Ngaahi Fale ʻo e ʻEikí

Ko e temipalé ko ha feituʻu ia ʻo e ako ki he Fakamoʻuí he taimi naʻá Ne kei ʻi māmani aí; ko ha konga lahi ia ʻo ʻEne moʻuí. ʻOku lava ke toe maʻu e ngaahi tāpuaki ʻo e temipalé ʻi hotau kuonga ni” (James E. Faust, “Ko Hono Toe Fakafoki Mai ʻo e Meʻa Kotoa Pē,” Liahona, Mē 2006, 67).

ʻOku hoko moʻoni ʻa e temipalé ko e fale ʻo e ʻEikí. Ko ha feituʻu ia ʻoku fakahinohinoʻi ai ʻe he ʻOtuá ʻa ʻEne fānaú mo teuteuʻi kinautolu ke nau toe foki ki Hono ʻafioʻangá. Ko ha feituʻu ia ʻoku fakatahaʻi ai kitautolu ko ha ngaahi fāmili pea akoʻi ai kitautolu ʻi he ngaahi hala ʻo e ʻEikí.

“ ʻI hono ʻilo ʻetau ngaahi kuí mo fakahoko maʻanautolu ʻa e ngaahi ouau fakamoʻui ʻoku ʻikai ke nau lava ʻo fakahoko maʻanautolú, ʻoku tau fakamoʻoniʻi ai hono ʻaonga (taʻefakangatangata) ʻo e Fakalelei ʻa Sīsū Kalaisí,” (D. Todd Christofferson, Ko e Huhuʻi ʻo e Pekiá mo e Fakamoʻoni ʻo Sīsuú,” Liahona, Sānuali 2001, 11).

“ ʻOku kei hokohoko atu pē mei heʻetau toʻo kiate kitautolu ʻa e huafa ʻo Sīsū Kalaisí ʻi he vai ʻo e papitaisó pea toe fakalahi ki ai ʻi he fale ʻo e ʻEikí. …ʻOku tau toʻo kakato kiate kitautolu ʻa e huafa ʻo Sīsū Kalaisí ʻi he ngaahi ouau ʻo e temipale māʻoniʻoní” (David A. Bednar, “Maʻu ha Hingoa mo ha Ongoongo ʻOku Lelei,” Liahona, Mē 2009, 98).

“Hangē ʻoku taʻalo mai e temipalé ʻi hono maama nāunauʻiá ki he tokotaha kotoa pē ʻokú ne mamata ki hono fakaʻofoʻofá, ʻMou ō mai! Mou ō mai ki he fale ʻo e ʻEikí. ʻOku maʻu heni ʻa e mālōlō maʻá e faʻahinga ʻoku ongosiá mo e melino ki he laumālié.’ … ʻOku teuteuʻi ʻe he [temipalé] ʻa kinautolu kotoa ʻoku hū aí ke toe foki ki ʻapi—foki ki ʻapi ʻi he langí, foki ki ʻapi ki he fāmilí, foki ki ʻapi ki he ʻOtuá” (Thomas S. Monson, “Days Never to Be Forgotten,” Ensign, Nov. 1990, 67, 70).

Temipale Uasingatoni D.C. Fakatapui he ʻaho 19 ʻo Nōvema, 1974.

Fauniteni, Temipale Nesivila Tenesií.

Sioʻata lanu kehekehé, Temipale Palemaila Niu ʻIoké (taupotu taha ki toʻohemá).

Temipale Hongo Kongo Siainá. Fakatapui he ʻaho 26 ʻo Mē, 1996.

Ngaahi ʻāleso, Temipale Paunitifulu ʻIutaá.

Temipale Kokapamipā Poliviá. Fakatapui he ʻaho 30 ʻo ʻEpeleli, 2000.

Fakaikiiki ʻo e ngaahi meʻa ʻoku ngāue ʻaki ki ai e maká, Temipale Kātisitoni ʻAlapetá.

Ko e ʻaá, Temipale Sakalamenitō Kalefōniá.

Temipale ʻAkalā Kaná. Fakatapui he ʻaho 11 ʻo Sānuali, 2004.