Pagdala sa Primary ngadto sa Panimalay

Ang Kalibutan Gihimo alang sa mga Anak sa Langitnong Amahan

Inyong magamit kini nga leksyon ug kalihokan aron makat-on og dugang kabahin sa tema sa Primary karong bulana.

“Wow!” miingon si Ana. “Tan-awa ang tanang bitoon.” Ang tanan sa pamilya ni Ana mihangad gikan sa campfire. Ingon og adunay minilyon ka mga bitoon sa mangitngit nga kawanangan.

Hunahunaa lang,” miingon si Mama, “kada usa niadtong mga bitoon usa sa mga nilalang sa Langitnong Amahan.”

“Atong hinganlan kada usa ang atong paborito nga mga butang nga gibuhat sa Langitnong Amahan alang nato,” misugyot si Papa.

“Kahibalo na ko,” daling miingon si Daniel. “Ganahan ko sa dagkong mga balud nga atong nakita sa dagat sa miaging tuig.”

Si Ana wala makahibalo unsay iyang pilion. Naghunahuna siya sa mainit nga adlaw, sa hayag nga bulan, ug sa kahumot sa mga bulak. Dayon nakahinumdom siya nga ganahan kaayo siya sa tanang matang sa mga mananap nga humok, balhiboon. “Mga hayop!” siya miingon.

Gitugnaw na si Ana, mao nga gihabulan siya ni Papa. “Human buhata sa Langitnong Amahan kining tanang mga butang alang sa Iyang mga anak, Iyang nakita nga kini maanindot,” miingon si Papa.

Dunay mainit, malipayon nga pagbati si Ana. Iyang gibira ang habol hangtud sa iyang suwang ug mitan-aw pag-usab sa mga bitoon. “Salamat kanimo, Langitnong Amahan,” mihunghong siya.

Kanta ug Kasulatan

• “Akong Langitnong Amahan Nahigugma Nako” (Children’s Songbook, 228–29)

• Moises 2:3–27

Mga Ideya alang sa Panag-istorya sa Pamilya

• Hatagi og bulsita ang kada sakop sa pamilya ug pagawasa sila ug pakuhaa og tulo ka butang nga gibuhat sa Langitnong Amahan. O ikaw makadrawing og mga litrato o makalista sa mga binuhat sa Langitnong Amahan. Dayon hisguti sa unsang paagi kadtong mga butanga ug ubang mga binuhat nagpakita sa gugma sa Langitnong Amahan alang nato.

• Mahimong magpulipuli mo sa pagbasa og kusog sa mga bersikulo sa kasulatan sa kada bitoon ug sa pagpangita sa paris nga mga bitoon.

Usa ka Kawanangan nga Puno sa mga Panalangin

Ipares ang kada kasulatan sa ibabaw uban sa litrato nga nagpakita sa usa sa mga binuhat sa Langitnong Amahan. Kolori ang kada paris nga litrato sa mga bitoon ug kasulatan sa mga bitoon og pareha nga kolor.

Moises 2:3–5

Moises 2:6–8

Moises 2:9–10

Moises 2:11–13

Moises 2:14–19

Moises 2:20–23

Moises 2:24–25

Moises 2:26–27

Mga paghulagway ni Bradley Clark