Ngaahi Ongoongo Nounou mei Māmaní

Tukuange mai e Tohi Fakamuimuitaha ʻo e Ngaahi Akonaki ʻa e Kau Palōfita Moʻuí

Kuo tukuange mai ʻe he Potungāue Ako ʻa e Siasí ha tohi lēsoni fakalanulanu foʻou ʻo e Ngaahi Akonaki ʻa e Kau Palōfita Moʻuí. ʻOku fakamamafaʻi ʻe he tohi lēsoni foʻoú ʻa e mahuʻinga ʻo e kau palōfita ʻo onopōní, fakamatalaʻi ʻa e fatongia ʻo e Kau Palesitenisī ʻUluakí mo e Kōlomu ʻo e Kau ʻAposetolo ʻe Toko Hongofulu Mā Uá, mo fakamatalaʻi e hokohoko ʻo e Kau Palesitenisī ʻUluakí.

ʻOku lava ke fakatau mai ʻa e tohi lēsoní ʻi he store.lds.org pe ngaahi senitā tufakiʻanga nāunaú ʻi he ʻIunaiteti Siteití kotoa. ʻOku lava ke maʻu atu ʻa e tohi lēsoní he taimí ni ʻi he lea faka-Pilitāniá mo faka-Sipeiní pea ʻoku lolotonga liliu ki he ngaahi lea fakafonua kehé.

Talitali ʻe he Siasí ʻa e Fakalāngilangi ʻo e Fetuiaki e Ngaahi Tui Fakalotú

Ne fakahoko he Sāpate 20 ʻo Fēpueli 2011, ʻi he Tāpanekale ʻi he Temipale Sikueá ha hiva fakafetaʻi mei he ngaahi tukufakaholo kehekehe ʻo e tui fakalotú, faivá, lau folofolá, mo e lotú.

Ne lahi ha ngaahi meʻa ne fakahoko he ngaahi falelotu fakalotofonua faka-Siú, ngaahi falelotú, ngaahi temipale faka-Hinituú, mo e ngaahi feituʻu kehe pē kimuʻa he fakaʻaliʻali ʻo e Sāpaté mo e fakaʻaliʻali ʻo e ngaahi tukufakaholo ʻo e tui fakalotu ʻo ʻIutaá.

Naʻe tukuʻau mai ʻa e Hiva Fakalāngilangi ʻa e Ngaahi Tui Fakalotú mei he lolotonga ʻo e Vaʻinga ʻOlimipiki he 2002 pea ʻoku fakahoko ia ʻi Fēpueli ʻi he taʻu kotoa.

© 2007 IRI.