Ko e hā ʻoku mahuʻinga ai ke tokoni ki he niʻihi kehé?

Mei he “Tokoni Taʻesiokitá,” Liahona, Mē 2009, 93–96.

Ko hono vahevahe mai ʻe ʻEletā Tāleni H. ʻOakesi ʻo e Kōlomu ʻo e Kau ʻAposetolo ʻe Toko Hongofulu Mā Uá ha niʻihi ʻo ʻene ngaahi fakakaukau ki he kaveingá ni.

Naʻe foaki ʻe hotau Fakamoʻuí ʻEne moʻuí ʻi he tokoni taʻesiokita. Naʻá Ne akonaki ʻoku totonu ke tau takitaha muimui ʻiate Ia ʻaki ʻetau fakafisi mei he ngāue siokitá ʻo tokoniʻi e niʻihi kehé.

ʻOku tau fakamoʻoniʻi ʻi heʻetau maʻu ʻa e sākalamēnití ʻi he uike takitaha ʻa ʻetau tukupā ke tauhi ki he ʻEikí mo tokoni ki hotau kāingá.

Naʻe akonaki ʻa Sīsu ʻoku totonu ke tau hoko ko ha kakai mahuʻinga mo makehe ʻoku muimui ʻiate Ia, pea ke tau ulo atu ki he kakai kotoa pē.

ʻOku tau fiefia mo ongoʻi lavameʻa ange ʻi he taimi ʻoku tau ngāue mo tokoni ai ʻi he meʻa ʻoku tau foaki atú, kae ʻikai ko e meʻa ʻoku tau maʻu maí.

Ngaahi tā fakatātā ʻa Steve Kropp