Vakasama ni Lotu Vakamatavuvale

Na vakatutu ni veivakavulici sa vakarautaki tu me vakavure vakasama vei kemuni. Sa rawa ni ko ni vakayagataka kina nomuni matavuvale.

“Veivakalougatataki ni Valetabu,” t. 12: Vakaraitaka na iyaloyalo ni dua na valetabu. Biuta toka yani e dua na itaba ni matavuvale me qarava na itaba ni valetabu. Ni ko vakalekalekataka tiko na lesoni, tosoya voleka tiko yani na itaba ni matavuvale ki na valetabu. Tarogi ira na matavuvale se na cava era bau vakila ni ra sa yaco ki na valetabu Wilika Vunau kei Veiyalayalati 109:7–23, vaqara na sala me vakarautaki kina na valetabu kei na veivakalougatataki ena yaco mai ni talevi na valetabu. (Raica talega na vosa nei Silvia H. Allred, “Valetabu Vakalou, Veiyalayalati Tabu,” mai na koniferedi raraba ni Okotova 2008.)

“Oi Au? E Dua na iVakatawa e Isireli?” t. 30:Wilika na wase “Liutaki Ira Lesu,” ka veivosakitaka se na rawa vakacava ni da ivakatawa vei ira na tani. Me vaka ga e dua na itaviqaravi vei ira na gone, me ra veivuni ka vaqaqara me vaka e vaqara tiko o ivakatawa e dua na sipi ni sa yali. Vakasamataki ira na tamata e rawa ni ko kauti ira lesu mai “ki na lomanibai.” Tinia ena masu ni kerekere ena veituberi ki na nodra na vukei. (Raica talega na vosa nei Elder Eduardo Gavarret, “Lesu i Vale,” mai na koniferedi raraba ni Okotova 2008.)

“Tekivu ena Masu,” t. 40: Vakalekalekataka ga na uto ni vakasama mai na itukutuku. Wilika tale na imatai ni parakaravu ni wase “E Dua Meu Vosa Vua.” Taroga na lewe ni matavuvale me ra wasea na gauna era vakaukauwataki kina mai na masu ni matavuvale. Ni vakabibitaki na bibi ni nodra masulaki na tani, nanuma me wili na iotioti ni tolu na parakaravu ni vosa nei Elder David A. Bednar, “Dau Masu Tikoga,” mai na koniferedi raraba ni Okotova, 2008.

“Na Mana ni Totila (roti),” t. F6: Wilika na italanoa, ka veitalanoataka na dredre e sotava na matavuvale nei Raoul ni ratou vakavakarau tiko ki na valetabu. Vakasamataka na caka totila vakamatavuvale se dramataki na kena icakacaka na totila, mai na sila me yacova na kena sa laki volitaki na totila vei ira na sara vanua. Tinia ena nomu wilika na vosacavuti nei Elder Dennis B. Neuenschwander.

Bulataka na Kosipeli

Elder Bruce R. McConkie

E sega ni dredre meda taura na ivakavuvuli ni vosa sega ni vakaiyalayala ka bulataka ena veika eda gadreva. Na dina sa kilai e dodonu me bula tiko ena loma ni tamata kevaka me vinakati me na vua.

Elder Bruce R. McConkie (1915–85) ena Kuoramu ni iApositolo Le Tinikarua Veituberi, Ai Lutua ni Noda Bula (1999), 9–10.

Kerekere baleta na iTukutuku

Na cava o sotava ka sa vukei iko mo sa mai kila vinaka cake kina na iVakabula? Ko sa rawata vakacava beka na vakatorocaketaki ni nomu vakavinavinakataka na nomu kila na veivutuni, veivosoti, na Veisorovaki, na sakaramede, se na veika tale eso ka tara na cakacaka ni veivakabulai kei na ilesilesi ni iVakabula? Kerei mo vakauta na ivakamacala ni veika o sotava kei na veika o vulica mai kina ki na [e-mail].