Faataoto O le Leiloa ma Toe Maua

I le avea ai ma leoleo mamoe fesoasoani a le Faaola, ua ia i tatou le tiutetauave e “aapa atu ma laveai mai i latou ua o ese mai le ala.”

I le mataupu e 15 o le Tusi a Luka, o loo faaaoga ai e le Faaola ni faataoto se tolu e aoao mai ai le taua o se agaga, o loo faaali mai ai le ala e saili ma toe faafoi mai ai le mea na leiloa i le lafu o le faatuatua ma le aiga.

I nei faataoto, o le mamoe na se, o le tupe na leiloa, ma le atalii faamaumau oa sa faamaumauina lona tofi i le ola soonafai. Ae sa saili e le leoleo mamoe le vaomatua, sa salu e le fafine le fale, ma sa vaavaai atu le tamā loto faamagalo mo le toe foi mai o lona atalii, ma na leva ona faatalitali atu ma se opo ma se faafeiloaiga fiafia ma le manaia i le aiga.

O faataoto a le Faaola—ma ata tusi e tolu a taitai o le Ekalesia o loo mulimuli mai ai—e faamanatu mai ai ia i tatou, o le avea ai o i tatou ma Ana leoleo mamoe fesoasoani, ua ia i tatou le tiutetauave e “aapa atu ma laveai mai i latou o e ua pauu ese mai le ala, ina ia leai se agaga faapelepele e tasi e leiloa”¹

Laveai le Tamai Mamoe na Leiloa, na saunia e Minerva K. Teichert; ata na tusia e Robert A. McKay

O Le Tupe na Leiloa, na saunia e J. Kirk Richards