Ngaahi Meʻa Fekauʻaki mo e Falé Ni
ʻOku hili ʻa e faiʻanga papitaiso he temipalé ʻi he tuʻa ʻo ha fanga pulu ʻe toko hongofulu mā ua (vakai, 2 Fakamatala Meʻa Hokohoko 4:2–4), ko ha fakataipe ʻokú ne fakafofongaʻi ʻa e faʻahinga ʻe hongofulu mā ua ʻo ʻIsilelí. ʻI heʻetau muimui ki he sīpinga ʻa e Fakamoʻuí ʻi he ngāue taʻesiokitá, ʻe lava ke tau fakahoko e papitaiso maʻa ʻetau ngaahi kui kuo pekia teʻeki ke nau maʻu ʻa e ouau ko ʻení.
ʻOku fai ha vakai fakalūkufua ki he palani ʻa e ʻOtuá maʻa ʻene fānaú ʻi he ngaahi loki ouaú. ʻOku ako ʻa e Kāingalotú ʻo kau ki heʻenau moʻui ʻi he maama fakalaumālié mo e moʻui fakamatelié, ʻa e fakatupu ʻo māmaní mo e Hinga ʻa e tangatá, ʻa e tefitoʻi fatongia ʻo Sīsū Kalaisi ko e Huhuʻi ʻo e fānau kotoa ʻa e ʻOtuá, mo e ngaahi tāpuaki ʻe lava ke nau maʻu ʻi he moʻui ka hoko maí.
ʻOku fakataipe ʻe he loki silesitialé ʻa e tuʻunga hakeakiʻi mo melino ʻe lava ke maʻu ʻe he tokotaha kotoa pē ʻi heʻenau moʻui ʻaki ʻa e ongoongolelei ʻo Sīsū Kalaisí. ʻOku fakafofongaʻi ʻe he loki ko ʻení ʻa e nonga, fiemālie ʻo e lotó mo e melino ʻoku lava ke maʻu ʻe he ngaahi fāmili taʻengatá ʻi he ʻafioʻanga ʻo e Tamai Hēvaní mo Hono ʻAlo ko Sīsū Kalaisí.
ʻOku mali ha fefine mo ha tangata ʻi ha loki faiʻanga sila, ʻo ʻikai ngata ki he moʻuí ni pē ka ki he taʻengatá foki.
Sioʻata fakalanulanu, Temipale Nāvū ʻIlinoisí (taupotu taha ki toʻohemá).
Faiʻanga papitaisó, Temipale Tuleipa ʻIutaá.
Faiʻanga papitaisó, Temipale Hila Vēli ʻAlesoná.
Loki ouaú, Temipale Meniheiteni Niu ʻIoké.
Loki ouaú, Temipale Niupooti Piisi Kalefōniá.
Loki silesitialé, Temipale Seni ʻAnitōniō Tekisisí.
Sitepu lahi mo matamataleleí, Temipale Moʻunga ʻOakuili ʻIutaá.
Tēpile ngaohi mei he ʻakaú, Temipale Mekisikou Siti Mekisikoú.
Loki faiʻanga silá, Temipale Venikuva Pilītisi Kolomupiá.