Kamub ko fare Galasia ko Falflaen’
Bochan e wo’en e bayul rok fare Tabayul rodad, Yesus Kristus, ma rayog ningad—fa thingarda—falflaen’ gad uroey u fayleng!
Kug tawfe ni gag ea gidi’en Fare Galasia ku Yesus Kristus ni fan ko Giddi’en Got ko Tin Tomur e Rran ko Christmas Eve ko 1987, nike gaman 37 e duw. Reb e rran nrug falflaen’ riy ko rofan nem, nge lane yofas ko manemus, mrug pining e magar ngak pifagar rog nikar magargad kar ayuwegned gag ngsum ko reb e yofas nib mangil ko rran.
Demturug yang gin nikan tawfe nigem riy ko fowap fa boch e duw nike yan, fa kan mada’ ko Galasia ko gin nib ga’ e na’un riy fa tane tent, fa kam fek e sacrament ni ngam laminag fare Tabayul u Thai fa Swahili, rguba’agag ni nggu yoeg ngom, karimub ko galasia ko falflaen! Kamub ko fare galasia ko falflaen’!
Fare Galasia ko Falflaen’
Bochan fare murwel ko adag rok e Chitamangdad nu Tharmiy nfan ngak pfak, nge bochan e wo’en e bayul rok fare Tabayul rodad, Yesus Kristus, ma rayog ningad—fa thingarda—falflaen’ gad uroey u fayleng! Demturug ko yiko’ nibe yib ngalan e yofas rodad u dakaen e biney e fayleng ny’or e mgawon riy, nrayog ningad gayed e falflaen’ nge gapas nbochane athapeg nibay rodad ngak Kristus nge tin nigadbe nangfan ko fare murwel nfan e falflaen’.
Fare ilal ni Apostal rok Somoel, President Russell M. Nelson, e ke weliy mornga’agen e falflaen’ ngak Yesus Kristus ko gubin ngiyal’ ni non ko napan ni mang e President ko Galasia. Ke puthuy nga t’abang ni weliy nib fel’rogon: “Falflaen’ e ke yib ko rin’ed nbochan Ir. … Ko Gidii’en Got ko Tin Tomur e Rran, Yesus Kristus e ir e falflaen’!”
Gadad gidii’en fare Galasia ku Yesus Kristus. Gadad gidgi’en fare galasia ko falflaen’! Ni dariy bang ngadra falflaen’ riy ma kemus u lan fare madnam nge m’olung ko sacrament nyibe tayfan ko gubin rogon e falflaen’. Uroey e kad mukun gad riy ko ward nge branch ningad celebrate niged fare sakrament ko fare Abich ni tay fare Somoel, ni dinen nge yam’ rodad ni m’anag, nge gelngin e murnguy ko fare Tabayul! Uroey e kadbad ngay ni ngad nanged e falflaen’, magif, n’agfan, pining a magar, nge tin binen’ nibay u fathik Yesus Krsitus!
Iraray e thothup u fithik Kristus ni kam pat ngay? Iraray e tin ni kam fek? Ma sane gabe lem nag ni dariy fan e tiney bugibinen ngom, fa kobachane kam macham ko boch binen nike par ni’arogon. Gadad gubin nrayog ni ngad pi’ed reb, ni demturug e duw fa murwel, ni nge suguy e m’olung ko sacrament ko-falflaen’, u-lan Kristus, ko gubin e awa, nbay e y’al ko falflaen’ nyibe tayfan.
Tayfan e Falflaen’
Tayfan e falflaen’? Sana gara fith “mkubay binen’ ni amorgon?”. Ma riyul’, e ran’ir! Gadad ma t’ufeg, tayfan, min liyoer ngak Got, ma fol rodad e be yib ko y’al ni bay e falflaen’ u fathik e adag rok Kristus, murnguy rok, nge fare tanom ko fas ko yam’! Re tayfan ko falflaen’ u dakaen fare Somoel e ra’i dag ko rogon m’amngin e thothup ko m’olung ko fare sakrament.
Machane, bay e y’or nyima laminag, ni tayfan e be yipfan: nkemus ningad ulunged pa’dad u dakaen rongrandad, migad sobut’eg loelgidad ngabuut’, migad ninged owchidad, ndabni—mithmith! Biney e rayog ningan fil ko bitir nib y’or gelnginrad ko fafal’, machane yadra ilal, mab t’uf ningar nanged ni tayfan e b’or boch fan nib ga’fan. Iraray rogon dad ni fa’anra ngab fare Tabayul rodad ngodad? Dathi arogon, ni u lan “i [Ir] e kam suguyeg ko felfelan”!
Machane, bochan nibe thilthil rogon ere m’olung ko re sakrament ney ma bochigadad ni ra’i yan u dakaen nib y’or yay nga nang rogon.
Kemus ni ngan un ngay fa ngan Liyor ngay
Gathi kemus ni ngad gakgad nga t’abang ko madnam ni ngad feked fare sakrament ko m’olung migad check nag ko list rodad. Gadma yib ni ngad liyorgad u t’abang. Bay thalin nib thil ko l’agrow ii galin’ef. Ngan unngay e kemus ninganib nga’. Maf’anra ngad liyorgad mangad ogniged e magar ngak e Got rodad u lan gubinyang gin nigad be thil riy!
