Vunau kei na Veiyalayalati 109:22–24

Na veitikina oqo e tukuna e dua na ivakadinadina vou kei Jisu Karisito: E bula o koya!

22 Ia me ikuri ni i tukutuku kece ka vakadinadinataki kina ko Koya, keirau sa tukuna oqo na kena iotioti me yacova edaidai: Raica sa bula dina tiko ko Koya!”

23 Keirau a raici koya vakaidina ni sa tiko ena liga imatau ni Kalou; keirau sa rogoca talega na domo sa tukuna ni sai Koya na Le Duabau ga nei Tamana—

24 Erau vakadinadinataka “ni sa vu mai vua na ka kecega; ia sa iKoya sa lesi me bulia na vuravura; io ena vukuna ga era sa yaco kina na lewei vuravura me ra luve ni Kalou.

E Vuqa na iVakadinadina

Sa soli oti e vuqa sara na ivakadinadina me baleta na Karisito sa vakaturi cake tale ni bera na ivakatakila oqo. Oqo eso na kena ivakaraitaki:

Meri Makitalena (raica na Joni 20:11–18)
O ira na iApositolo ena gauna nei Jisu (raica na Maciu 28:9–20; Marika 16:14–20; Luke 24:36–53; Joni 20:19–29; 21)
Oi rau na tisaipeli e rua ena gaunisala ki Emeo (raica na Luke 24:13–35)
Sitiveni (raica na Cakacaka 7:55–56)
Paula (raica na Cakacaka 9:1–6)
O ira na Nifaiti (raica na 3 Nifai 11–28)
Moronai (raica na Ica 12:39)
Josefa Simici (raica na Josefa Simici—Ai Tukutuku 1:16–20)

E Bula Tiko o Koya!

“Au sa wilika—kau vakabauta—na nodra ivakadinadina o ira era a sotava na rarawa ni nona Vakamatei ena Kauveilatai na Karisito kei na reki ni Nona sa Vakaturi Cake Tale. Au sa wilika—kau vakabauta—na nodra ivakadinadina o ira ena Vuravura Vou ka ra a sikovi mai vua na Turaga vata ga sa vakaturi cake tale.

“Au vakabauta na nona ivakadinadina e dua, ena itabagauna oqo, ka veivosaki vata kei na Tamana kei na Luvena ena dua na veikau ka sa vakatokai tu oqo me tabu ka qai solia na nona bula, ka dregata na ivakadinadina oya ena nona dra.”

Peresitedi Thomas S. Monson, “Sa Tucake Tale ko Koya!” Liaona, Me 2010, 89.

Era sa Tu na Vuravura ka ra Qai Buli

“Ena nona veidusimaki na Tamana, sa Turaga kina ni veivuravura kece na Karisito, ka a bulia na vuravura e sega ni wiliki rawa—ka dua vei ira na noda (raica na Efeso 3:9; Iperiu 1:2).

“E vica na vuravura vei ira na veivuravura oqori e tu kina na tamata? Eda sega ni kila, ia eda sega ni tu duadua voli ena veivuravura oqo! Na Kalou e sega ni Kalou walega ni dua na vuravura!”

Elder Neal A. Maxwell (1926–2004) ena Kuoramu ni iApositolo Le Tinikarua, ena “Special Witnesses of Christ,” Liahona, Epe. 2001, 5.

Me Luvena Tagane kei na Yalewa e Duabau Ga na Kalou

“O kemuni o ni sega ni tamata wale, kemuni na noqu itokani gone e vuravura raraba. O ni lagilagi ka tawamudu. …

“Sa noqu masu kei na veivakalougatataki ni ena nomuni raica na kemuni iyaloyalo, ena rawa mo ni raibaleta na veika e sega tu ni taucoko kei na lomalomarua ka kila o cei dina o kemuni: na luvena tagane kei na yalewa lagilagi na Kalou sa Cecere Sara.”

Peresitedi Dieter F. Uchtdorf, iKarua ni Daunivakasala ena Mataveiliutaki Taumada, “The Reflection in the Water” (Yasanibuka ni iVakarau ni Vuli ena Lotu me baleti ira na isausauvou, Nove. 1, 2009); sa tu ena CESfiresides.lds.org.

Veika matailalai mai naSa Tucake Tale ko Koya, mai vei Del Parson