O Se Molimau o Loo Tuputupu Ae

O molimau e pei o ni laau matagofie. E ola faasolosolo i lea taimi ma lea taimi, ma latou te manaomia se tausiga ma se puipuiga. Mulimuli i faatonuga o i lalo ia ola maloloina ai le laau ma matagofie.

Pe a e iloaina se mea ua moni, ua i ai sau molimau o lena upumoni. E fesoasoani le Agaga Paia ia te oe ia e malamalama i le upumoni o i lou mafaufau ma tuu atu ia te oe ni lagona o le filemu, fiafia, malamalama, po o le mafanafana i lou loto. Valivali se fugalaau o loo i lenei itulau i taimi taitasi e te faitauina ai se mea o i lalo e te iloaina e moni.

• O le Atua o lo’u Tama Faalelagi agaalofa.

• E faafofoga ma tali mai le Tama Faalelagi i au tatalo.

• Ona o le Togiola a Iesu Keriso, ua mafai ai ona ou toe nofo faatasi ma le Tama Faalelagi i se aso.

• Sa toefuatai mai e Iosefa Samita le talalelei i le lalolagi.

• O loo i ai se tatou perofeta i le lalolagi i aso nei.

• Ua aoao mai e tusitusiga paia ia te au mea ua finagalo le Tama Faalelagi ia ou iloa.

E pei lava ona tuputupu ae se laau pe a ia mauaina le vai ma le susulu o le la, e faapena foi le tuputupu ae malosi o lau molimau pe a e faia ia filifiliga lelei. O lalo ifo o loo i ai ni auala e mafai ai ona e faamalosia lau molimau. Valivali se lau laau o i lenei itulau i taimi taitasi e te faia ai se mea i lenei masina e fesoasoani ai ia tuputupu ae lau molimau.

• Tatalo i le Tama Faalelagi.

• Faasoa atu lau molimau i le afiafi faaleaiga po o le taimi e fai ai se lauga i le Peraimeri.

• Faitau tusitusiga paia.

• Faalogo ma aoao i le taimi o le Peraimeri ma le sauniga faamanatuga.

• Tusi e uiga i la’u molimau i totonu o la’u api talaaga.

• Ia agalelei i isi.

• Faitau i mea ua aoao mai e perofeta e uiga i molimau. (E mafai ona e amata i le “O Le Ekalesia Moni” na saunia e Peresitene Henry B. Eyring i le Liahona Mati, 2009.)

Ata na tusia e Brad Clark