Go gin ningan Sak’iy riy fa p’owchan urngin e girdi’ nike Mokun.
Fa’anra gadadbe kunuy nga ta’abang ni ngad lamniged fare Tabayul rodad nge bayuliy ni tay Ni’i micheg nfan ngodad, ma owchidad e ra’i dag e magar ko l’agaen’uy! Elder F. Enzio Busche e ii yoeg e yat napan ni’ir ba branch president niba’ ba pagal nib fal’yangran u fathik e ulung ni guy nike sakiy ngalang me ga’ar, “Mang e be rin’e biney e pum’on ngalang nib damomow owchan?” Pich’an niyadma par ko gin ningan non ngay—nwoed e pich’an ningar nonad, fa pich’an nibga’ lingunrad, fa gidi’en e tang—nge pich’an niyadma mo’lung ngat’abang e “yadma yib ko galasia nigaram guy u owchirad e falflaen’!”
Tang ko Babiyor
Napan nigad ra tang gad, ma gadad be ’un nga ta’abang ni ngad ogniged e magar ngak Got fare Pilung rodad, ndemturug rogon lingandad, fa dawor da tanged? Chep ni thothup e bay ni weliy ni “tang ko tin nib riyul’ e woed a meybil ngak [Got]” ma y’al rok e ra’i falflaen’. Ere ngad tang gad! Migad ogniged e magar Ngak!!
Numon nge Michriy
Napan ni gadad ra tay nga lukngun e tin ni gadad be micheg ko Chitamangdad nu Tharmiy nge Yesus Kristus nge wamngin e sobutan’ ko Par ko gospel, wamngin “niʼir e thʼabi athibthib u fithikʼ gubin e athibthib.” Mfin gadra “kay e re waʼamngin … nge madaʼ ko ngiyalʼ ni kam fos [gaed], ma dab ki yib e makʼiy [ngomed] … fa balel,” me ba’ud e tin nib tomal ngodad, u fathik e falflaen’ rok fare Pagal Nfak.
Fare Sakrament
Tin nrib ga’fan ko fare muruwel rodad e bay tow’athanriy nima yib ko fare sacrament, fare flowa nge ran nibe yip’fan fare tow’ath ko bayul rok Somoel nge fan e ulung nigadma tay. Ireray ea “ngiyal nib thothup ni ngan bi’ech nag ea ya’el” ni napan ni ngad micheged bayay ni bay da feked nga dakaen daed fithingan Yesus Kristus ngad fal’eged bayay fare m’ag ni bay da tayed u wun’med fare Somoel ni gubin ngiyal ngad folgaed ko fapi Motochiyel Rok’.
Mbay boch ngiyal’ u lane yofas, nrayong nigadra fek fare sacrament nib y’or e tomal ko gum’ircha’endad nga tomalngin e gafgow. Ma kubay boch ngiyal’, nigadra fek ndariy binen nibe tomal nigey. Npan nigadra matal nibay lanin’nuy riy ko fare tow’ath ko fare flowa nge ran migad fek e pin’ef nib thothup, Mra’iyan laniyan’dad ko fare miligach ni tay fare tabayul, nge amith ni yib Ngak u Gethsemane, gafgow ni amith riy ko kruth, nge kiriban’ nge amith ni athamgil riy u fathik nfan ngodad. Binem e ra pi’ e gapas ko ya’al rodad npan nigadra ululnag ngat’abang e gafgow rodad ngak. Ma boch ngiyal’, nra l’agaen’ owchidad ko gelngin fal’ngin nge fel’ usun riy migad pining e magar ko fal’ngin e tow’ath rok Yesus nikan pag rogon ko yofas rodad nib manemus! Bay da falfalaen daed ni fan ko tin ni dawori yib—ngiyal ni gadaed ra un ku Chitimangdaed nib t’uf rodaed nge fare Tathapeg ni ke fas ko yam.
Bay bochigadad sana ke macham rok nra yib ninge fek fare sacrament ma par uroem u buut’ nga laminag ko uwurngin ngiyal’ nike rin’ e kireb ko binef e wiik. M’amsoen ngan sapeg e tin nyima yan u dakaen nge loelgey. Ma f’anra dam mithmith, ma rayog ninge yib nga laniyan’dad ko urngin ngiyal’ nikad guyed wo’en Somoel nibe dag ngodad e t’ufeg Rok u lane re week nem! Rayog ningad sap gad ko mang e be yip’fan “pat ko fal’ngin e kalngan’ ko gubin e rran.” Nrayog ningad pii’ed a magar ngak fare Tabayul rodad ko ngiyal’ ni’i yib npan nigadbe falflaen’ fa gadbe gafgow, nge ngiyal’ nid thamiyed e murunguy rok nge n’agfan, nge gelngin nibe pi’ ngodad ningad athamgiliyed u fathik e gafgow ko gum’aen nge falflaen’.
