Amamas long Presen bilong ol Prishud Ki

Presiden Russell M. Nelson i givim

Presiden bilong Sios bilong Jisas Krais bilong ol Seint long Las-de

Ol prishud ki lukautim hau prishud bilong God bai yusim long wokim ol pepos bilong Bikpela na blesim husat i akseptim ristod gospel.

Dia ol brata susa, tede em wanpela historik de bilong Presiden Dallin H. Oaks na mi. I bin 40 yias i go, long Epril 7, 1984, taim mipela bin kamap olsem Kwarum bilong Twelpela Aposel. Mipela bin amamas long olgeta jeneral konferens long dispela taim i kam, wantaim dispela. Wanpela taim moa mipela i pilim blesim bilong spirit i kapsait. Mi hop yupela bai go het long stadim toktok i kam long dispela konferens long ol mun i kam.

Taim Mi bin bon, i bin gat sixpela temple sanap insait long Sios—wanwan insait long St. George, Logan, Manti, na Salt Lake Siti, Utah; na tu long Cardston, Alberta, Canada; na Laie, Hawaii. Tupela Temple bipo i bin stap na op liklik taim long Kirtland, Ohio, na Nauvoo, Illinois. Taim olgeta Sios bin muv i go long wes, ol Seints i bin lusim ol tupela temple bihain.

Nauvoo Temple i bin kisim bagarap long paia. Bihain ol i bildim gen na Presiden Gordon B. Hinckly i dediketim. Kirtland Temple ol birua bilong Sios i bin bagarapim. Bihain Kirtland Temple ol lain Komuniti bilong Krais i bin kisim, na i ownim long planti yias.

Las mun, mipela toksave olsem Sios bilong Jisas Krais bilong ol Seint long Las-de i baim Kirtland Temple, wantaim sampela ol impoten histri hap ples long Nauvoo. Mipela i amamas long gutpela piling na rilesensip ol diskasen mipela i bin gat wantaim ol lida long Komuniti bilong Krais we i kam kamap long dispela tok orait.

Kirtland Temple

Kirtland Temple i gat ol planti gutpela samting long Restoresen bilong gospel bilong Jisas Krais. Sampela ol samting we bin kamap long hap bin profesai long taim tru na i impoten long restod Sios bilong Bikpela long fulfilim Las-de misin bilong en.

Impoten tru long ol dispela samting bin kamap long Ista Sande, Epril 3 1836. Long dispela de, Joseph Smith na Oliver Cowdery ekspiriensim wanpela siris bilong narapela kain visit. Nambawan, Bikpela Jisas Krais i kamap. Profet i rekotim olsem ol “ai bilong Seivia i bin olsem lait bilong paia; gras long het bilong em em i wait olsem piua snou; bodi bilong em i lait antap moa long lait bilong san; na nek bilong em i pairap olsem nois bilong bikpela wara i ron.”

Namel long dispela visitesen, Bikpela i tokaut long Em husat. Em tok, “Mi em pes na las; Mi em husat i stap, Mi em husat ol bin kilim; Mi sapot bilong yu wantaim Papa.”

Jisas Krais bihain tokaut olsem Em bin akseptim temple olsem haus bilong Em na mekim dispela gutpela promis: “Mi bai soim mi yet long ol pipol bilong mi long marimari insait long dispela haus.”

Dispela impoten promis i aplai long olgeta temple i dediket long nau. Mi invaitim yu long tingting wanem i promis bilong Bikpela i min long yu wanwan.

Bihain long visit bilong Seivia, Moses i kamap. Moses i konferim antap long Joseph Smith ol ki bilong bungim Israel na go bek bilong tenpela traib.

Taim dispela visin i pinis, “Elias i kamap, na komitim dispela dispesesen bilong gospel bilong Abraham” i go long Joseph.

Bihain profet Elijah i kamap. Kamap bilong Em i fulfilim promis bilong Malachi olsem bipo long nambatu kambek, Bikpela bai salim Elijah long “tanim bel bilong ol papa i go long ol pikinini, na bel bilong ol pikinini i go long ol papa bilong ol.” Elijah bihain konferim ol ki bilong siling pawa antap long Joseph Smith.

Impotens bilong dispela ol ki i kambek long ples graun long tripela maus man bilong heven aninit long daireksen bilong Bikpela i no inap abrusim. Ol Prishud ki i stap olsem atoriti na pawa bilong presidensi. Ol prishud ki lukautim hau prishud bilong God bai yusim long wokim ol pepos bilong Bikpela na blesim husat i akseptim ristod gospel bilong Jisas Krais.

