Vakasama
E Vakamamadataka o Koya na Noda iColacola
Au taleitaka na mekasini oqo kei na veika kece era tukuni tu kina. Au taleitaka na nodra vosa na Vakaitutu Raraba, vakabibi na vosa mai na koniferedi. Era vakaroti keda ka vakayaloqaqataki keda meda toso yani ki liu, se cava ga na noda vakatovolei tiko.
Sa 26 oqo na yabaki na noqu lewena tiko mai na Lotu, kau sa wilika taucoko sara na ilavelave yadua ni Liaona. Au dau wiliki ira tale na ilavelave makawa, ka dua vei ira au taleitaka sara tiko vakalevu o ya “Na Yalo Loloma ni Turaga,” mai vei Elder David A. Bednar (Me 2005, 99). E vukei au meu dau nanuma tiko na gauna vakavuqa e dau takoso mai kina na Tamada Vakalomalagi ena Nona loloma veivueti ka vakamamadataka na noda icolacola bibi.
Iolanda Valenti, mai Itali
Na Veivakavulici e Lako mai Vua na Turaga
Au sa vakavinavinakataka ena kena yaco mai vei au ena veivula na nodra vosa na parofita bula. Au kila ni nodra veivakavulici sa mai vua na Turaga ka na vakalougatataka na noqu bula kevaka meu na bulataka. Niu wilika na veika era sotava na Yalododonu ena veiyasai vuravura ena vaqaqacotaka na noqu vakabauta kei na ivakadinadina baleta niu vulica rawa na veika era cakava na tamata me ra taqeya rawa kina na nodra icolacola.
Byron David Calderon Mosquera, mai Ecuador