Te Unimwaane ae D. Rex Gerratt
Man te Itingaun
E kamatoaaki te Unimwaane ae D. Rex Gerratt n 5 Okitobwa 2002 bwa kaan te Kauoua n Kooram n te Itingaun. “I tuai man anganaki te wewete ae I namakina te rau ni karaoana, ma I ataia bwa antai are e weteia te Uea, e katauraoi te Uea ao e ibuobuoki,” e taku te Unimwaane ae Gerratt, te tia ununiki ao kaikawaiia maan mai Idaho. “Ngkai I a tia ni butimwaai wewete nikabane i nanon maiu, I a rangi ni kukurei n ana ibuobuoki Tamau are i Karawa n aron kakoroan nanon bwaai ni Baina.”
Te Unimwaane ae Gerratt e bungiaki i Heyburn, Idaho, n 9 n Eberi 1936 nako Donald Wayne ao Ann Bailey Gerratt. E ikawai rake i rarikin Burley, ni buoka tamana ao tarina n ununiki. E mare ma raraona i nanon uarerekeia, Marjorie Crane, i Idaho Falls Tembora n1955. Iai natiia aika ruaman ao 35 tibuia.
“I kona n uringi mwaitin taian ingabong ngke ti aki toki n tetekateka ma natira i akun ara auti ma ara kamea, ni karinii ara kau ni katauraoara ni kamiriki taian kao,” e taku te Unimwaane ae Gerratt. “Te tari ae Gerratt ao Ngai, ti bon, tabeakiniia natira, ma bon iai nanomatoara i rouiia i bukina bwa a bane n ataia bwa a na kanga ni mwakuri korakora ao bon iai aia koaua n te euangkerio.”
Ni mwakuri korakora n ana mwakuri ao n ana kaawa e a bon uota karinean te Unimwaane ae Gerratt n aron are e rineaki bwa e rianako tamaroana n te Idaho Dairy ao n te Southeastern Idaho Livestock Hall of Fame. E aranaki naba bwa te tia ununiki ae e tararuai raoi aron mweeraoia ana man ao arokana n te ririki.
Weteana n te Ekaretia e bon reke naba te Mataniwii n te Aona n te Itingaun, beretitenti n te mition, te tia tei man te tabo, beretitenti n te titeiki, te kiraaka n te titeiki, bitiobi, te kiraaka n te uote, ao te tia reirei n te mweenga. Taian wewete aikai a buokia n reireinna te kakarabwarabwa ao kakauarerekean bonganaia aomata.
“Ngkana ti noori kakabwaia aika ti karekei mai roun Tamara are i Karawa ao are ti bon kairaki i roun te burabeti ae Maiu,” e taku te Unimwaane ae Gerratt, “ti riai n rangi ni kakaitau ao n kakaonimaki ni karaoi ara mwakuri nakon ara kabanea n tamaroa n taai ake ti tuangaki iai bwa ti na mwakuri Ana Ekaretia.”