Marau e Vale
O Buntha kei Neath erau veitacini ka rau vakaitikotiko mai Siem Reap, Cambodia.
Ni sa yabaki walu, sa nanuma ko Buntha me papitaiso. Ni sa yabaki walu o Neath, sa na papitaiso talega. “Au vinakata meu ciqoma na Yalo Tabu,” e kaya o koya.
Sa ka bibi vei rau ko Buntha kei Neath me rau qaravi ira na tani. E vinakata o Buntha me daukaulotu ni sa qase cake mai. Sa sega ni rawa ni waraka ko Neath na gauna me na “daukaulotu bubu” kina, me daukaulotu qase. ■
Era lako mai veiyasai vuravura na tamata me ra mai sarava na veivale makawa ena nodrau siti, ia o Buntha kei Neath erau dau marau vakalevu me rau tikoga e vale kei na nodrau matavuvale.
O Buntha kei Neath e tiko e dua na vanua e tautuba erau dau dabe kina me rau wili ivolanikalou, cakava na nodrau lesoni, ka wilika na Liaona. erau dau taleitaka o Buntha kei Neath me rau dau wilika na nodrau ivolanikalou. Erau dau tovolea me rau wilika na ivolanikalou e veisiga. E dau taleitaka o Neath me wilika na tadra i Liai. E dau taleitaka o Buntha me wilika me baleti Nifai.
O Neath e dau taleitaka na veimapolo. O Buntha e dau taleitaka na soka ena polo cava ga e raica rawa.
O Buntha kei Neath erau dau tiko vata voli vakalevu. Erau dau tovolea me rau caka vinaka vei rau vakataki rau kei ira na nodra matavuvale.
iTaba mai vei Chad E. Phares