Em i impoten long luksave olsem bipo long Sios i kamap, ol maus man long heven i konferim Aronik na Melkisedek Prishud antap long Profet Joseph na bin givim em olgeta ki bilong tupela prishud. Dispela ol ki givim Joseph Smith atoriti long kamapim Sios long 1830.

Bihain long Kirtland Temple long 1836, dispela konferal bilong dispela tripela moa ol prishud ki—nem bilong ol, ol ki bilong bungim Israel, ol ki bilong gospel bilong Abraham, na ol ki bilong siling pawa—i bin impoten. Ol ki givim tok orait long Joseph Smith—na olgeta Presiden bilong Sios bilong Bikpela—long bungim Israel long tupela sait bilong veil, long blesim olgeta kavanen pikinini wantaim ol blesing bilong Abraham, long putim wanpela sil long ol prishud odinens na kavanen, na long silim ol famili oltaim oltaim. Pawa bilong ol prishud ki i no inap pinis na i naispela tumas.

Tingim hau laip bilong yu bai narakain sapos ol prishud ki i no bin kam bek long ples graun. Taim nogat ol prishud ki, yu no i nap endau wantaim pawa bilong God. Taim nogat ol prishud ki, Sios bai sev olsem wanpela impoten tisin na humeniterien ogenaisesen tasol i no moa. Taim nogat ol prishud ki, nogat wanpela bilong yumi bai i gat ekses long ol impoten odinens na kavanens long pasim yumi long ol famili oltaim oltaim bai yumi long stap wantaim God.

Ol prishud ki i givim luksave long Sios bilong Jisas Krais bilong ol Seints long Las-de long ol narapela ogenaisesen long ples graun. Planti narapela ol ogenaisesen iken na wokim laip bilong yu moa gut long ples graun. Tasol nogat narapela ogenaisesen iken na bai influensim laip bilong yu bihain long dai.

Ol prishud ki givim yumi atoriti long ol promis blesing long Abraham long olgeta man na meri i kipim ol kavanen. Temple wok mekim dispela narapela kain ol blesing i stap long olgetapikinini bilong God, maski weo wanem taimol bin stap, o stap nau. Yumi amamas olsem ol prishud ki i stap gen long ples graun!

Mi invaitim yu long tingting gut long dispela tripela stetmen:

1. Dispela bung bilong Israel i soim olsem God i lavim olgeta pikinini bilong Em long olgeta hap.

2. Gospel bilong Abraham i moa evidens olsem God save lavim olgeta pikinini bilong Em long olgeta hap. Em invaitim olgeta long kam long Em—“bilak na wait, kalabus na fri, man na meri; olgeta i wankain long God.”

3. Siling pawa i antap truna i soim God i lavim olgetapikinini bilong Em na laikim wanwanbilong ol long sus long go bek long Em.

Ol prishud ki i kambek thru long Profet Joseph Smith i mekim isi long olgeta kavanen-kiping man na meri long amamas long wanwan ol spirituol privilis. Long hia gen, i gat planti long lainim long sekred histri bilong Kirtland Temple.

Dediketori prea bilong Joseph Smith long Kirtland temple i wanpela taim long lainim hau temple save strongim yu na mi long spirit long mitim ol salens long laip long dispela ol las de. Mi enkarisim yu long stadim olsem prea insait long Doktrin na ol Kavanen seksen 109. Dispela dediketori prea, we i kam long revelesen, tis olsem temple i “haus bilong prea, haus bilong fasting, haus bilong feit, haus bilong lainim, bilong glori, haus bilong oda, haus bilong God.”

Dispela lis bilong ol atribiut i moa long wanpela hap tok bilong wanpela temple. Em i wanpela promis bilong wanem i ken kamap long ol husat i sev na wosip long haus bilong Bikpela. Ol ken ekspektim long kisim ol ansa long prea, wanwan revelesen, bikpela feit, strong, kamfot, bikpela save, na bikpela pawa.

Taim insait long temple bai helpim yu long tingting Selesel na kisim wanpela visen bilong yu husat tru, husat yu ken kamap, na wanem kain laip yu ken i gat oltaim. Wosip long temple planti taim bai helpim yu save luksave long yu yet na hau yu fit long plen bilong God. Mi promisim yu olsem.

Yumi gat promis olsem insait long temple yumi bai “kisim wanpela fulnes bilong Holi Spirit.” Tingim wanem dispela promis min long gat heven i open long ol wanwan husat i painim tok tru bilong oltaim oltaim.

