Lotua e Fakalakalaka Fakatāutahá
ʻI heʻeku hiki ki ha ʻapiako ʻe taha, ne ma kaungāmeʻa ai mo ha taʻahine naʻe ʻikai ke Siasi. Ka ʻi ha hili pē ʻema kaungāmeʻa ʻi ha taʻu ʻe ua, ne kamata ke ne meheka ki he Siasí he naʻá ku ʻalu maʻu pē ki he ngaahi ʻekitivitií pea ʻikai ha taimi lahi ke ma feohi ai. Naʻe fakaʻau pē ke kovi ange—neongo ʻeku fie maʻu moʻoni ke hoko ko hono kaumeʻá.
Lolotonga ʻeku ngāue ki heʻeku Fakalakalaka Fakatāutahá he ʻaho ʻe taha, ne u kamata ngāue ki ha meʻa ke fai ʻa ia ne kau ai ʻa e lotu maʻu pē ʻi ha uike ʻe ua. Ko e taha ʻo e ngaahi meʻa ne u fili ke lotuá ke fakaʻapaʻapaʻi au ʻe hoku kaungāmeʻá pea mahino kiate ia ʻa e fuʻu mahuʻinga ʻo e Siasí kiate aú. Hili ʻeku fakakakato ʻeku ngāué ʻi ha uike ʻe ua mei ai, ne u kei lotua pē ʻa e meʻa tatau.
ʻI heʻeku toe vakaiʻi ʻeku Fakalakalaka Fakatāutahá kimuí ni mai, ne u manatuʻi ʻa e lotu ne u faí. ʻI he lahi ange ʻeku fakakaukau ki aí, ne u ʻiloʻi kuo tali ʻe he Tamai Hēvaní ʻeku ngaahi lotu maʻa hoku kaumeʻá. Kuo liliu ʻaupito hoku kaungāmeʻá; naʻe ʻikai te ne toe fakakaukau kiate au ʻo hangē ko ia ʻi muʻá, pea kuo kamata ʻeni ke ne fakakaukau ki he Siasí ʻi ha founga naʻe lelei.
Ne u ongoʻi loto māfana ʻaupito he kuó u maʻu ʻeni ha fakamoʻoni ki he lotu fakamātoató. ʻOku ou ʻilo naʻe liliu ʻe heʻeku Tamai ʻi Hēvaní ʻa e loto ʻo hoku kaungāmeʻá. ʻOku ou ʻilo foki te Ne tokoniʻi kitautolu pea fakahoko ha ngaahi mana ʻo kapau te tau fakahoko ʻetau kongá.
Fakaʻesia ʻe Scott Snow; faitā ʻa Matthew Reier