Veika Lalai ka Rawarawa

2011

Epereli 2011

Veika Lalai ka Rawarawa

“Ia ena tubu mai e na veika lalai na veika lelevu” (V&V 64:33).

Vuli mai na Koniferedi

Era sa tamata uabula sara na luvei keirau ka ra sa vakaitikotiko ka vakamatavuvale, ia keirau sa kunea oqo e dua na iwalewale totoka ni vulica vata na nodra vosa na parofita. Ena loma ni vula ni oti na koniferedi raraba yadua, au dau vulica na nodra vosa e tiko ena www.conference.lds.org kau digitaka kina eso na malanivosa e veivakasalataki, veidusimaki, ka veivakacegui. Au vakasokumuna na kena au rawata me yadua na malanivosa ena veisiga yadua me rauta na ono na vula e tarava. (kena ivakaraitaki, ena Epereli, au na raica e dua na malanivosa me baleta e dua na siga vakatekivu mai na 1 ni Me–31 ni Okotova.) Au na qai solia yani na ilavelave ni veimalanivosa oqo vei iratou yadua na luvequ.

Me idole ni nodratou dui vulica tiko na koniferedi, sa laki yaco na veimalanivosa ni siga yadua oqo me ulutaga tiko ni nodratou veivosaki na lewe ni matavuvale. Sa dua na ka totoka meda railesuva tiko na nodra ivakasala na parofita ena veivula ni oti na koniferedi raraba, ena gauna eda tu veiyawaki kina.

Christine Tippetts, mai Utah, e Amerika

Veiqaravi ni iVurevure ni Cakacaka ni YDE

E ratou dau vakarautaka na Veiqaravi ni iVurevure ni Cakacaka ni YDE na vuli mera vukei kina o ira era vaqara cakacaka tiko, o ira mera curu vou i koronivuli, se tauyavutaki bisinisi. Na vuli oqo ena veivuke vei ira era via tuvanaka na nodra cakacaka tudei ka vaqaqacotaka na yalodra mera rawa-ka vakai ira. E tuvanaki na vuli oqo me veivakasalataki, veicokonaki, veivakayaloqaqataki, ka taleitaki. O ira era na laki vakayacora na veika era sa vulica mai kina era na dau kune cakacaka vakatotolo cake sara ka sega ena sala tale eso.

Na vuli oqo e oka kina na ulutaga me vakataka na kilai ni cakacaka tudei me rawati, kunei ni ivurevure me rawati kina na nona lalawa e dua, volai ni itukutuku ni rawa -ka vakavuli, kei na gugumatua ena dua na cakacaka vou.

Me baleta na kena laurai na vanua ni vuli oqo, taroga vei nomu bisopi se peresitedi ni tabana se raica na www.ldsjobs.org ka kiliki ki na “Find a Center.”

TIMAWI E CAKE: DROINI MAI VEI PAUL MANN; O Elisapeci, Sakaraia, kei na gonelailai o Joni © ProvidenceCollection.com, dodonu kece e taqomaki, e sega ni vakadonui me lavetaki; ivakaraitaki mai na Sa Solia vei Josaia na iVola o Safani, mai vei Robert T. Barrett © 1990, e sega ni vakadonui me lavetaki; Sa Vakacokotaka o Momani na Peleti, mai vei Tom Lovell © IRI; Tevita kei Kolaiaci, mai vei Steve Nethercott, e sega ni vakadonui me lavetaki; iVakaraitaki Makawa/Yalayala ni Gauna Oqo, mai vei Jeff Ward