Yumi i kisim toktok tu olsem olgeta husat i wosip insait long temple i go autsait wantaim o ensel i gat “was antap long ol.” Amas moa bai apim konfidens bilong yu long save, olsem wanpela endau meri o man i gat pawa bilong God, yu no nid long pesim laip yu yet? Wanem strong i kam long yu long save olsem ol ensel bai helpim yu?

Las tru, yumi gat promis olsem “nogat ol wanem kain pasin nogut” bai winim ol husat i wosip insait long haus bilong Bikpela.

Save long ol spirituol privilis we i mekim isi insait long temple i impoten long yumi wanwan tede.

Ol dia brata na susa bilong mi, hia em promis bilong mi. Nogat samting bai helpim yu moalong holim strong ain stikmoa long wosip insait long temple planti taim olsem ol situesen i alauwim. Nogat samting bai protektim yu moa taim yu pesim klaud bilong tudak bilong wol. Nogat samting bai strongim testimoni bilong yu long Bikpela Jisas Krais na Atonmen bilong Em o helpim yu klia moa.long gutpela plen bilong God. Nogat samting bai helpim spirit bilong yu moa long ol taim bilong pen. Nogat samting bai opim ol heven moa. Nogat samting!

Temple emgetwe long ol bikpela blesing God i gat long yumi wanwan, long temple em i wanpela ples tasol long ples graun we yumi bai kisim olgetablesing we i promis long Abraham. Dispela em wai yumi mekim olgeta samting long pawa bilong yumi, aninit long daireksen bilong Bikpela, long mekim ol temple blesing kam moa klostu long ol Sios memba. Olsem na, Mipela i amamas long anaunsim plen long bildim wanpela nupela temple long wanwan bilong dispela 15 pela hap:

• Uturoa, French Polynesia

• Chihuahua, Mexico

• Florianópolis, Brazil

• Rosario, Argentina

• Edinburgh, Scotland

• Brisbane, Australia south area

• Victoria, British Columbia

• Yuma, Arizona

• Houston, Texas south area

• Des Moines, Iowa

• Cincinnati, Ohio

• Honolulu, Hawaii

• West Jordan, Utah

• Lehi, Utah

• Maracaibo, Venezuela

Ol dia brata na sista, Mi testifai olsem dispela i Sios bilong Jisas Krais bilong ol Seint long Las-de. Em i sanap long het. Yumi ol disaipel bilong Em.

Larim yumi amamaslong restoresen bilong ol prishud ki we i mekim isi long yu na mi long amamas long olgetaspirituol blesing yumi i wanbelna woti long kisim. Mi testifai long sekret nem bilong Jisas Krais, amen.

Ol nout

1. I filled the vacancy in the Quorum of the Twelve left by the January 11, 1983, death of Elder LeGrand Richards. Elder Oaks filled that which was left by the January 11, 1984, death of Mark E. Petersen.

2. September 09, 1924.

3. The dedication of the rebuilt Nauvoo Illinois Temple by President Gordon B. Hinckley occurred on June 27, 2002, the 158th anniversary of the martyrdom of Joseph and Hyrum Smith.

4. Just one week after the Prophet Joseph Smith dedicated the Kirtland Temple.

5. Ol Doktrin na Kavanen 101:3.

6. Doktrin na ol Kavanen 110:4.

7. Doktrin na ol Kavanen 110:7.

8. Lukim Doktrin na ol Kavanen 110:11.

9. Doktrin na ol Kavanen 110:12. This was a perpetuation of the promise the Lord had made to Abraham thousands of years earlier (see Genesis 18:18; 1 Nifai 15:18.

10. Lukim Malachi 4:5–6.

11. Lukim Doktrin na ol Kavanen 110:13-16.

12. Lukim Doktrin na ol Kavanen 13; 27:7–8, 12.

13. Lukim Doktrin na ol Kavanen 20:1–4.

14. When the Lord told Joseph Smith that this dispensation is the time when “nothing shall be withheld” (Doctrine and Covenants 121:28), it was because these priesthood keys had been returned to the earth.

15. Lukim Doktrin na ol Kavanen 95:8; 109:22.

16. Lukim Doktrin na ol Kavanen 132:45–46.

17. 2 Nifai 26:33; emphasis added.

18. Doktrin na ol Kavanen 109:8.

19. Doktrin na ol Kavanen 109:15.

20. Doktrin na ol Kavanen 109:22.

21. Lukim Doktrin na Ol Kavanen 109:24–26.

22. Meaning the word of God.

23. Lukim Doktrin na ol Kavanen 110:12; 132:29–30.