nyin idide Ufɔk Jehovah ke unyime esit, nsana-nkan ebiet ke ofuri ererimbot, nyin ikɔri ke Obɔŋ inyuŋ ikeme “ndibɔ Edisana Spirit ɔyɔhɔ-ɔyɔhɔ.” Otode ke odudu Edisana Spirit, nyin iyeyɔhɔ ye emem ye idorenyin emi owo mikemeke nditiŋ. Nyin ibɔ uko ndika iso ndi mbet Esie ekpededi kini nyin miduhe ke edisana ebiet.

President Russell M. Nelson ama ɔdɔhɔ ke: “Andinyaŋa ye Andifak nyin, Jesus Christ, eyenam mkpon-nkan utom Esie tɔŋɔ ke ini emi tutu esim ini edifiak ndi Esie. Nnyin iyekut mme utibe-nkpo ediwutde ke Abasi Ete ye…Jesus Christ … eda ibuot ke Ufok Abasi emi ke uboŋ ye odudu.” Ndinam Ufɔk Jehovah ɔyɔhɔ ofuri ererimbot edi akwa utom ye utibe idiɔŋɔ

Mme ndima ufan mi, edieke nyin inyenede ukeme edi nyin inamke kaŋa edika temple nyin awak, yak nyin iyom ediwak ini ndituak ibuot ke Ufɔk Jehovah. Yak nyin ibɔŋ akam ibaŋa mme temple emi esiande—man ekeme ndidep isɔŋ, mme ukara enɔ unyime ebaŋa nte eduakde ndibɔp, mme enyene-ifiɔk mbon utom ekut nte enamde enɔ mmɔ okpon, ndien ndisana edidiɔŋ mme temple emi ada unyim heaven edi ye edidi eke mme angel.

Mme Enwɔŋɔ

Temple enehede edi Ufɔk Jehovah. Ami nnɔ mbufo enwɔŋɔ nte edieke mbufo edidide Edisana Ufɔk Esie edifɔn-edifɔn ye ke ido akam, mbufo eye bɔ odudu Esie, enyiŋ Esie eye odoro ke idem mbufo, angel Esie eyekpeme mbufo ndien mbufo eye kɔri ke edidiɔŋ Edisana Spirit.

Jehovah ɔnwɔŋɔ ete , “Ofuri ukpoŋ eke esinde idiɔkŋkpɔ enyuŋ etiene Mi, ekot enyiŋ Mi, ekop uyio Mi, enyuŋ enim mbet Mi, eyekut iso Mi enyuŋ efiok ke Ami ndi Abasi.” Nsio-nsio ediwak usuŋ odu emi ekemede edikut iso Christ, ndien iduhe ebiet ɔfɔnde akan nte ke edisana Ufɔk Esie.

Ke usen ndutime ye ntimede emi, Ami nnɔ ikɔ-ntiense nte ke temple edi ufɔk Esie emi ediŋwamde nditim nyin nnim, ekpeme nyin, onyuŋ ebeŋe nyin idem ɔnɔ ediye usen emi, Andiyanga nyin edifiakde idi ye kpukpru ndisana angel Esie ke uteŋe, odudu ye akwa ubɔŋ. Ke enying Jesus Chrst, amen.

Mkpri nwed

1. “Itiat Idak Isong Mbufo Osongo Didie,” Ikwono. 85.

2. “The Spirit of God,” Hymnsno. 2.

3. There are currently 182 operating temples. Six are under renovation. Seven are awaiting dedication with one more awaiting rededication. There are 45 under construction and 94 more which have been announced or are in planning and design.

4. See Luke 21:10

5. 2 Timothy 3:2

6. Doctrine and Covenants 88:91

7. Elder David A. Bednar said: “Gospel principles are for me and you what a helm is to a ship. Correct principles enable us to find our way and to stand firm, steadfast, and immovable so we do not lose our balance and fall in the raging latter-day storms of darkness and confusion” (“The Principles of My Gospel,” Liahona, May 2021, 126).

8. Doctrine and Covenants 45:26

9. “If any man will come after me, let him deny himself, and take up his cross, and follow me” (Matthew 16:24

10. See Luke 1:37

11. See Doctrine and Covenants 87:8

12. Ikwo,no. 2.

13. Kese Doctrine ye Covenants 110 Prior to this time, the Prophet Joseph Smith had received the Aaronic Priesthood and its keys from John the Baptist, and he had received the Melchizedek Priesthood and its keys from the Apostles Peter, James, and John (see Doctrine and Covenants 13:1; 27:12–13).

14. Doctrine and Covenants 109:15; see also verse 22.

15. President Russell M. Nelson said, “The temple can help us in our quest. There we are endowed with God’s power, giving us the ability to overcome Satan, the instigator of all contention” (“Peacemakers Needed,” Liahona, May 2023, 101).

16. See Russell M. Nelson, “Choices for Eternity” (worldwide devotional for young adults, May 15, 2022), Gospel Library.

17. Elder Colin Stauffer, personal correspondence, Jan. 30, 2024.

18. Doctrine and Covenants 109:22

19. See Doctrine and Covenants 20:77, 79

20. Doctrine and Covenants 109:15

21. See Romans 15:13

22. Russell M. Nelson, “Revelation for the Church, Revelation for Our Lives,” Liahona, May 2018, 96.

23. President Brigham Young said, “We will have hundreds of temples and thousands of men and women officiating therein for those who have fallen asleep, without having had the privilege of hearing and obeying the Gospel” (Teachings of Presidents of the Church: Brigham Young [1997], 312). And Ezra Taft Benson said: “Our predecessors have prophesied that temples will dot the landscape of North and South America, the isles of the Pacific, Europe, and elsewhere. If this redemptive work is to be done on the scale it must be, hundreds of temples will be needed” (The Teachings of Ezra Taft Benson [1988], 247).

24. Doctrine and Covenants 93:1

25. Elder David B. Haight said:

    “It is true that some have actually seen the Savior, but when one consults the dictionary, he learns that there are many other meanings of the word seesuch as coming to know Him, discerning Him, recognizing Him and His work, perceiving His importance, or coming to understand Him.

    “Such heavenly enlightenment and blessings are available to each of us” (“Temples and Work Therein,” Ensign, Nov. 1990, 61).