iVakadinadina Digitaki
E rawa vakacava niu taqomaki tikoga mai na veika ca ni vuravura oqo?
Mai na “Na iVakarau me da Bula Vinaka Tikoga ena loma ni Veika ca sa Tubu Cake Tikoga,” Liaona, Me 2004, 100–102.
E wasea o Elder Richard G. Scott ena Kuoramu ni iApositolo Le Tinikarua eso na vakasama ena ulutaga oqo.
E dina ni na dredre na bula ena gauna oqo, tautauri tikoga ena ititoko kaukamea ni dina. E levu cake na toso o sa cakava tiko mai na kena o raica rawa tiko.
E rawa ni o bulataka e dua na ivalavala dodonu, vuavuaivinaka ka dodonu ena nomu muria na ituvatuva ni veitaqomaki sa bulia na Tamada Vakalomalagi: Na Nona ituvatuva ni marau.
Ni o tomana na nomu vakanamata tiko ena nomu vakanananu kei na yalomu vua na Turaga, ena vukei iko o Koya me sautu ka taucoko na nomu bula veitalia na veika e yaco tiko ena vuravura e vakavolivoliti iko.
Sa vakarautaka na Tamada Vakalomalagi na ivolanikalou ka solia tiko na veidusimaki vakalou e tomani tikoga me tokoni keda. Na veivuke oqori ena vakadeitaka ni na rawa ni o bula sautu ka marau ena maliwa ni ca sa tubu cake tikoga.
Vakasaqara ka vakarorogo ki na veidusimaki yadua e soli tiko vei iko mai Vua na Yalo Tabu.
iVakaraitaki mai vei Bryan Beach