Ang Labing Maayo nga Pinulongan

Ni Jared Rodriguez, Maryland, USA

Tungod kay atong gamiton ang samang ba-ba sa pag-ampo, sa pagpamatuod, ug pagpanalangin sa balaan nga sakrament nga atong gamiton sa pagsulti, kinahanglang atong ampingan nga limpyo ug putli ang atong mga pulong. Ang paagi sa atong pagsulti makapadayag og daghan kon kinsa kita ug sa matang sa kinabuhi nga atong gipuy-an. Si Apostol Pablo, “Kinahanglan walay sulting mahilas nga magagula gikan sa inyong baba, kondili kanang mga maayo lamang nga makapalig-on ug angay sa higayon, aron makahatag kinig kaayohan ngadto sa mga magapatalinghug” (Mga Taga-Efeso 4:29). Makapasilo sa atong Langitnong Amahan kon kita mopasipala sa Iyang ngalan.

Ang kaatbang sa panamastamas mao ang pag-ampo. Kon kita mag-ampo, gamiton nato ang labing maayong pinulongan. Kon kita makigsulti sa atong Amahan sa Langit, kinsa nahigugma nato, importante nga ato kining buhaton uban sa kaputli ug pagpaubos. Niining paagiha, magiyahan kita ug makakita sa walay katapusan nga mga panalangin sa ebanghelyo sa atong mga kinabuhi.