Ko ʻEtau Pēsí
Ko e ʻofaʻanga mo e fiefiaʻanga ʻo Petulisa mo Loló ʻa ʻena kiʻi taʻahine taʻu 5 ko Mēsia V. mei Peluú. ʻOkú ne ʻi he kalasi FKT he Palaimelí, pea ʻoku ʻi ai hono foʻi mama FKT. ʻOkú ne manako he valivali ʻo e ngaahi fakatātā ʻi he Liahoná, pea ko e himi ʻokú ne saiʻia taha aí ko e “Fānau Au ʻa e ʻOtuá.”
ʻOkú ne saiʻia ke tokoni ʻi hono tokangaʻi ʻo e fānau iiki angé, peá ne tokoni ki heʻene faiakó ʻi hono tāmateʻi e palakipoé. ʻOkú ne tā e vaioliní. ʻOku saiʻia ʻa Mēsia he efiafi fakafāmili ʻi ʻapí pea fiefia he ʻalu ki he lotú. ʻOkú ne ʻofa ʻi he Tamai Hēvaní pea ʻokú ne ʻiloʻi ʻoku ʻofa foki mo e Tamai Hēvaní ʻiate ia.
Kuilamoi T., taʻu 8, Venesuela
Sela D., taʻu 6, Palāsila
Sei O., taʻu 10, Pelū
Ko ha Fāmili Taʻengata
Naʻe silaʻi homau fāmilí ʻi he Temipale Sōlekí ʻi ʻIutā, ʻi he ʻaho 23 ʻo ʻAokosi 2008. Ko hono fakahoko ia ʻemau misí. Naʻa mau takai mamaʻo hake ki ai—ko ha fononga lōloa mo fakaongosia, ka naʻe feʻunga pē mo hono mahuʻingá. Naʻa mau tau poʻuli atu ki ʻIutā, pea ko e ʻuluaki meʻa pē naʻa mau faí ko ʻemau ō ʻo sio he temipalé. Naʻe fakaʻofoʻofa ʻaupito ʻi he ulo e ngaahi maama aí he poʻulí. Naʻa mau sila ʻi he hili ha ʻaho ʻe ua mei ai. Naʻe tokoni mai ʻa e kau fafine ʻoku nau tokangaʻi e fānaú ʻi he temipalé ki hono tui homa teunga hina mo hoku tuofefiné. Naʻá ma ō leva ki heʻema ongomātuʻá. Ne u ongoʻi hangē ko haʻaku ʻalu ke feʻiloaki mo Sīsuú. Naʻa mau fiefia ʻi heʻemau silá! ʻOku ou ʻiloʻi ʻeni te u lava ʻo nofo mo hoku fāmilí ʻo taʻengata.
Tiini F., taʻu 5, Sulī Lanikā
Tā fakatātā ʻo e salioté ʻi he angalelei ʻa e fakaʻaliʻali ʻaati ʻa e fānaú ki he 2010