Aumaia o le Peraimeri i le Fale

Ou Te Filifili le Mea Sa’o e ala i le Ola ai i Mataupu Faavae o le Talalelei

E mafai ona e faaaogaina le lesona ma le gaoioiga lenei e aoao atili ai e uiga i le autu o le Peraimeri i le masina lenei.

E mafai ona e vaai faalemafaufau e alu i se misiona ma le le iloaina o le taimi o le a e toefoi mai ai i lou aiga? O le a sou lagona? O le a se mea e te faia e saunia ai?

Sa malaga atalii e toafa o le Tupu o Mosaea—Amona, Arona, Ominea, ma Himinae—ma la latou uo o Alema i se misiona e 14 tausaga. Sa ono mafai lava ona avea atalii taitasi o Mosaea ma tupu o o latou lava atunuu, ae nai lo lena, sa latou mulimuli i o latou loto. Sa latou liua ma Alema i le talalelei a Iesu Keriso, ma sa latou mananao ai e faasoa atu le talalelei ia sa Lamana, o latou fili.

Sa iloa e alii talavou sa le mafai ona latou faataunuuina a latou misiona e aunoa ma le mana mai le Atua. Ua faamalamalama mai i le Alema 17:2–3 le auala na latou maua ai lenei mana: “Sa latou suesue i tusitusiga paia ma le filiga, ina ia latou iloa le afioga a le Atua. … Sa latou tuu atu i latou lava i le tatalo tele, ma le anapogi; o lea na i ai ai ia i latou le agaga o faaaliga, ma a latou aoao atu, sa latou aoao atu ma le mana ma le pule mai le Atua.”

O le anapogi ma le tatalo sa fesoasoani ai i nei alii talavou e maua ia faamanuiaga mai le Atua. E pei lava o Alema ma atalii o Mosaea, e mafai foi ona e anapogi ma tatalo ia saunia ai e maua ia faamanuiaga ua i ai i le Tama Faalelagi mo oe.

Pese ma le Mau

• “O Le Tagata Poto ma le Tagata Valea,” Tusipese a Tamaiti, 132.

• 1 Nifae 3:16

Taimi o le FMT: Tatalo ma le Anapogi

Ia talanoaina o se aiga le taua o le tatalo a o le i faamauina ma tatalaina se anapogi. O le isi taimi e anapopogi ai le tou aiga, ia talanoa e uiga i se faamoemoega mo lena anapogi. Amata lau anapogi e ala i le tatalo ma le talanoaina ma le Tama Faalelagi o le mafuaaga ua e anapogi ai.

Na o Oe

Tuu se maa felanulanuai i luga o lou moega e fai ma faamanatu e tatalo ma faasoa atu i le Tama Faalelagi mea o loo e anapogi ai. A uma ona e tatalo e amata ai lau anapogi, tuu le maa i luga o le fola e sosoo ma lou moega. A maea lau anapogi, o le a fai le maa ma faamanatu e tootuli ma tatalo. E mafai ona e faaaogaina lenei maa e fai ma faamanatu i le Aso Sa anapogi i masina taitasi pe a i ai ni tou anapogi faapitoa ma lou aiga, uarota, po o le paranesi.

O le a e manaomiaina:

se maa lamolemole se tasi po o se mapu

vali ata po o ni peni vali

pulumu vali

1. Fufulu le maa ma faamago.

2. Faapasī sina vali i luga o se pepa malo po o se fasi pepa.

3. Faaaoga le pulumu po o ni peni vali e teuteu ai le maa. Tusi lou igoa i luga pe tusi isi mamanu po o foliga.

4. Ia faamago atoa le vali ma tuu le maa i luga o lou moega.

Tauagavale: ata ma tusia e Paul Mann: lalo ifo: ata na tusia e Richard Hull © IRI; taumatau: ata na tusia e Brian Bean