Arogon, ma gadma laminag ko gafgow nin tay ngak fare Tabayul rodad nfan ko denen rodad, me tomilang nag rogon ningad m’onogad. Machane bay boch ngiyal’ nigadra mitmit u roem—u lan fare mil’ay, u dakaen e kuruth, u lan fare malang nin k’eyag riy. Kad mulgad ko yan nga m’on ko falflaen’ ko fare malang nin k’eyag riy nike mab, nike chegnag ko yam’, ni Kristus e ir e gel nag rok ninge siyeg urngin bugibinen nra gathay e gapas rodad ninge yog ningad suled biyay ko tabinaw rodad u tharmiy. Woed nibe lul’ e luuq u owchey ko l’agaen’ fa kiriban’, ngam laminag nreb e thin e ram nike pi’ fare Chitamangin ni tow’ath nfan ngak fare Pagal Nfak!
Gallabthir nbay e Bitir Nib Fel’yangran fa Boch Nbay Binen Nib T’uf Rorad
Ere, gallabthir nbay e bitir rorad nib fel’yangran fa bay binen nib t’uf rorad, e dariy’ e ngiyal’ ni bay e par nge dabni mithmith fa ni matal u lan e sacrament. Machane bay boch ngiyal’ u lan e wiik, nrayog ningam fil buch’uw ngorad u fathik e t’ufeg, l’agaen’, nge falflaen’ nigabe thamiy ko fare Tabayul npan nigabe ayuweg fapi fak e saf ni achichig Rok. Dariy’ reb ko athamgil roem nran gathay. Got e ma nang em.
Tabinaw, Ward, nge Lungun e Branch
U tabinaw, e rayog ningad filed bugibinen ni y’or ko athapeg ko tin ni ngad nanged ko ngiyal’ nigad bay u lane galasia. Ma ulung u tabinaw, e rayog ningad weliyed u fathikdad ko urugon nrabe’ me pi’ reb fal’ngin ko rogon ninganib nga galasia ko falflaen’! Rayog ni ngad duguliyed e athapeg ko falflaen’ u galasia.
Ma ulung ko ward nge branch e rayog ningar fal’agined reb e yilan ko falflaen’ u lane awa ko sacrament, ni nge yog e kanawo’ ko rogon ningan pi’ e ayuw.
Falflaen’’
Falflaen’ e ma yib nib thil ngak bugin e girdi’. Boch, e ma yib ngorad nran mada’ nagrad ko mab. Ma boch, e ma yib ngorad npan niyidra filaeg’ e changer rorad ngak boch e girdi’ miyad par nga chiranrad nib fael’ u gum’ircha’enrad. Ko gidii’ ni ba thamiy ni pagtalin ngorad, fare falfalan ko biney e ayuw e tha’bi ga’. Rani tay ngay, ma ngad fithed ngodad ko urugon nra’adag fare Tabayul rogon e awa ko sacrament rodad. Urugon nra’adag fapi bitir Rok ninge yib, ngan ayuwegrad, chathowliy, min t’ufegrad? Urugon Niba’adag ni ngad thamiyed napan ni gadad ra yib ni ngad fol gad nge tayfaned e meybil rodad Ngak?
Thin Tomur
U lan s’omon e kanawo’ ko mich rog, ma falflaen’ rog ngak Yesus Kristus e reb binen nug pat ngay s’omon, me thiliyeg rogog. F’anra dawrum pat ko biney e falflaen’, ma ngam man ngam gay. Yibe piningem ni nge yogngom e tow’ath ko gapas rok ko fare Tabayul, nge tomilang, nge falflaen’—ni ngan par u fathik, min lam u fathik, min falflaen’ u fathik ko gubin e madnam.
Ammon u lan fare Babiyor ku Mormon e ii weliy salpen e tini thamiy u gum’ircha’eg napan ni yoeg:
“Ere chiney e dariy tapgin ni ngad falfalaenʼ gaed? Arragon, gube yoeg ngomed, dariy bingyalʼ ni immoy [e gidiiʼ] ni bay tapgin ni ngar falfalaenʼ gaed ni boed rogdaed, ni kaʼaram iyib ko ngiyalʼ nni sunmiy e fayleng riy; arragon, nge falfalaenʼ rog e ke fekeg iyaen, ni nggu ʼuf ko Got rog; ya ir gubin e gelingin, nge gubin e gonop, nge gubin e nangaenʼ; ma gubin banʼen ma rayog rokʼ, ma ir Beeʼ nib sug ko murnguy, nge madaʼ ko ngiyalʼ ni ke yog e yafos ni manemus, ngakʼ e piʼin ni yaedra kalngaenʼ me michaenʼraed nga fithingan.
“Ere chiney e faʼanra ireray e ʼufʼuf, me ere nggu ʼufʼuf; ya ireray e yafos rog nge tamilang rog, … falfalaenʼ rog, nge thap rog.”
Kamub ko fare galasia ko falflaen’ U dakean fithngan Yesus Kristus, amen.