O Se Savali o le Kerisimasi mai le Au Peresitene Sili i Tamaiti o le Lalolagi

O Le Mulimuli i le Malamalama

“Ua fanau Iesu i Peteleema i Iutaia i ona po o Herota le tupu, faauta, ua oo mai ai makoi mai sasae i Ierusalema,

“Ua faapea mai, Po o fea o i ai le ua fanau mai o le Tupu o tagata Iutaia? Aua ua matou vaaia lona fetu i sasae, ua matou o mai ai e ifo atu ia te ia” (Mataio 2:1–2).

Na mulimuli le Au Makoi i le malamalama o se fetu e sue ma ifo atu i le Faaola. Tatou te tapuai atu ia te Ia e ala i le mulimuli i le malamalama o Ana faataitaiga. O Iesu Keriso, o le Alo o le Atua, e atoatoa le usiusitai, agaalofa, agalelei. Na Ia faaaluina Lona taimi i luga o le fogaeleele i le auauna atu, ma na Ia tuuina mai Lona soifua ina ia mafai ona tatou salamo ma ola ai e faavavau. Ona sa afio mai o Ia i le lalolagi, ua tatou iloa ai pe o ai i tatou: o fanau alofaina a le Tama Faalelagi.

I lenei Kerisimasi, talosia ia tatou pepese ma le fiafia, tatalo i le agaga faafetai, ma faataunuu galuega alofa. A o tatou taumafai ia avea atili e pei o le Faaola, o le a tatou maua le olioli ma le fiafia i lenei vaitau matagofie ma le filemu i aso taitasi o le tausaga.

Peresitene Thomas S. Monson

Peresitene Henry B. Eyring

Peresitene Dieter F. Uchtdorf

E Oo Foi i Au Makoi o le Lalolagi e Ao Ona Mulimuli i Taitaiga Faalelagi, na saunia e J. Leo Fairbanks, faaaloaloga a le Falemataaga o Talafaasolopito ma Faatufugaga a le Ekalesia