Mo Uo Laiti
Faaalia o Lo Tatou Alofa mo Iesu
“Aua o le aso nei ua fanau ai i le aai o Tavita, lo outou Faaola, o le Alii ia o Keriso” (Luka 2:11).
Na matamata atu Jenay a o tuu e Mama le keke paepae na faatoa uma lava ona tao i luga o le laulau o le umukuka. O nanei o le Po o le vaeluaga o le Kerisimasi, o le a faamanatu ai e lo latou aiga le fanau mai o Iesu.
E fiafia lava Jenay e o e usuusu pese o le kerisimasi faatasi ma lona aiga, tao ni falaoa laiti, ma teu le laau [kerisimasi]. Ae o le manatuaina o le aso fanau o Iesu o le mea lena e sili ona fiafia o ia e fai i le Kerisimasi.
E mafai ona ou fesoasoani atu e tuu le kulimi i luga o le keke?
E tatau ona faamaalili muamua.
Na fesoasoani Jenay ia Mama e faamama fata ma fufulu ipu. E te manatu ua maalili le keke i le taimi lenei?
Ou te iloa ua fetaui tonu lava.
Na faasalalau e Mama ma Jenay le kulimi paepae i luga o le keke.
Ina ua uma le meaai o le afiafi na fai atu loa Papa ina ia faapotopoto mai le aiga i le potu malolo. E ui ina matou iloa na fanau mai Iesu i le tautotogo, ae matou te fiafia lava e faamanatu Lona aso fanau i le taimi lenei o le tausaga.
Na faitau e Mama le tala o le fanau mai o Iesu mai le Tusi Paia ma le Tusi a Mamona. Ona molimau mai lea o Papa e uiga i le Togiola ma le Toetu o Iesu.
Na taitoatasi ona tatala e tagata o le aiga a latou meaalofa mo Iesu ma faitau mea na latou tusia i fasipepa. Faatasi ai ma le fesoasoani a Mama, na tusia ai e Jenay, “Ia faateleina le faaaloalo i le lotu.”
Ua ou mitamita lava ia te outou taitoatasi. O a outou meaalofa uma lava e faaalia ai lo outou alolofa ia Iesu Keriso.
Na tipi e tina le keke ma tufa mai i ni ipu mananaia. Na u e Jenay lana fasikeke ma ataata. Ou te alofa ia Iesu, ma ou te iloa e alofa o Ia ia te au. Na oo mai se lagona manaia o le filemu i ona luga e pei lava o se ie soosoo mafanafana.
Ata na tusia e Elise Black