Manatu mo afiafi faaleaiga

E mafai ona faaaogaina nei manatu e aoao atu ai i potuaoga faapea foi i le aiga.

“O Le Faamanatuga— ma le Taulaga,” i. 10: Ia moeiini mata o tagata taitoatasi o le aiga. Fai i tagata o le aiga e vaai faalemafaufau i o latou papatisoga, tagofia o le faamanatuga, ma se vaaiga mai le soifuaga o le Faaola. O le a le mea e tutusa ai nei vaega? A uma ona faamatala atu mea na aoaoina e Elder David B. Haight a o ona le iloaina se mea, ia valaaulia tagata o le aiga e faamatala pe faapefea ona fesootai le faamanatuga ma le taulaga a Keriso. Ia lisi ni auala e manatua ai le Faaola a o tagofia le faamanatuga.

“O Savali e Tolu i le Autalavou Matutua,” i. 26: Tuu atu i tagata o le aiga e tusi se ata o o latou olaga i le 20 tausaga o loo lumanai. Tuu atu ia i latou e tusi ona talanoaina lea o mea latou te faamoemoe e faataunuuina. Faitau le fautuaga mai ia Elder Earl C. Tingey o le a fesoasoani ia i latou e fuafua ai mo le fiafia.

“O Le Saolotoga e Siva Ai,” i. 32: Fai atu i tagata o le aiga e tusi ni sini latou te mananao e ausia. Valaaulia i latou e faasoa mai ni manatu i auala e ausia ai a tatou sini. Faitau ma talanoaina filifiliga o loo faia e Mavi e ausia ai lana sini. Ia faamamafa atu o uiga ma amioga amiotonu e taua i le ausiaina o a tatou sini.

“O Pupuni o le Lagi,” i. 40: Ia aumai e tagata o le aiga ni mea faitino e taua ia i latou ma faasoa mai le mafuaaga latou te faatauaina ai. Ia faasoa atu le tala i tamaitai e toafa i Initia. E faapefea ona taua a tatou sefuluai i le Alii? Faamatala le aafiaga o le faapaiaga o le falelotu i Initia. Na faapefea ona faamanuiaina tagata e ala i le totogiina o le sefuluai? Ia faailoa ma talanoaina folafolaga na faia e Elder H. Bryan Richards mo le totogiina faamaoni o le sefuluai.

“O Uunaiga a se Tina,” i. U14: Ia faaali atu se ata o se aiga. Ia talanoaina pe faapefea ona tuuina atu e se tina le taitaiga mo tagata taitoatasi o le aiga. Ia faamatala le auala na taitaia ai e le tina o Elder Carlos H. Amado o ia ina ia papatisoina ma faia se misiona. Tuu atu i tagata o le aiga e fai ni kata mo lo latou tina, e faafetaia ai o ia mo lana uunaiga.