Lewena
MAJI, 2008
IVOLA 11 • NABA 1
KO NI SA KIDAVAKI MAI KI NA ILAVELAVE OQO
Ni o wilika na itukutuku vakaivolanikalou ni Nona bula kei na veiqaravi, ko na kila na levu ni nona dau vakaraitaka na loloma o Jisu Karisito. A veivakabulai ka veivakalougatataki. E raibaleta na malumalumu vakatamata me raica na yalo—ka solia na vakanuinui, na veivakabulai, kei na veivosoti mai na Nona veiqaravi, ivakavuvuli, kei na veisorovaki cecere.
E bula tiko na iVakabula vata oqori, na Luve ni Kalou. E kila o Koya na yaloda ka lomani keda. Sa dau yalololoma ka gadreva me vakalougatataki keda. Oqori na itukutuku ni mekesini oqo. O ni na vakila ena nodra vosa na parofita kei na iapositolo bula, ka ra vakavuvulitaka se o cei o Karisito, kei na veika e vakarautaka tu vei keda o Koya. O ni na kunea ena nodra ivakadinadina na tamata wale ka sa vakalougatataki tu na nodra bula ena nodra ciqoma na veisureti nei Karisito me ra lako yani Vua, vulica na veika e baleti Koya, ka muri Koya.
Keimami sa sureti kemuni mo ni vulica na itukutuku eso oqo ena yalomasumasu, tugana sara ki yalomuni, ka wasea vei ira na tani.
—O ira na kena edita
VAKAYAGATAKI NI ILAVELAVE OQO
Kila na iTutu Eso nei Jisu Karisito. Ena loma ni ivolanikalou taucoko e kilai ko Jisu ena vuqa na yaca. Eso vei ira ena veivosakitaki ena ivola oqo. Na veisala cava soti o sa vakila kina na Nona loloma mai na nomu kila na Yacana kei na kedra ibalebale ki na nomu bula?
Vakadinadinataka na iVakabula. Ni o wilika oti na “Yaco me iVakadinadina kei Karisito“ (t. 00[58]), vakasamataka eso na sala ena rawa kina vei iko—mo tu—ka Kena ivakadinadina. E vaqaqacotaka vakacava na nomu vakabauta na veika oqo?
Vakavulica ka Vulica na Kosipeli. Na Lotu i Jisu Karisito ni Yalododonu Edaidai sa vakarautaka tu e vuqa sara na ivurevure ni veivakavulici ena kosipeli ena veivuvale kei na Lotu. Me baleta na kena itukutuku tale eso, sikova na www.ldscatalog.com se na nomu sitoa ni Lotu.