Wasei ni iVakadinadina

Maria Kaneva, Blagoevgrad, Bulgaria

“O au meu imatai,” dau kaya o Irinika ena imatai ni Sigatabu ni veivula. Ni qumia vakaukauwa na nona i dabedabe ka laurai e matana na nanamaki, sa qai doudou mai na yalona. Se qai yabaki ciwa ga o Irinika, ia e kena irairai ni o koya ga e tiko vua na yalodoudou, mai na le walu na meba ka ra dau lotu wasoma ena nona tabanilotu e Bulagaria.

Ni bera ni dau tucake o Irinika, e dau waraka me raica de dua ena via liu ena wasei ni nona ivakadinadina. Era dau vakaraici koya lo kece ka waraka me na liu o koya. Sa qai dau tucake o koya ena matadredredre ka lako cake yani ki na tevali. Solia mai vua na peresitedi ni tabana e dua na ibutubutu me tucake kina me rawa ni raici ira na lewenilotu. O Irinika, na gone duadua ena Lalai, e vakaraici ira na ivavakoso lailai ko ya ka tekivu vakamacala.

Sega ni rairai taqaya ni ra vakaraici koya kece tu yani na ivavakoso. Era vakarogoca na rogo vinaka ni voqa ni domona. Ni tukuni Karisito, na ivolanikalou, kei na dina ni Lotu, sa vaqaqacotaka sara tikoga na nodra ivakadinadina na ivavakoso.

Ni sa mai dabe, e yaco na vakanomodi ka sa vaka me tara na yalodra na Yalotabu Ni oti sa qai tucake yani e dua na meba ka ra sa qai veimurimuri kece yani …