Na Veika me Baleta na Vale Oqo
Na tobu ni papitaiso e tara toka e deladratou e tinikarua na bulumakau (raica na 2 Veigauna 4:2–4), ni sa vakatakarakarataka tiko na tinikarua na mataqali i Isireli. Ni da vakamuria na ivakarau ni nona dauveinanumi na iVakabula, sa rawa kina meda papitaisotaki ena vukudra na noda qase e liu era sa mate ka ra sega ni bau ciqoma na cakacaka vakalotu oqo.
Ena veirumu ni cakacaka vakalotu sa tu kina na ivakaraitaki me baleta na ituvatuva ni Kalou baleti ira na Luvena. Era na vulica kina na Yalododonu Edaidai na nodra bula mai liu kei na bula oqo, na kena buli na vuravura kei na lutu nei Atama, na iusutu ni nona ilesilesi o Jisu Karisito ni sa nodra Dauveivueti na luve ni Kalou taucoko, kei na veivakalougatataki e rawa ni ra ciqoma ena bula e tarava.
Na rumu vaka-silesitieli e vakatakarakarataka na ituvaki ni bula vakacerecerei kei na vakacegu e rawa ni ra taukena na tamata kecega ena nodra bulataka tiko na kosipeli i Jisu Karisito. Na rumu oqo e matataka na yalo marau, na yalo vinaka, kei na veivakacegui me nodra na matavuvale tawamudu ena itikotiko ni Tamada Vakalomalagi kei na Luvena, o Jisu Karisito.
Ena rumu ni veivauci, rau na sega ni vakamau e dua na veiwatini me baleta walega na bula oqo ia ki na bula tawamudu talega.
Iloilo rokataki, ni Valetabu Nauvoo Illinois (e muri sara ena imawi).
Tobu ni Papitaiso, ni Valetabu na Draper Utah.
Tobu ni Papitaiso, Valetabu na Gila Valley Arizona.
Rumu ni cakacaka vakalotu, Valetabu na Manhattan New York.
Rumu ni cakacaka vakalotu, Valetabu na Newport Beach California.
Rumu vaka-Silesitieli, Valetabu na San Antonio Texas.
iKabakaba cecere, Valetabu na Oquirrh Mountain Utah.
Teveli kau veitokoni, Valetabu na Mexico City Mexico.
Rumu ni veivauci, Valetabu na Vancouver British Columbia.