Ua Faatumu te Peresideniraa Matamua i ni‘a i te Mesia i roto i te Pureraa

«I te mau tau atoa o te matahiti, aita’tu ïa e ava‘e nehenehe roa‘e i to Noela », o te parau ïa a te Peresideni Gordon B. Hinckley i roto i te Pureraa Noela matahiti a te Peresideniraa Matamua tei faatupuhia i roto i te Pû Amuiraa o Roto Miti e o tei haapararehia na roto i te ao atoa nei.

« Te faaputapu atu nei to matou aau i te feia riirii. E rê te here i ni‘a i te feii… E tupu iti a‘e te here i te puai, e e horo‘a maitai a‘e te aau. Titauhia tatou ia haapuai i te mau turi paruparu e ia faateitei i te mau rima o tei topa. Ua faaoaoahia te aau o te mau tamarii. Ua itehia te huru ê raa i roto i te reva. Te vai nei te hoê tereraa hohonu no te oaoa ».

I muri mai i to’na faahitiraa i te pohe o to’na metua vahine na mua rii noa‘e i te Noela o te matahiti 1930 e i te pohe o ta’na vahine i te matahiti 2004, teie ta te Peresideni Hinckley i parau: « Te anaana i roto i te mau pouri atoa, o te hoho‘a ïa o te Tamaiti a te Atua, o tei horo‘a i To’na ora ia ora tatou. Teie te auraa mau o Noela, te parau mau o te Taraehara, tei pŭpŭhia e te Faaora o te ao nei ».

Ua faaite papu te Peresideni Hinckley e ua pûpû te Faaora i te ti‘aturiraa no te ora i te taato‘araa, oia’toa i to teie tau no te mau tama‘i, te pe‘ape‘a e te mau fifi rarahi.

Ua parau te Peresideni Thomas S. Monson, Tauturu Matamua i roto i te Peresideniraa Matamua e, ua riro Noela ei « taime no te mau utuafare; ei taime no te haamana‘oraa; ei taime no te aau mehara.

« Te varua o Noela o te varua ïa no te here e no te pipiri ore e no te maitai… Te varua o Noela o te hoê ïa mea o ta‘u e ti‘aturi nei no tatou paato‘a ia vai i roto i to tatou aau e i roto i to tatou oraraa eiaha noa no teie tau taa ê area râ, no te matahiti taato‘a ».

Ua parau te Peresideni Monson e, ia tape‘a tatou i te varua o Noela, e tape‘a ïa tatou i te Varua o te Mesia.

« Te parau e ‘aita e piha’ aita ïa te reira i faaroo-noa-hia e Iosepha e Maria hou te fanauraa o Iesu area râ, ua faaoroma‘i-atoa-hia te reira e Ana i roto e rave rahi mau tumu o Ta’na misioni », o te parau ïa a te Peresideni Monson.

« I roto i to tatou mau fare i teie mahana, te vaira te mau piha tamaaraa, te mau piha ta‘otoraa, te mau piha no te faaoaoaraa. Te vaira anei ta tatou piha no te Mesia ? E taime to tatou no… te mau faaoaoaraa ei tuhaa no to tatou oraraa o te mau mahana. E taime anei to tatou no te Mesia? »

Ua haapii te Peresideni James E. Faust, Tauturu Piti i roto i te Peresideniraa Matamua e « i teie taime o te matahiti a faahanahana ai tatou i te fanauraa o te [Faaora], e mea ti‘a atoa ia rave tatou i te taime no te haamana‘oraa na roto i te faaturaraa hohonu i To’na pohe e i te haamo‘araa teitei o te Ti‘afaahouraa ».

I roto i ta’na mau parau, ua faatumu te Peresideni Faust i ni‘a i te hoê a te Fatu « mau haapiiraa rahi e te hohonu… ia rave no vetahi ê te mea o ta ratou e ore e rave no ratou iho ».

Te faaho‘iraa ma te faaite ore i te here o te Faaora, teie ta te Peresideni Faust i parau. « Te hinaaro nei au e faaite i to‘u faahiahia e to‘u mauruuru i te taato‘araa o tei iriti i to ratou aau e ia horo‘a na vetahi ê.

« Te feia atoa o te horo‘a ma te faaite ore e farii ïa i te mau mana‘o au o te Varua i roto ia tatou e o te î roa i roto ia tatou ia rave tatou i te hoê mea no vetahi ê ma te ho‘i-ore i muri. Te horo‘araa ma te faaite ore, o te huru ïa o te horo‘araa o te haamo‘araa teitei ».