iTabagone

E Vakaraitaka Vei keda O Koya na Sala Meda Lesu Ki Noda iTikotiko

“E tadu mai ki vuravura [na iVakabula] me mai vakaraitaka vei keda na sala meda muria kina na ituvatuva ka a tekivutaki mai lomalagi—na ituvatuva, ni kevaka me bulataki, eda na bula marau kina. Na nona ivakaraitaki sa vakatakila vei keda na sala meda lesu rawa tale ki na nona itikotiko na Tamada Vakalomalagi. E sega tale ni dua na tamata e a bula voli me ‘tudei sara ka kakua ni yavala’ (Mosaia 5:15). E a sega ni vagolei rawa vakatani o Koya. Ea rai vakamatua ga ki na vakayacori ni lewa nei Tamana, ka yalodina tikoga ki na Nona ilesilesi vakalou. …

“Oi kemuni sa tiki tiko ni ituvatuva totoka o ya ka a vakatakilaitaki ena vuravura taumada. Na nomuni tadu mai ki na vuravura oqo sa kilai taumada tiko mai na gauna a vakadonui kina na ituvatuva. E sega ni vakacalaka na nomuni gauna oqo kei na vanua ko ni tiko kina. Na nomuni ‘vakabauta kei na gugumatua’ (Alama 13:3) sa mai vakadavora kina e dua na ituvatuva mo ni rawa-ka kina ena gauna oqo kevaka ko ni yalodina tiko ka talairawarawa. … Ka sa tiko na veicakacaka cecere mo ni cakava. Ena kena gadrevi mo ni rawata rawa na nomuni ilesilesi vakalou ka bula voli ena ituvatuva ni bula marau, oi kemuni talega mo ni tudei ka sega ni yavalati rawa.”

Elaine S. Dalton, peresitedi raraba ni Goneyalewa, “Ena Veigauna Kecega, ena Veika Kecega, kei na Veivanua Kecega,” Liaona, Me 2008, 116.